هى نوبيرا مو 2001 خضراء اللون
في ناس بتتصل وبتتقاوض لارجاعها وماحدش بيدى اى علامة مميزة عشان اتواصل معه يقفل السكة فى وشى
مالعمل بعد ماعملت المحضر فى الشرطة
ارجو النصيحة ممن لديهم معرفة بهذا الموقف وطريقة التعامل مع المتصلين
هى نوبيرا مو 2001 خضراء اللون
في ناس بتتصل وبتتقاوض لارجاعها وماحدش بيدى اى علامة مميزة عشان اتواصل معه يقفل السكة فى وشى
مالعمل بعد ماعملت المحضر فى الشرطة
ارجو النصيحة ممن لديهم معرفة بهذا الموقف وطريقة التعامل مع المتصلين
انتظر هم.هايواصلوا اﻻتصال
قدر الله وماشاء فعل
هما اتصلوا بعد ما عملت المحضر ولا قبله ؟
يا فندم احنا دلوقت غير وقت الانفلات الامنى تماما,,,, يعنى لازم الشرطة تجبهالك ,,,, ازاى بأى دى شغلتهم
انت تبلغ الشرطة وتأولهم ان الحرامية بيتصلوا بيك علشان الفلوس والمفروض الشرطة تتتبع الاتصال وتعرف مكانهم
لسة من كام شهر حصل الموضوع دة مع واحد اتخطف وكان ابوة مليونير وعمل نفس اللى أولتلك علية والشرطة جابت الناس دى عن طريق الاتصال من غير ولا مليم
نصيحة منى اوعى تتفاوض مع الناس دى مجرد تماطل معاهم بس
ونصيحة تانية شيل من دماغك اللى بيأولك خلص نفسك وسيبك من الشرطة
لو القسم اللى انت تابع لية اتهاون روح اشتكى فى مديرية الامن ومفيش حاجة اسمها الشرطة ضعيفة وخلص نفسك
كلاب فلوس
دا نفسيتهم باختصار اول ما يشم ان الفلوس جاهزة معاك حاله بيضطرب و التماسك و الجبروت رالمصطنعين بتاعه بيتآيل للسقوط
خليك تقيل على الآخر
و حط فى اعتبارك ممكن المبلغ يتاخد بدون رجوع العربية
كان الله فى عونك
مع احترامى لشخصكاقتباس:
المشاركة الأصلية كتبت بواسطة d.r.mahmoud
عكس كلامك هو الصحيح
واحد اتخطف و ابوه مليونيرغير عربية صاحبها مسئول عنها اتخطفت
متاكد من الكلام ده فعلااقتباس:
المشاركة الأصلية كتبت بواسطة d.r.mahmoud
لا تفاوض هذه الاشخاص. هؤلاء عديمي الدين والاخلاق وليس لهم كلمة. بلغ الشرطة واضغط عليهم هم اللي يرجعوهالك
حصل مع واحد صاحبي كان عربية زيرو غالية وطلبوا 50 الف نزلت ل 40 بالتفاوض خدوا الفلوس وفص ملح ودابوا
طب ممكن تقول اتسرقت ازاي
عشان الناس تاخد بالها
السؤال ده مهم فعلااقتباس:
المشاركة الأصلية كتبت بواسطة ِِِasamir
اقتباس:
المشاركة الأصلية كتبت بواسطة romioromio
كل الشكر لجميع الاخوة الافاضل
مش عارف سرقوها ازاى العربية فيها انذار والدركسيون طبعا بيسوجر وبقالها سنين بتتركن فى نفس المكان بمنطقة المريوطية الهرم ش العروبة
والسرقة تمت من الساعة 2 صباحا حتى الساعة السادسة صباحا
لانى قبل مانام كنت بشرب شاى فى البلكونة الساعة 2 ص وكانت مركونة كالعادة وقمت الساعة 7 عشان اروح الشغل ومتعود على انى اشرب الشاى فى البلكونة ببص عليها ملقتهاش واقفة مركونة مكانها
وروحت القسم عملت محضر الساعة 8 صباح على الفور
ومنتظر الفرج من عند الله
دعاؤكم لى والله المستعان
اقتباس:
المشاركة الأصلية كتبت بواسطة ِِِasamir
اتصلوا بعد المحضر لانى عملت المحضر بعد معرفتى بالسرقة مباشرة كما ذكرت
واكرر شكرى لمشاركتكم
وربنا يبعد عن الجميع الوقوف فى مثل هذا الموقف
صورة للعربية
http://nileup.com/up/uploads/nilemotors_14316222571.jpg
طالما مش راضي يديك علامة مميزة للعربية وكلمك بعد المحضر ففي الغالب اللي بيتصل بيك حد م القسم وهياخد منك الفلوس ويخلع
فيه نصب فى الموضوع ده كتير
ولو حتى اداك بياناتك الشخصية متصدقش
لازم بيانات من العربية
يعنى شكل حاجتك اللى جوة
بالتفاصيل
ربنا يردها لك
فيه نصب فى الموضوع ده كتير
ولو حتى اداك بياناتك الشخصية متصدقش
لازم بيانات من العربية
يعنى شكل حاجتك اللى جوة
بالتفاصيل
ربنا يردها لك
بص يا فندم قبل ما تدخل مع الحرمية دول فى تفاوض خليهم يدولك شوية تفاصيل عن العربية من الداخل اى حاجة مميزة علشان تتأكد ان العربية فعلا معاهم , دى حاجة , تانى حاجة بقا وهى الاهم خد بالك كويس اوى ان ممكن ال يكون سرقها منك راصد تحركاتك كويس اوى وقبل ما يسرق عربيتك كان مراقبك بتخرج امتة وبترجع امتة , ومش بعيد تلاقيه مراقبك لحد دلوقتى علشان موضوع المساومة على الفلوس والحكايات دى , انا مش بقولك تشتغل كرومبو بس عايزك تفتح عنيك كويس اوى ومن غير ما حد ياخد باله منك حاول تركز مع الناس ال بتبصلك كتير واقلب انت الأيه وامشى ورا واحد فيهم من غير ما ياخد باله , يمكن والله اعلم يكون هو ال سرقها وتكون رجعت عربيتك بشغل المخابرات ال على تقيل ده , انا حاسس انى عيشت نفسى وعيشت الناس فى قصة فيلم بوليسى بس صدقنى الكلام ال انا بقولهولك ده حصل مع واحد اعرفه ورجعها بالطريقة ال بقولك عليها دى :)
طولت عليك وفى الاخر احب اقولك حاجة تطمنك وتخليك تنام مبسوط ومش شايل هم حاجة , ربك كبير اوى فوق ما تتخيل وقادر يبتلى ال سرق منك العربية ولو بعد حين " يمهل ولا يهمل " , ارجع لربنا وصليله وهيقف جمبك وعربيتك هترجعلك بالسلامة بإذن الله
شوف ياباشا انا معرفش هما اساسا بيوصلوا لرقم التليفون ازاي
المهم في اول المكالمه هيقولك تحب نخلص ونجيب من الاخر هتقولوا اكيد انت عايز ايه هيقولك بلاش تدخل حكومه عشان لو دخلوا فيها مش هتشوفها تاني ويطلب منك تقفل رقم تليفونك ده وتجيب رقم تاني تكلموا منوا علي بال ما المصلحه تخلص وهتلقي مده كل مكلمه مش بتعدي الدقيقه ويقفل ويرجع يكلمك تاني بعدها بشويه لغاية ما يوصل معاك لسعر الاتفاق ويحددلك مكان ابن ستين في سبعين انت اساسا عمرك ماسمعت عنوا وهتروح وتلقيه بيكلمك اول متوصل اكنوا عارف شكلك ويقولك سيب مثلا الفلوس في حته معينه بس بعد ميكون طلع روحك وياما يقولك علي مكان تاني فيه العربيه وتروح وتلقيها ويارب تلقيها وياما يحصل زي محصل معايا انا وولدي الفلوس اتخدت ومشوفناش حاجه
دا اللي حصل معايه شخصيا من 3 ايام بظبط
وربنا يرجعهالك ويوفقك
اقتباس:
المشاركة الأصلية كتبت بواسطة hero_lancer
كلامك صحيح 100/100 وهو ده الحوار اللى حصل بالتمام كانك كنت سامع الكلام اوقاعد امامى
بس ماوصلناش لحل لانى طلبت منهم مايثيت ان دى عربيتى والى الان لايوجد رد
ربنا يصبرك ويرد ليك عربيتك وادعى لى انا كمان
منهم لله وحسبى الله وايام الدنيا قصيرة ولهم جزاؤهم يوم لاينفع مال ولابنون
طب اللي كان بيكلمك صوتوا شاب ولا واحد عجوز
لو شاب من صوتوا عربجي ولا تحس انوا متعلم
اول اتصال حصل راجل بيتكلم بلهجة بدوية وقالى تعالى استلم العربية فى اليكس قلت له لو طيارة مش عربية مقدرش اذهب اسكندرية عشان صحتى مابتتحملش السفر
تانى اتصال شاب فى متوسط العمر
تالت اتصال صوت شبابى وهكذا تعددت الاتصالات
وبعد كده انقطعت الاتصالات
لعل المانع خير
سؤال حضرتك حاطط اعلان سرقة السيارة علي أي جروب علي الفيس ورقم تليفونك
منتظر الفرج من عند الله
ادعوا لى الاقيها يارب
لو الحرامى عنده اصل يرجعها قبل رمضان
هو هيصوم وهو سارق العربية
ولا ده مبيصومش ومايعرفش ان فى حساب وايام الدنيا قليلة
انا بردو شايف ان ده ابتلاء ... ان شاء الله خير ولو حسبتها حتلاقي انه الله جاب الله خد الله عليه العوض ... بسيطه وقول الحمد لله انه ربنا ابتلاك في حديد وصاج مش في حضرتك شخصيا ولا اولادك ولا بيتك ..وربنا يهدينا سبل الرشاد ... انت بس قول انا لله وانا اليه راجعون .. ان عربيتك مارجعتش تأكد ان المولي سبحانه وتعالي حيكرمك باحسن منها ان شاء الرحمن وربنا يكرمك بالصالح يارب
شكرا على مشاركتكم
كل عام وانتم بخير بمناسبة شهر رمضان
تقبل الله منا ومنكم الصيام
حنى الان لم اصل لشئ
اللهم ببركة هذا الشهر الكريم
رد الى ضالتى
وادعو لى فى العثور عليها
شرطة مين؟؟؟ والله ضحكتني :):)اقتباس:
المشاركة الأصلية كتبت بواسطة d.r.mahmoud
حضرتك مش عايش معانا في مصر ولا بقالك مدة برا؟
جاري عميد وولادة اللتنين ضباط واحد شرطة وواحد طيار حربي.
عربيته أتسرقت من قدام البيت في مساكن الضباط :)
وطبعا راح القسم قالوله بالنص... حاول تتفاوض معاهم وتفاصل في السعر :) آه والله...
لدرجة إني بحس والله أعلم إن الشرطة بتتفق مع الحرامية ويقاسموا معاهم...
للاسف حتى الان لم ترجع عربيتى التى سرقت فى 10/5/2015