عرض للطباعة
صباح بغاشا يا باشا ع كل واحد هيرد علينا :)
مركب تكيف تلاتة حصان فى الصالة فجاءة امبارح شميت ريحت شياط ولقيت التكيف وقف عن العمل
ببص على المفتاح الى عامل زى مفتاح المواتير دا معرفش اسمة اية بس بيبقا تحت التكيف بشوية
لقيتة مطلع ريحة الشياط روحت منزل الزورار لتحت ومطلعة تانى وشغلت التكيف فوجئت بردة بنفس الموضوع والتكيف فصل بعدها بسوانى
المفتاح دا بيتصلح
ولو لاء اجيب غيرة افضل منين لان الى عندى مكتوب علية مصرى
بيتغير
مفتاح باتشينو
باتشينو انضف حاجة وريخ دماغك
البتشينو دا بكام واية البلد الى بتصنعة
عن نفسي بفضل مفتاح فصل زي اللي في لوحه مفاتيح الشقه
بس يكون مناسب في الحمل يعني امبير عالي علي قد التكييف
ويكون نوع كويس
بس انا مش خبير
المفتاح هاتلقى فى وشة غطى بلاستيك شفاف - جواه فيوزات هاتاخد واحد منهم و تفك المفتاح بعد فصل الكهرباء من اللوحة الرئيسية و هاتغير الفيوز - عادة مش هاتحتاج أكثر من كده
هوه ده بالضبط كده .اقتباس:
المشاركة الأصلية كتبت بواسطة mr_green
https://encrypted-tbn0.gstatic.com/i...OjRPxVGgL6kB52
الجزء الشفاف اللى فى اسفله لون احمر دة بيتفك ووراه قطع سلك صغيرة تاخد واحدة وتركبها مكان المحروقه .
بالظبط انا فعلا المفتاح جواة الفيوز الى انتا بتقول علية دا .. عندى سؤااااااااااال هام
المفتاح كان فية واحد فيوزر على اليمين وواحد على الشمال
اغير الاتنين
وهل اركب اربعة اتنين فى اليمين واتنين فى الشمال على اساس قدرتة تبقى اعلى
واخر حاجة الشياط والشرار بتطلع من ورا القطعة البلستكية الى بتنزل وتتطلع مش من مكان الفيوزرات هل بردة الفيوزات السبب وشكرررررررررررررررا جدا
البتشينو اصلا بقي مصري :)
هو المفتاح شكلة كده بيودع لأنة لو كان فيوز كان فصل نهائي
عموما اشتري راحتك وهات واحد جديد
اقتباس:
المشاركة الأصلية كتبت بواسطة 3abdo.it
كده السلك اللى داخل للمفتاح مش مربوط كويس وعمل شرز ومنه ريحه الشياط
هتفك السلوك الداخله للمفتاح وتنضفها من الحرق وتبرمها كويس جدا وبعدين تركبها وتتاكد انها مربوطه كويس ومش مشعره لتفادى الموضوع ده تانى
واحتمال هتغير المفتاح لان لو الشرز كان كبيره هيسيح المفتاح من جوه او هيتلف مسامير ربط السلك.......... جرب الاول الطريقه الاولى
مع احترامي لكل الردود لكن من فضلكم انا كمهندس كهرباء اتمنى لكم جميعا السلامة و ارجو منكم ملاحظة الاتي
1- صنعة الكهربائي المنزلي اصبحت صنعة من لا صنعة له فخلو بالكم من الفهلوه
2- اي خطأ فى توصيلات الكهرباء حتما سوف يؤدي اما الى حريق او صعق كهربي او تلف للاجهزه
3- لو فيوز المفتاح البتشينو ضرب فالحل مش انك تستعمل فيوز من الموجودين و خلاص . لازم تعرف ان الفيوز ضرب لان الكومبرسور ابتدأ يسحب تيار اكبر من اللي المفروض يسحبه و ده بسبب واحد من اتنين .. اما ان الجهد اللي داخل الشقة نزل عن 200 فولت او ان فيه وصلة سلك مخمرة نتيجة عدم الرباط الجيد
وعليه فالمفروض عمل الاتي
1- استبدال المفتاح البتشينو بواحد جديد (او كما قال احد الاعضاء مفتاح بقاطع زي اللي موجود في لوحة الكهرباء)
2- سعة الفيوز بالامبير لازم تكون حسب كاتالوج التشغيل اللي جاي مع الجهاز و لو الكاتالوج ضاع اتصل بالدعم الفني لشركة الجهاز او هات الكاتالوج من على النت . المهم ما تسألش اي حد بيفتي و يقولك هات مفتاح 25 او 32 و العك اللي بنسمعه .. ببساطه لو حطيت مفتاح كبير يبقي وفر فلوسك و حط تشعيرة لان فى جميع الاحوال الكومبرسور محمي ضد زيادة الحمل بأوفرلود داخلي لكن ممكن برضة الكومبرسور يتحرق لو فيه مشكلة
3- لازم تجيب فني كهربائي يقيس الجهد اللي داخل الشقة و كذلك عند المفتاح البتشينو عشان ممكن يكون فيه وصلة سلك مخمرة جوه بواط فى الحيطة
4- يتم تشغيل جهاز التكييف و قياس الجهد مرة اخري عند مفتاح البتشينو و لو وجد ان الجهد اقل من 200 يبقى ممكن يكون فيه تخميرة فى بواط او ان جهد العمارة واطي من الاصل
5- يتم الرجوع الى كتيب التشغيل لان فيه انواع تكييف ممكن تشتغل على الجهد الواطي
6- لو الجهد المقاس اقل من الجهد المذكور فى الكاتالوج فلازم ستابليزر لرفع الجهد
ربنا يحفظكم جميعا و تحياتي
لخبطوني يعني اغير الفيوز ولا السلك
تمام شكرا جدااقتباس:
المشاركة الأصلية كتبت بواسطة zarkoor
ياريت تكمل جميلك وتقلي افضل نوع مفتاح ايه