محتار. بين الفيرنا ولا لانوس تاني
عرض للطباعة
محتار. بين الفيرنا ولا لانوس تاني
انا رايي فى الفيرنا انها موتور دبابة راكب على عربية كارو معدل الامان زيرو
مافيش فرق كبير ... إختار اللي شكلها يعجبك .
عن نفسي بحس عفشة الفيرنا أحسن في الطرق المكسرة .
بتاعت اللانوس بتعمل دوشه أكتر منها شويه .
متشكر جدا لاهتمامكم لكن مازلت محتار انا كان معايا لانوس وكانت رائعة وللاسف بعتها وبغكر اغير ها الفيرنا فيها مميزات عن اللانوس ياريت يفيدني
انا زمان كنت زيك ومحتار وربنا كرمني وجبت الانوس وبعتها وان شاء الله هجيب لانوس تاني الفيرنا ضيقه ميزتها ماتور بس لكن شكلهامش عجبني الانوس ماتور مش وحش كويس شكلها كويس واسعه ومريحه اكتر من الفيرنا
وطبعا ازواق
لا لو كنت راكب لانوس وهتغير لفيرنا بلاش نصيحة لوجة الله - صحيح موتور الفيرنا اقوى وسبها - بس الحكاية من موتور فقط
موتور الفيرنا ميزه برضه بتحس بيه فى الصيف وانت مشغل التكييف ....فى اللانوس مع التكييف السحب ضعيف بدرجه تتضايق وعموما سحب اللانوس ضعيف شويه فى البدايه بس بعد كده بتفتح عادى بمعنى تانى التسارع بتعها زى ما محترفى السيارات ما بيقولو مثلا من صفر لغايه 50 (هما طبعا بيقسوها لغايه 100) بس انا بقول لحضرتك لغايه 50 لانها بتفتح بعد ما تنقل الثالث لكن لغايه ما تنقل للثالث تسارع العربيه اقل من العربيات الى حوليها ....هى اعلى من الفيرنا واوسع بس مش قوى يعنى هى اعلى واوسع بشويه صغيرين ...على فكره انا بكلم لان معايا شيفورليه لانوس 2012 اشترتها زيرو ....وكان معايا برضه فيرنا زيرو .الفيرنا موتور قوى مفيش كلام بصراحه ....صاج الشيفورليه الانوس مش قوى اوى ولا حاجه بس طبعا الدايو حاجه تانيه بالنسبه للصاج...ربنا يوفقك للاختيار الصح ...
موضوع اتناقش من سنين طويلة
الشكل الخارجى أزواق
الشكل الداخلى الفرنا أحلى
فى الفرنا بتشوف الكبوت وانت سايق فى الانوس لا
الانوس شاسية وفتيس وعفشة أوبل استرا F 94
الفرنا ماتور 106 حصان جبار جرى لو 1600 ماتور اللانوس كسلان قبل 2500 rbm بعد كدا بيفتح
الاثنين فرامل تعبانة اللانوس اتعدلها الفرامل بقيت ممتازة مش عارف عملوها فى الفرنا ولا لا
الوسع الداخلى تقريبا واحد بس شنطة الفرنا أكبر شوية
الوكيلين للسيارتين بيتنافسوا على ايهما الاسوء
قطع الغيار الاثنين متوفرة بشدة جديد واستيراد
الثبات الاثنين تعبانيين بس اللانوس اثبت التسارع لصالح الفرنا مفيش كلام
تحياتى
أنا بفضل اللانوس
أنا بشوفها أشيك من جوا وبرا
ده غير إن سواقتها مريحة أكتر والمناورة بيها أسهل وأثبت بس مشكلتها موتورها أضعف
بص بردو على اللوجان الجديدة..نزلوا فيها كمان أتوماتيك بادئ من أول 105 ألف والمانيوال حاجة وتسعين وشكلها إتحسن كتير عن الشكل السابق وأدخل قسم رينو وإقرا عنها
لانوس الزيرو حلو جدا ومشكلها أقل وموتوها عادي وحلو خالص قبل متكمل 5 سنين
الفيرنا واطية وضيقة وبعد كده متسويين في كل حاجة