بسم الله الرحمن الرحيمالاخوه الكرام
عندى عربيه لانوس 2005 وعندى عجله اتخرمت وروحت للعجلاتى قالى على مسحوق يوضع داخل العجلة يقوم بسد جميع الثقوب التى تحدث تلقائيا دون حاجه للحامها وقال ان العجلة جديده وحصل فيها تنميل وخسارة تتغير دلوقتى وانصحك بالمسحوق ده وفيه نوعين واحدا بـ 25 جنيه واخر بـ 35 جنيه
ايه رأيكم ياجماعة هل فيه الكلام ده وهل هو كويس ولا ايه؟
وشكرا للجميع
السلام عليكم .... اللي انا اعرفه عن الماده دي انها بعد فتره بتعمل رعشه وعدم اتزان في العجله نتيجه الطرد المركزي للماده وشكرا نصيحه بلاش
انا رايي ان طالما العجلة مش نافعة كدة كدة ممكن تجرب بس برضو ممكن تستنا حد مجرب يقولك رايه
انا شفت مرة واحد وضع المادة دى قدامى ورجع شالها تانى لانه معرفش يعالج رعشتها بالترصيص ..... من الاخر بتبقى فيها رعشة جامده ومش بتروح حتى مع ترصيص العجلة
بيأثر علي اتزان العجله و لو حصل حاجه للعجله مش حينفع تتلحم مره ثانيه
انا جربتها من شهر بس على عجله واحده ورا يمكن علشان كدا مش حاسس بالرعشه لكن الفرده بتريح وزودتها تلات مرات خلال الشهر ..ولو دورت في المنتدي هاتلاقي كلام كتير عن الموضوع اخطره حكايه البارومه في الجنط
انا قلت اجرب ومستني اشتري فردتين جداد واشوف حكايه البارومه
بيخلص علي الفرده وبعد شويه علي الجنط بيعمل صدا ده غير الرعشه
الف شكر ليكم ياجماعة .... دا العجلاتى كان بيتكلم بثقة ويعيد ويذيد علشان يضغط عليا حتى بالاحراج لكنى صممت ان لما اجى المره الجاية .... وكويس انكم نبهتونى للمشكلة دى
شكرا للجميع