بشد العربيه .. وعايز رايكم في الاسعار اللى سمعتها
السلام عليكم
---
عربيتي لادا 2003 مصري
والموتور بدأ يدخن وعايز شويه سمكره علي نضيف ورش نضيف وفرش جلد وساوند سيستم + كاوتش طبعا
مش عارف اللى هاعمله ده مجازفة وخساره في العربيه ولا لا
اولا اقولكم علي الاسعار
الميكانيكي : لو فتح الموتور وطلع شمبر هيكلفني 1000 ج
لو عمره هيتكلف فوق ال 2000 ج
--
السمكره هتدخل في 400 ج .. وعايز اعرف رفرف الادا بكام + اكصدام خلفي بس المصري الجامد مش الفيبر الجديد
--
الدوكو : واحد قالي 1000 ج وفيه واحد نضيف بيتكلم في 1500 ج
---
السروجي .. فرش جلد كراسي و ارضيه (بيقول جلد الماني : وانا اعرفه منين !!)+ كاوتش ابواب + شويه تحابيش .. بيتكلم في 1400 جنيه خياطة واسعه بيقولي متتكلمش معايا في الفلوس عشان اعملك شغل محترم
---
عده صوت : كاسيت بايونير 500 وات + سماعات بايونير 600 وات تقريبا + بازوكه + جي ام .. بيقولي 2200 جنيه بالتركيب
---
تكييف : لحام ماسورة كانت مكسورة + شحن 300 ج تقريبا و ضبط الكمبروسر
----
4 فرد كاوتش ب 1250
والكاوتش السلك احسن ولا التيل .. وايه الفرق مع العلم ان السلك اغلي
غير الترخيص هيكلفني بالتأمين والضريبه 1000 جنيه
كده انا هصرف في حدود
10 الاف جنيه
مع ان العربيه مش بشعه يعني .. بس زهقت من فكره انى لا ببيع العربيه ولا مستمتع بيها
بس مش عايز اتهور برضه
هل احسن لي انى ابيعها في سكه 25 الف وازود العشره واغير ولا برضه اللى هاجيبها هاحتاج اشدها !!
ارجو النصيحه
:crying1: ولا اروح اجيبلي تي في ثري دي كبير واعيش في الافلام احسن :3mla:
