الصينى هيغزو العالم بسيارات فوق ما تتخيل وبأسعار فى متناول الجميع

**adorehearts** · 15-05-2015 10:37 AM

بسم الله الرحمن الرحيم
السلام عليكم ورحمة الله وبركاته

فى الأونه الأخيرة السيارات الصينى انتشرت فى السوق بموديلاتها المتنوعة والمختلفة ولكن

وبعد ولكن دى حط تحتها 1000 خط احمر

لأن فى اواخر عام 2017 هتنزل الكونسبتات للسيارات الصينى كذا دولة ومنها مصر
وبالمناسبة هتكون اسعارها لا تتعدى ال 200 الف جنيه

هسيبكم مع حبة صور من ال Concept لبعض السيارات الصينى ال توكيلاتها موجودة فى مصر فى الوقت الحالى

اول سيارة اسمها Raeton CC والسيارة دى من ضمن عائلة شانجان الصينية

ثانى سيارة اسمها Geely Emgrand concept

ثالث سيارة واسمها A5 من عائلة Chery

وبكدة اكون خلصت موضوعى ال بعرضلكم فيه احدث السيارات ال هيتم تسويقها فى اواخر العام 2016 يعنى ممكن تكون فى مصر على اواخر 2017 او فى بدايات عام 2018 وعليكم خير

اتمنى ان الموضوع ينول اعجابكم ويشوقكم زى ما انا متشوق للسيارات دى اشوفها فى مصر او اكون احد ملاكها وفى النهاية احب اقول " إن أحسنت فمن الله , وإن أسأت أو أخطأت فمن نفسي والشيطان "

شكرا.

**rotanamasoud** · 15-05-2015 02:07 PM

طول عمره الصينى شكل وشكل حلو اوى اللى عايز يشترى شكل يشترى يعنى بال200 الف يركب المانى عارف يعنى ايه المانى

**unl0veable** · 15-05-2015 02:12 PM

تسلم ايدك

**م أحمد** · 15-05-2015 02:41 PM

الاولى تقريبا خلفية الدودج دارت
الجيلى امجراند الحالية مقلدين شكل ال S class بس الجديدة تقليد ال E !!!
و التالتة وش الكيا سيراتو و خلفية ال CLA

الداخلى مش عارف ازاى يعمل تابلوه لونه ابيض و ما له من انعكاسات مضرة على القيادة

بشكل عام السيارات زى المعادن سعرها عالمى زى الدهب كدة و لو لقيت سعر نازل يا اما تشك فى الخامات او المصنع قنوع بنسبة ربح بسيطة او فكر التصنيع على قد الحاجة

**adorehearts** · 15-05-2015 08:46 PM

المشاركة الأصلية كتبت بواسطة rotanamasoud

طول عمره الصينى شكل وشكل حلو اوى اللى عايز يشترى شكل يشترى يعنى بال200 الف يركب المانى عارف يعنى ايه المانى

مع احترامى لردك بس العالم كل يوم بيتطور ودلوقتى الصينى والكورى الكواليتى بتاعهم بقا قريب اوى من الألمانى , يعنى بمعنى اصح مفيش حاجة بتفضل على حالها..

المشاركة الأصلية كتبت بواسطة unl0veable

تسلم ايدك

تسلم عيونك

المشاركة الأصلية كتبت بواسطة م أحمد

الاولى تقريبا خلفية الدودج دارت
الجيلى امجراند الحالية مقلدين شكل ال s class بس الجديدة تقليد ال e !!!
و التالتة وش الكيا سيراتو و خلفية ال cla

الداخلى مش عارف ازاى يعمل تابلوه لونه ابيض و ما له من انعكاسات مضرة على القيادة

بشكل عام السيارات زى المعادن سعرها عالمى زى الدهب كدة و لو لقيت سعر نازل يا اما تشك فى الخامات او المصنع قنوع بنسبة ربح بسيطة او فكر التصنيع على قد الحاجة

خد بالك اسعار السيارات بلدنا الحبيبة بتغليها جدا بسبب الجمارك والضرائب واللذى منه , يعنى السيارات دى برة ثمنها بيقل كل سنة لأن المتيريال بتاعها فى الطبيعى بيرخص..

**Omar Mahmoud** · 17-05-2015 06:45 PM

الصيني و الكوري و الالماني الكواليتي بتاعهم في فرق كبير
مش قريبين نهائي

**accord** · 23-05-2015 05:54 PM

رووووعة ايه الجمال ده

**JapRuleZ** · 24-05-2015 03:59 AM

بعد فضيحة ال DSG ..... ال brilliance بقت اخسن من VW

**akmm** · 24-05-2015 02:18 PM

الصينى في الاول وتخوف الكثيرين منه .............. عامل زى بدايات الكورى عندنا لما بدا ينزل مصر . وتطور حاليا واصبح بالجوده اللى بنشوفه بيها دلوقت . الصينى اكيد هيبقى كده .