ارجو الرد العاجل اثبات موتور استيراد بدون اصل الافراج الجمركى

**dr.braveheart** · 15-05-2015 04:02 PM

السلام عليكم ورحمه الله وبركاته
ارجوا الرد والنصيحه العاجله فانا فى حيره شديده
كنت قد اشتريت موتور استيراد جديد من تاجر واخذت منه صوره الافراج الجمركى واصل فاتوره الشراء مختومه من المستورد فى بورسعيد ولكن خاليه من البيانات
المهم قال لى التاجر عندما ياتى موعد تجديد الرخصه ارجع لى وانا سارسل للمستخلص فى بورسعيد لارسال اصل الافراج الجمركى
ولكن للاسف كان لايزال هناك سنتان على التجديد فلم اهتم وقتها
الى ان جاء موعد التجديد الان وعندما ذهبت للتاجر وجدته قد اغلق المحل ولا اعلم عنه شيئ
ما الحل الان فانا لا استطيع التجديد بدون اثبات الموتور الجديد على الرخصه
ارجوا النصيحه العاجله او الحلول البديله وهل يمكننى بنفسى طلب اصل الافراج ومن اى مكان؟ فتجديد الرخصه متوقف الان بسبب هذا الامر
وجزاكم الله خيرا
السلام عليكم

**احمد فهمى** · 16-05-2015 03:22 AM

الحل الوحيد تشوف تاجر تانى يعملك ورق افراج له وهياخد فلوس طبعآ يا اما هتكون للأسف مضطر تغير المتور

**ameros** · 17-05-2015 12:42 PM

المستورد لو مختوم عندك هسمه سهل توصله كل اللي انت محتاجه من هناك رقم صادر ب ٢٠٠ جنيه وشكرا

**dr.braveheart** · 17-05-2015 01:31 PM

المشاركة الأصلية كتبت بواسطة ameros

المستورد لو مختوم عندك هسمه سهل توصله كل اللي انت محتاجه من هناك رقم صادر ب ٢٠٠ جنيه وشكرا

ايوه المستورد ختمه موجود فى اصل فاتوره الشراء واسم الشركه وعنوانها ف بورسعيد بس ازاى اطلب رقم الصادر دا اروح فين يعنى عايز اعرف اول خطوه بالظبط

**ameros** · 17-05-2015 02:01 PM

المشاركة الأصلية كتبت بواسطة dr.braveheart

ايوه المستورد ختمه موجود فى اصل فاتوره الشراء واسم الشركه وعنوانها ف بورسعيد بس ازاى اطلب رقم الصادر دا اروح فين يعنى عايز اعرف اول خطوه بالظبط

مش انت اللي تعمل كده التاجر عنده مخلص دا شغله انه يبعت رقم الصادر عالمكان اللي هترخص منه وفالغالب بيتبعت عالاداره العامه للمرور انت كل اللي عليك انك توصل للمستورد ر سواء تليفوت او تروحله بورسعيد وتديله الفاتوره وشكرا علي كده هتابع منه رقم الصادر فيوم او اتنين هيجيلك الموظف فالمرور هيراجع عليه ويكتبهولك علي ورقك وروح رخص

**dr.braveheart** · 17-05-2015 02:55 PM

المشاركة الأصلية كتبت بواسطة ameros

مش انت اللي تعمل كده التاجر عنده مخلص دا شغله انه يبعت رقم الصادر عالمكان اللي هترخص منه وفالغالب بيتبعت عالاداره العامه للمرور انت كل اللي عليك انك توصل للمستورد ر سواء تليفوت او تروحله بورسعيد وتديله الفاتوره وشكرا علي كده هتابع منه رقم الصادر فيوم او اتنين هيجيلك الموظف فالمرور هيراجع عليه ويكتبهولك علي ورقك وروح رخص

طيب الموجود هو اسم المستورد وعنوانه ف بورسعيد ومفيش تليفون المطلوب اروحله بورسعيد بصوره الافراج واصل الفاتوره ؟ طيب اصل الفاتوره خالى من البيانات يعنى مش مكتوب فيه حاجه غير اصل الختم بتاع المستورد بس ياترى اروح بيه كده ولا املاها انا الاول وشكرا لحضرتك

**ameros** · 17-05-2015 03:17 PM

المشاركة الأصلية كتبت بواسطة dr.braveheart

طيب الموجود هو اسم المستورد وعنوانه ف بورسعيد ومفيش تليفون المطلوب اروحله بورسعيد بصوره الافراج واصل الفاتوره ؟ طيب اصل الفاتوره خالى من البيانات يعنى مش مكتوب فيه حاجه غير اصل الختم بتاع المستورد بس ياترى اروح بيه كده ولا املاها انا الاول وشكرا لحضرتك

لا رحله بالورق زي ماهوه كده وطبعا الفاتوره اكيد بنفس اسم المستورد ولا ايه؟؟؟

**dr.braveheart** · 18-05-2015 02:02 AM

المشاركة الأصلية كتبت بواسطة ameros

لا رحله بالورق زي ماهوه كده وطبعا الفاتوره اكيد بنفس اسم المستورد ولا ايه؟؟؟

ايوه اسم المستورد واحد فى صوره الافراج الجمركى والفاتوره بس الفاتوره فاضيه لا فيها اسمى وبياناتى كمشترى للموتور ولا بيانات الموتور فاضيه خالص مش فيها غير ختم المستورد بس وكل الخانات متسابه فاضيه

**alking_2006** · 18-05-2015 03:08 PM

نفس المشكلة عندى (ماروتى) و مش عارف اعمل حاجة فى الموضوع و لا عارف ابيع و لا عارف ارخص

باختصارررررر

- سقطت موتور عند تاجر فى الحرفيين من سنتين و نص مع الاسف

- الورق الاصلى جه و كان رقم الموتور غلط (بدل 3 مكتوب 8)

- رجعنا الورق لمرور بورسعيد و جه للمرة التانيه غلط (رقم 8 اتصلح بقى 3 و لكن زودوا 0 فى اخر الرقم و بالتالى المرور مرضيش يرخص)

- صورة الافراج و اصل الفاتورة ضاعوا منى لسبب ما

- روحت لتاجر تانى فى وكالة البلح و اخد 500 جنيه علشان يطلعلى ورق تانى خالص بالرقم الصح

- ادانى صورة الافراج و اصل الفاتورة و قالى روح اسأل فى الدراسة

- على مدى سنة و نص اروح اسأل فى الدراسة يقولى رقم الصادر غلط اروح للتاجر اقوله و بعدها بشهرين تلاتة يدينى رقم صادر تانى و اروح اسأل فى الدراسة و يقولى الرقم غلط و هكذا دوالييييييييييييييك :)

- و اخيرا الرخصة اتسحبت لأنتهاء فترة التسيير و انا يأست من الموضوع و قررت اسلم النمر للمرور و اسقط قيد العربية و ابيعها خردة :)

- الكلام كدا باختصار لكن لو حكيت بالتفصيل هقول كتييييييييييييييييير

- اخيرا: الحمد لله رب العالمين