من فضلكم أنا محتار أوي بين 4 عرربيات (شارك - سيتروين سي اليزيه - سوزوكي سياز - جين 2)
ياريت حد يفيدني مين أفضل من حيث الثبات وصلابة الصاج ... قطع الغيار والصيانة ... إعادة البيع ... التوكيل ومراكز الحدمة
وشكرا
عرض للطباعة
من فضلكم أنا محتار أوي بين 4 عرربيات (شارك - سيتروين سي اليزيه - سوزوكي سياز - جين 2)
ياريت حد يفيدني مين أفضل من حيث الثبات وصلابة الصاج ... قطع الغيار والصيانة ... إعادة البيع ... التوكيل ومراكز الحدمة
وشكرا
جميع المواصفات التى تطلبها لصالح الشارك ماعدا التوكيل
-الشارك كعربية حلوة لكن أقل كماليات و أعلي سعر بس كثبات و سحب كويسة و عفشتها مالتي لينك و أنعمهم
-السياز أحسن سعر في فئتها مقابل كماليات لا تحصي و لكن أضعف موتور و كانت محتاجة تبقي 1600 و ثباتها كويس برضه
-السي اليزيه معقولة و كشكل جميلة و كمالياتها مرضية في فئتها و ماعنديش أي نحفظات عليها
-البروتون موتور Campro و أحسن سحب فيهم و ثباتها كويس مقابل عيوب تقفيل مش في كل الحالات و عفشة ناشفة نسبياً
من الآخر لو انت مش بتحب تشد و تجري كتير يبقي سياز أفضل اختيار و لو بتحب تجري يبقي شارك مع العلم إنك يفضل تجيبها هاي لاين لأن أول فئة فاضية مقارنة بالسياز و لكن الشرط ده هيعلي فئتها ف أحسنلك ساعتها تجيب فلوانس :)
الجري والسرعة العالية مش عامل مهم خالص بالنسبالي .... كمان هدفي إنها سيارة للعائلة مش حاجة شبابية ....
مائل أكثر للسياز بنسبة كبيرة ... لكن مقلقني إنها 1400 سي سي بالاضافة إالى إنها أول سنة ... ف قطع غيارها وصيانتها مقلقاني شوية ... مع مشكلة إعادة البيع واللي أعتقد إنها مش حتبان دلوقتي
المقارنة دلوقتي أصبحت بين سوزوكي سياز و جين2 ... مين فيهم قطع غيارها ألاقيها أسرع وصيانتها تبقى أسهل ... علما إني صرفت نظر عن الشارك وال ستروين
برده مين فيهم توكيله أحسن
الثبات و ضلابة الصاج=جين 2
قطع الغيار و الصيانه=شارك
اعادة البيع=شارك
التوكيل و مراكز الصيانه=شارك
الرفاهيهةو متعة الاستخدام و توفير الوقود=سياز
شارك
هذه هي أيام الشارك لمميزاتها الآتية:
1. سيارة يابانية 100% وهذا لم يعد متوافرا لكثير من السيارات الأخرى (وإن كنت أنا لا أعتبرها ميزة قوية لأن اسم الماركة هو ما يعنيني أكثر من مكان تجميعها هل هو بلدها الأصلي أم أي بلد آخر وإلا ما تم تجميع مرسيدس وبي إم في المحروسة) !!
2. سيارة اعتمادية جدا، منتشرة - في السنتين الأخيرتين - جدا جدا، تلبي الاحتياجات الأساسية من سرعة ونعومة وتكييف وسهولة صيانة وسعر إعادة بيع.
3. مظهرها جيد - وإن أصبح قديما - وصوتها رياضي - لمن يحب ذلك - وموفرة في استهلاك الوقود.
أما عيوبها فهي كالآتي:
1. الشكل الذي لم يتغير منذ ما يقرب من 8 سنوات والذي يدل على عدم التطوير والتحديث بل والاهتمام أصلا من قبل ميتسوبيشي لهذه السيارة الناجحة جدا على مجار تاريخها.
2. صيق الصالون وضيق الشنطة (صندوق الأمتعة) مقارنة بالبومة حتى (فضلا عن منافستها الحاليين أو السابقين) وبما لا يتناسب مع طموحات 2015 و 2016.
3. عدم توافر فتيس cvt والذي كان ميزة كبيرة - بالنسبة لي - في البومة، رغم إقبال كل السيارات اليابانية - تقريبا - عليه حاليا (مع تطويره) مما يدل على تميّزه عن غيره من تقنيات نواقل الحركة.
4. الفقر الداخلي والواضح والبخل الكبير في الكماليات بل وفي وسائل الأمان حتى، وخصوصا مع دخول أعلى فئة منها في دائرة ماركات أخرى أحدث وأفضل وأجمل (مع مراعاة اختلاف وجهات النظر) كالفلوينس والسنترا والمازدا والسيتي والرابيد والتوليدو وغيرهم.
5. كثرة فئاتها وتنوعها ما بين خليجي سعودي، وشرق أوسط، ووكيل، حتى تجاوز عدد فئاتها 18 فئة كاملة!! وهذا شيء يقلقني أنا عن نفسي، وخصوصا مع ضعف التوكيل والخوف من صيانة الخليجي.
في النهاية.. أنا واقع في نفس الحيرة تقريبا، وبصراحة وعلى مدار 9 أعوام وأنا أركب السيارات لمجرد انتشارها، وهذا ما أحاول تلافيه حاليا باستبعادي للشارك - مؤقتا - من اختياراتي، وأفكر حاليا في التوليدو أو السنترا لمحاولة تحصيل مميزات عدة، مثل الحداثة، والوسع الداخلي، وكبر حجم الشنطة، ووسائل الأمان الكثيرة، ووسائل الرفاهية الأكثر!! ما زال موضوع عدم الانتشار يخيفني قليلا، ولكني سأتغلّب عليه سريعا بإذن الله وأختار، بل سيختار الله لي، الأصلح بإذن الله تعالى.
شارك
بس لو مساحه الشنطه فارقه معاك يبقي سي اليزيه و ساعتها ممكن تفكر في ال 301