الناس اللي معاها دايو بالذات… بتفكروا تشتروا عربيه جديده !!

**hon** · 18-05-2015 01:49 AM

المشاركة الأصلية كتبت بواسطة DrWaEl

بص ياباشا القصة دي انا فكرت فيها من 3 سنين ولاغيتها بسب غلاء الاسعار والان بفكر فيها من تاني وعشان كده دماغي وجعاني

الحقسقة المرة الي بنحاول نفر منها ولكن للاسف هنقبلها هنقبلها هي غلاء الاسعار فغيرت النهردة هتدفع كتير غيرت بكرة هتدفع أكتر

فغير وخلاص كده كده خربانة

انت عارف اية المشكلة انك بتشد العربية وبتفرح بيها وبعد فترة مش كتير يعني بتلاقيها رجعت زي مكانت كأنك معملتش حاجة علشان كده لازم تغير احساس العربية الجديدة لايمكن تجيبة اي شده لعربية قديمة

ف مش عارف اقولك اية الصراحة

بس لو عرفت ابقي قولي

مقولة صحيحة فعلا مهما شديت وصرفت مش حتحس احساس الزيرو ابدا عن تجربة بالذات لو العربية معاك من الزيرو حتفضل تقارن فى دماغك ايام مكانت زيرو دا حتى ممكن تفتقد ريحة الفبريكة

تحياتى

**msobhy** · 18-05-2015 12:15 PM

بشمهندس أحمد أزى حضرتك
يا رب يكون فيه حد لسه فاكرنى
أولا رأى كل الاعضاء اللى فوق سليم 100%
لكن اسمحوا لى اضيف شوية كلام عليه
انا كان معايا لانوس من سنة 2006 لغاية 2012 وصرفت عليها ارقام خياليه علشان احس بنعومتها وتسارع قوى واستهلاك بنزين قليل - وكل الفلوس اترمت على الارض بدون مقابل
ساعتها قررت اجيب نوبيرا - ركبت النوبيرا العربيه أوسع - موتور أقوى لكن عربيه فقيره وعزلها سيئ -
قولت اجيب زيرو - طبعا الاسعار حدث ولا حرج زباااااااااااااااااااله
المهم ربنا كرمنى بواحد ابن حلال ساعتها وقال لى سيبك من النوبيرا وفكر فى النترا 2007 مانيوال - طبعا انا قلت له مستحيل وهاتبقى غاليه جدا عليه - اينعم هيه حلم حياتى لكن برضو مش فى امكانياتى- المهم روحت اتفرجت على كذ عربيه وتقريبا شبه اتهبلت على العربيه
طيب ليه اتهبلت؟؟؟؟؟
اولا العربيه انا بحبها من زمان جدا
ثانيا جربت كذا عربيه - عزل العربيه ممتااااااااااز
ثالثا العربيه واسعه واخوكم 190 سم
رابعا شنطة العربيه واسعه جدااااااااااااااااااااااا ااااااااااااااااااااااااا اااااااااااااا وده بيفيدنى بسبب انها عربية عائله بالاضافه لشوية اجهزه تعويضيه خاصه بوالدتى
خامسا تسارع حدث ولا حرج
سادسا اعتماديه اعلى من اللانوس بمراحل
سابعا سرعه قصوى (وان كنت بطلت الجرى تماما) بمنتهى السهوله بتوصل ل 160 - وتقفيل العداد ده عادى جدا
ثامنا وده مهم جداااااااااا - تكيف اللانوس فعلا كان حلو - تكييف الالنترا مقارنتا باللانوس 150%

ساعتها بقيت اتشقلب شمال ويمين لغاية لما افتكرت حاجه مهمه - ان بنت عمتى معاها النترا 2010 (الموتور الجديد) وكانت جايبها زيرو - وقد كان
طبعا كانت اغلى لكن علشان القرابه انا تقريبا اخدتها قسط
فعلا حسيت بنقله جامده جدااااااااااا والحمد لله رب العالمين
والله انا بركب النترا 2013 بحس انها زى عربيتى بالظبط

الدايو بشكل عام عربيه تمشى وبس بدون اى متعه - من غير زعل يا رجاله وانا دايما بقول ان الدايو هو بيتى الحقيقى - لكن سواء اللانوس أو النوبيرا بصراحه كفايه عليها كده
انا شايف ان لو النوبيرا تجيب 50 أو 55 تتيباع ويتزود على فلوسها 20 وتجيب النترا مانيوال - أو 30 وتجيب النترا اوتوماتيك

بجد هاتحس بنقله محترمه

والاهم طبعا تجيب عربيه حاله ويا سلام لو من حد انت تعرفه

**dedi** · 19-05-2015 09:24 PM

المشاركة الأصلية كتبت بواسطة ahmad--ezzat

السلام عليكم
ازيكم يا رجاله..كيف الحاااااال
والله الموضوع ف بالي بقاله فتره كبيره جدا.،اني عايز اشتري عربية اتوماتيك زيرو… انا معايا نوبيرا 2008 عامله 97 الف كيلو… مريحاني الحمد لله… بس الواحد نفسه ف حاجة اتوماتيك من الحجات الحديثة دي وفنفس الوقت انعم

المهم قلبت ف الجرايد وعلي النت… الاسعاااااار ناااااار… .نزلت المصريه… الاسعار فوق ال 110 عشان تجيب حاجة كويسه..وهو انا لو بعت عربيتي..هتجيبلي كااام… .طب الله… انا هدفع 110 ف i10 ولا ف بيكانتو..حراااام… طيب فين الوسع بتاع النوبيرا !!! فين الحجم اللي يحسسني اني راكب عربيه مريحاني في المساحة وفقوه الموتور بالسعر دة… ففكرت اني مجبش عربيات واشد العربيه بتاعتي الي كل ما تحتاجة من سمكرة او صيانه او تظبيط
ايه رايكم!
حد فكر يغير النوبيرا او الدايو عموما والموضوع فشل معاه زيي كدة :e_braces[1]:

تجربتى احكيها لك
معى لانوس اول يد موديل 2000 شديتها سمكرة ودوكو وعمرة من شهر وصرفت كتير على ولغاية دلوقت موش مخلصة مصاريف يعنى اخر حاجة عاوزة مساعدين وكبالم ورشاشات والفرش يعنى
موش عارف اعمل اية لسة مرخصها 3 سنين
انا متخيل اتى صرفت عليها وكدة فل ولكن كمشكلة كل المستعمل

**4fun14** · 20-05-2015 11:13 AM

نفس المشكله عندى..اللانوس مش مضايقانى بس فعلا نفسى في اوتوماتيك
وأسعار المستعمل مستفزه اوى..اقول اجيب صنى 2008 الاقى أسعارها 85 الف وطالع
وطبعا انت عارف المستعمل ,بختك يابو بخيت
لو مش هشتريها من حد معرفه يباه بلاش
اكيد مش هشترى عربيه انا وحظى هدفع فيها حوالى 90 الف "بنقل الملكية وتظبيط الحاجات الواقعه فيها" لمجرد انى اسوق اوتوماتيك..ثم ازاى ادفع 90 ف مستعمل ممكن اجيبه جديد ب 110؟!ليه اجيب حاجه اتبهدلت ف شوارعنا 7-8 سنين واباه وفرت 20 الف
ده طبعا عرفنى قيمة اللانوس..واحد معندهوش عربيه عاوز عربيه اصيله متتعبهوش مكيفه وناعمه ولما يبيعها ميخسرش فيها..ب 40 الف بس..يا بلاش
عشان كده اكتشفت ان اللانوس سعرها مش غالى زى ماكنت متخيل دى ارخص عربيه محترمة
بس انا زيك..مليت وزهقت وعاوز اتدلع شوية
والزيرو حاله يضحك,اجيب عربيه صغيره ب 135 الف "بيجو 301"؟يعنى ادفع من جيبى 100 الف فوق تمن عربيتى
مش عارف اعمل ايه بس اكيد العربيه هتتغير ف يوم من الأيام وكل مالواحد يستنى الأسعار بتشرخ فوق

**DrWaEl** · 20-05-2015 12:09 PM

المشاركة الأصلية كتبت بواسطة 4fun14

نفس المشكله عندى..اللانوس مش مضايقانى بس فعلا نفسى في اوتوماتيك
وأسعار المستعمل مستفزه اوى..اقول اجيب صنى 2008 الاقى أسعارها 85 الف وطالع
وطبعا انت عارف المستعمل ,بختك يابو بخيت
لو مش هشتريها من حد معرفه يباه بلاش
اكيد مش هشترى عربيه انا وحظى هدفع فيها حوالى 90 الف "بنقل الملكية وتظبيط الحاجات الواقعه فيها" لمجرد انى اسوق اوتوماتيك..ثم ازاى ادفع 90 ف مستعمل ممكن اجيبه جديد ب 110؟!ليه اجيب حاجه اتبهدلت ف شوارعنا 7-8 سنين واباه وفرت 20 الف
ده طبعا عرفنى قيمة اللانوس..واحد معندهوش عربيه عاوز عربيه اصيله متتعبهوش مكيفه وناعمه ولما يبيعها ميخسرش فيها..ب 40 الف بس..يا بلاش
عشان كده اكتشفت ان اللانوس سعرها مش غالى زى ماكنت متخيل دى ارخص عربيه محترمة
بس انا زيك..مليت وزهقت وعاوز اتدلع شوية
والزيرو حاله يضحك,اجيب عربيه صغيره ب 135 الف "بيجو 301"؟يعنى ادفع من جيبى 100 الف فوق تمن عربيتى
مش عارف اعمل ايه بس اكيد العربيه هتتغير ف يوم من الأيام وكل مالواحد يستنى الأسعار بتشرخ فوق

اقولك علي الحل :
مش هتقدر تدفع 100 الف مرة وحده فطبعا هتضطر تخلي اللانوس بتعتك بعد طول تفكير بعد متكون قررت انك تشدها كتعويض عن النقص الي مقدرتش تجيب بية الجديد وبالفعل هتشد العربية وحسب حالتها ممكن تصرف الف او 7 الاف وبعد سنة ترجع لنفس الفلم تاني

تعمل اية بقي انت مش هتقدر تدفع 100 الف لكن هتقدر تدفع 20 الف تبيع عربيتك بحالتها زي ماهية والي هتجيبو تحط علية ال 20 الف وتجيب لانوس تاني

اسمع بس ايو لانوس تاني بس موديل أعلي وحاجة احسن وتور تمن الشده واسمك عليت بالموديل يعني مثلا هات لانوس موديل 2012 وخدلك بيها كام سنة وبعدبن تبيع بسعر اعلي وتحطلك 20 تاني او اكتر اذا احيانا الله

**sabbourh** · 20-05-2015 05:55 PM

اي عربيه بتمشي في مصر بتتبهدل و مع الوقت هتحتاج قطع غيار ان شاء الله تكون جاجوار
دلوقتي لو انت غيرت اه هتحس بفرق بس وقتي كده كده هيروح بعدها بسنه و تلاقي نفسك الدايو اليوزد زي الجديد الي بقاله سنه لانك مش مصينها صح
و هنا تييجي ميزة الدايو , اتهرست و بقت قطع غيارها متوفره و مفيش فيها لت و عجن كتير و بألفين تلانه ترجعها حالة الممتازه و تحس انها رجعت زي الزيرو الي عدا عليها سنه

خلاصة رأيي : كلنا نفسنا نغير لزيرو كل سنتين تلانه , انما مع زيادة الاسعار الرهيبه في الزيرو ,, ندفع الفرق في الصيانه المحترمه و قطع الغيار المحترمه و تبقي الدايو العارجه ارحم من الزيرو الحراق :)

**4fun14** · 21-05-2015 02:09 PM

المشاركة الأصلية كتبت بواسطة drwael

اقولك علي الحل :
مش هتقدر تدفع 100 الف مرة وحده فطبعا هتضطر تخلي اللانوس بتعتك بعد طول تفكير بعد متكون قررت انك تشدها كتعويض عن النقص الي مقدرتش تجيب بية الجديد وبالفعل هتشد العربية وحسب حالتها ممكن تصرف الف او 7 الاف وبعد سنة ترجع لنفس الفلم تاني:e_braces[1]:

تعمل اية بقي انت مش هتقدر تدفع 100 الف لكن هتقدر تدفع 20 الف تبيع عربيتك بحالتها زي ماهية والي هتجيبو تحط علية ال 20 الف وتجيب لانوس تاني

اسمع بس ايو لانوس تاني بس موديل أعلي وحاجة احسن وتور تمن الشده واسمك عليت بالموديل يعني مثلا هات لانوس موديل 2012 وخدلك بيها كام سنة وبعدبن تبيع بسعر اعلي وتحطلك 20 تاني او اكتر اذا احيانا الله

بس فضل مشكلتين برضه
1-اللانوس مش اوتوماتيك"عارف ان في منها اوتوماتيك بس مقتنع بيه وبيخلى العربيه بطة بلدى"
2-كده هشترى مستعمل برضه..وصباح التلبيس

**DrWaEl** · 21-05-2015 02:57 PM

المشاركة الأصلية كتبت بواسطة 4fun14

بس فضل مشكلتين برضه
1-اللانوس مش اوتوماتيك"عارف ان في منها اوتوماتيك بس مقتنع بيه وبيخلى العربيه بطة بلدى"
2-كده هشترى مستعمل برضه..وصباح التلبيس

خلاص هات فيرنا في منها اوتوماتك اما بالنسبة للتلبيس فأنت لازم تحط في بالك انك طلما في مصر يبقي لابس لابس حتي لو جبت زيروو ... فحاول تقلل التلبس قدر الامكان