سيارة أوروبية ام أمريكية أم يابانية

**Rahman** · 15-05-2015 11:57 PM

لو عندك القدرة المالية ، وهتشتري سيارة في الوقت الحالي هل هتشتري سيارة يابانية ام أوروبية أم أمريكية الصنع ولماذا ؟

**ahmed_eng2001** · 16-05-2015 01:05 AM

سؤال حضرتك واسع جدا ..... اى عربية يابانية ؟؟! و انى عربية اوربية ؟؟!! و انهى عربية امريكية ؟؟!! و فى اى فئة ؟!!

**Rahman** · 16-05-2015 01:15 AM

المشاركة الأصلية كتبت بواسطة ahmed_eng2001

سؤال حضرتك واسع جدا ..... اى عربية يابانية ؟؟! و انى عربية اوربية ؟؟!! و انهى عربية امريكية ؟؟!! و فى اى فئة ؟!!

بشكل عام ايها تفضل ؟

**ahmed_eng2001** · 16-05-2015 01:30 AM

لو عندى المقدرة المادية .... مرسيدس

**Adnfalcon** · 16-05-2015 04:51 AM

الأوروبي .. الياباني .. الأمريكي دا بالنسبه للسوق المصري
عموما انا بفضل الأوروبي عشان جوده الخامات والشياكه و الثبات

**ENG.MaRk** · 16-05-2015 08:22 AM

السؤال ده ماينفعش لأنه غير محدد و لازم تحدد فئة معينة و تبقي more specific بس أنا رأيي الشخصي
-لو عايز عربية muscle و عزم كتير و تفضل تشد و تحرق و العربية تقولك اديني أكتر يبقي أكيد أمريكي
-لو عايز حاجة Gran Tourismo أو Grand Touring و المقصود بيها إنك تقطع مسافات كبيرة دون الشعور بالتعب يبقي أكيد أوروبي بس مادام حددت إنك هيبقي عندك قدرة مالية يبقي أكيد لازم تجيب حاجة D-segment فما فوقه
-لو عايز حاجة اعتماديتها عالية و معمرة و تخش بيها الجبل تطلع تقولك خدني كمان لفة يعني بصريح العبارة "حمارة شغل" يبقي انت أكيد بتدور علي حاجة ياباني

**ali ashraf** · 16-05-2015 09:35 AM

الجزأ الاول : اجابة سؤال حضرتك اليابانى و لو معى امكانيات هتكون تحديدا تيويوتا لاند كروز بس طبعا مقدرش

الجزأ الثانى : هو سؤال لحضارتكم و له علاقة بالموضوع "" أنا عاوز سيارة مريحة فى السفر لفردين , متكونش تربو و يكون بنزينها المعتمد 92 و بيها مثبت سرعة و اموبليزر و فيها عوامل امان و أتزان ثبات على الارض , ميهمنيش التسارع و السرعة الشديدة ( أخرى 110 ك/س) مش مهم طارة متعددة الوظائف مش مهم بلو توث مش مهم الحاجات اللى بيعتبرها البعض بقت ضرورية , بس عاوز عربية اعتمادية و تخدم كويس لأن حتى تغير الاستبن مشكلة بالنسبة لى, و طبعا مركز صيانه محترم و الميزانية لحد 250 الف.

**عﻻء سالمان** · 16-05-2015 10:04 AM

المشاركة الأصلية كتبت بواسطة ali ashraf

الجزأ الاول : اجابة سؤال حضرتك اليابانى و لو معى امكانيات هتكون تحديدا تيويوتا لاند كروز بس طبعا مقدرش

الجزأ الثانى : هو سؤال لحضارتكم و له علاقة بالموضوع "" أنا عاوز سيارة مريحة فى السفر لفردين , متكونش تربو و يكون بنزينها المعتمد 92 و بيها مثبت سرعة و اموبليزر و فيها عوامل امان و أتزان ثبات على الارض , ميهمنيش التسارع و السرعة الشديدة ( أخرى 110 ك/س) مش مهم طارة متعددة الوظائف مش مهم بلو توث مش مهم الحاجات اللى بيعتبرها البعض بقت ضرورية , بس عاوز عربية اعتمادية و تخدم كويس لأن حتى تغير الاستبن مشكلة بالنسبة لى, و طبعا مركز صيانه محترم و الميزانية لحد 250 الف.

متكونش تيربو صعب فى كل الموديﻻت الجديدة
اﻻختيارات: بيجو 508 - سوبارو xv - اوبل انسجينيا - باسات b7 - اوكتافيا الفئة التانية - هيونداى ix 35 - كيا سبورتاج - لو مستعمل يبقى bmw x1 موديل 2012 ماشية مش اكتر من 30 الف كيلو بس خد بالك انها 2000 cc وكل الى قبلها 1600

**ENG.MaRk** · 16-05-2015 10:05 AM

المشاركة الأصلية كتبت بواسطة ali ashraf

الجزأ الثانى : هو سؤال لحضارتكم و له علاقة بالموضوع "" أنا عاوز سيارة مريحة فى السفر لفردين , متكونش تربو و يكون بنزينها المعتمد 92 و بيها مثبت سرعة و اموبليزر و فيها عوامل امان و أتزان ثبات على الارض , ميهمنيش التسارع و السرعة الشديدة ( أخرى 110 ك/س) مش مهم طارة متعددة الوظائف مش مهم بلو توث مش مهم الحاجات اللى بيعتبرها البعض بقت ضرورية , بس عاوز عربية اعتمادية و تخدم كويس لأن حتى تغير الاستبن مشكلة بالنسبة لى, و طبعا مركز صيانه محترم و الميزانية لحد 250 الف.

بيجو 508 و فيها كل اللي انت طالبه و أكتر و مادام انت سواقتك هادية يبقي برضه تنفع معاك الباسات

**ali ashraf** · 16-05-2015 10:13 AM

المشاركة الأصلية كتبت بواسطة عﻻء سالمان

اﻻختيارات: بيجو و 508 - سوبارو xv - اوبل انسجينيا - باسات b7 - اوكتافيا الفئة التانية - هيونداى ix 35 - كيا سبورتاج - لو مستعمل يبقى bmw x1 موديل 2012 ماشية مش اكتر من 30 الف كيلو

حضرتك البيجو 508 يفضل بنزين 95 و السوبارو بها مشكلة فعلا فى توافر قطع الغيار ( المعلومة دى اتأكدت منها بنفسى) , اوبل انسجينيا مشاكلها لا حصر لها و كل ما يحلوا مشكلة تطلع وحدة تانيه, باسات و الاوكتافيا بها مشاكل بالفتيس _ يمكن فاضل - هيونداى 35 xi و دى اللى بفكر فيها _ و لى جار عزيز قال لى اسقها و اجربها و ده اللى هعمله. معلش استحملنى شوية انا مش ضليع فى موضوع السيارات و كل معلوماتى من قرائتى فى المنتدى و قراءة مشاركات الاعضاء و حضرتك مذكرتش الفلوينس ليه ؟