الموضوع: أيهما أفضل للفيكترا بي 2002 لو هسقط موتور 2000 cc ايكوتك أتوماتيك ولا مانيوال

أيهما أفضل للفيكترا بي 2002 لو هسقط موتور 2000 سي سي ايكوتك أنه يكون أتوماتيك ولا زي ماأنا أخليني في المانيوال ال 1600 الماكنه السودا .. لانها جابت اخرها
لانه كذا حد خوفني من الاتوماتيك أنه شويه حساس ايه وشويه بلف ايه وشويه العربيه مبتاخدتش النقله ووش ووجع دماغ واستهلاك البنزين... والتسارع والمتعه في السواقه مع المانيوال أفضل
وناس تانيه تقول هات الاتوماتيك ومش هتندم

ومااهي ميزة الاوفر درايف بالاوتوماتيك
وانا بفكر اجيب نص امامى اوفر وافضل عشان يبقى بمشتملاته... ويعمل كام لو حاله نضيفه وبيبقى شامل معاه ايه يعنى طرمبه بنزين abs و ريداتير وكربيراتير وعفشه اماميه بجنبين ومساعدين والكلام ده

المشاركة الأصلية كتبت بواسطة احمد فهمى

لو انت مرتاح فى المانيوال اشترى متور فقط ايكو تك على فتيسك كده تبقى قفلت باب المشاكل تمامآ

اللى زى أيه يا أستاذ احمد
هو الاتوماتيك مريح عشان الزحام وفى البيع مطلوب عن المانيوال
يعنى هاجى مثلا كل فتره الاقى أعطال من الاتوماتيك وصيانته مكلفه عن المانيوال والتسارع والسحب أضعف واستهلاك البنزين أعلى ولا ده مجرد كلام

أنا اللى يهمنى انه العربيه مش كل شويه تقرفنى وكنت بقول انى أجيب نص امامى اريح ومضمون بمشتملاته واوفر وأركب بدلا من المعاناه لو كنترول ولا دفيره طلعت مش بتاعه الموتور ... خصوصا انى ركبت موتور 1800 على استرا من قبل وطلعت عينى لحد ما ظبطت وفى الاخر بعتها بخساره

والنص بييجى معاه ايه بالظبط عشان مافيش حاجه تكون متشاله منه