ما هو متوسط دخلك ؟ وهل تراه مناسبا ؟
عرض للطباعة
ما هو متوسط دخلك ؟ وهل تراه مناسبا ؟
الحمد لله علي كل شئ
الحمد لله , بس واقعيا ميكفيش بناء اسرة :)
الرضا لا يتعارض مع الطموح
ليه الاستطلاع مافيهوش من ميه لميتين جنيه اهو انا كده مش هعرف اصوت
احم ... بلاش نكتب ارقام ... بلاش احراج :d
ليه؟ خير !
الدخل كويس بس مش مكفى مصاريف الحياة وخصوصا أن متطلبات الحياة تتزايد .
الحمد لله على كل حال .
الحمد لله الدخل طيب و يفيض ربنا يديم النعمة
انته من الضرايب ؟
ياعم الحاج كل عيش هنلاقيها من الحكومة ولا الناس
طيب انا بالنسبالي يكفيني 500 ج في الشهر كأعزب لكن لو فكرت اتجوز وابني بيت يبقى استنى الحور العين احسن لان المرتب ضعيف اولا ثانيا الناس مش هتتنازل ويدوك بنتهم بما تحفظ من القرءان
اقل حاجه 10 الاف ج في مصر علشان تكفي كل متطلباتك
الحمد لله على كل حال
روح ياعم اعمل استطلاع في حته تانية متفضحناش
علي فكره الموضوع مفهوش اى احراج ولا حاجه ..
يعني اللى دخله تلاتين الف جنيه مش هيتفاخر يعني ويمشي يقول انا عايش كويس
او اللى بيقبض الف جنيه هيوطي راسه ..
احنا كلنا في الهوا سوا بس هو كل واحد علي حسب احتياجاته ورضاه وقناعاته وكل شئ
انا فاتح مشروع خاص احيانا بيطلعلي تلت الاف جنيه بالعافيه وبيدفع ايجار وفواتير لوحدهم الف ونص
وبيبقي دخلي في الشهر ده الف ونص بس
واحيانا بيصول لسته ايام الشغل الحلو ..
يعني ممكن حد يكون مرتبه الفين جنيه ويشوف انه اقل مني بس عنده شقه ملك مش بيدفع ايجار فوق الاف جنيه !!
والله الموضوع متشاوي في النهايه
ممكن واحد مرتبه عالي جدا وعنده حد مريض مرض مصاريفه كتيره .. ربنا يعافينا جميعا
الحمد لله علي كل شئ
وربنا يباركلنا جميعنا في صجتنا وعافينا وولادنا واخيرا في مالنا
موضوع المصاريف والمرتب بيكفي ولا لا موضوع نسبي
يعني لو بتقبض 1000 حتعيش بيهم ولو مرتبك ارتفع مصاريفك حترتفع وحيكون العجز عندك نفس النسب
ولو مرتبك بقي اعلي مصاريف حتعلي اكتر
هي نسبة وتناسب فعلا
بس لازم يكون في حد ادني للعيشة الكريمة واعتقد ان بدأ من 2500 تستطيع فتح بيت وتمشي بحساب
ده راي المتواضع
كل ما اقابل الايام دى يشتكى من الظروف والفلوس اقسط من كلامى ان المشكله حاليا اصبحت عامه ومشجله بلد وجيل مش مشكله فرديه مع اختلاف الدخل ال دخله كبير مش مكفى التزاماته ال دخله صغير بردوا من مكفى
ربنا يسترها علينا بجد
في الحال الي البلد فيه ده
الواحد لازم يعتمد التقشف..ويركب موتوسيكل..ويبطل اكل بره البيت..ويبطل السجاير..ويبطل يحلم أساسا
#أيام_سودا
معظم الناس مختارة من 1000 - 2000 وده مبلغ ميكفيش ايجار شقة دلوقتي فضلا عن انه يعيش صاحبه عيشة آدمية
عمار يا مصر يا أم الدنيا يا حضارة سبعة مليون سنة
الاغلبيه من نتيجه الاستطلاع 1000 الى 2000
لكن فيه نتايج تانيه
متوسط مصاريف اى بيت مصرى فيه أب و أم و طفلين
- فرختين فى الأسبوع 360 جنيه شهريا
- 2 كيلو لحمة 150 جنيه شهريا
- لو فرضنا الطفلين فى مدارس خاصة عادية بمتوسط 10 الاف جنيه فى السنة يعنى للطفين 20 الف هنقول شامل اللبس و الباص و الحبشتكانات دى يعنى 1600 جنيه شهريا
- مواصلات او مصاريف عربية متوسطة بدون مفاجآت و أعطال 500 جنيه شهريا
- كهربا متوسط 150 جنيه
- فطار و عشا هنقول 20 او 30 جنيه يوميا يعنى 600 جنيه شهريا
- هنقول كسوة صيف و كسوة شتا للأربع افراد مرتين فى السنة هنقول المرة بألفين جنيه يعنى المرتين ب 4000 جنيه يعنى شهريا 350 جنيه
- فواتير موبايلات و نت العيلة اعتقد اقل شئ 200 جنيه شهريا
يبقى المجموع 4000 جنيه شهريا دة لو محدش عيى ولا جاله مرض مفاجئ و بخلاف المجاملات و المناسبات و خوازيق الحياة اليومية و بخلاف لو حد بيدخن او حد عنده اقساط