الموضوع: استفسار علي لاند كروزر بين السفر وال offroad

ادردش مع حضرتك بالمعلومات الى اعرفها لحين موافاتنا بالمزيد من المعلومات .....


حضرتك تقصد اى فئة ؟
فيه فئة ال 60 ... الى بيسموها التعلبة .. و دى بتاعة السفارى الموجودة فى الواحات و الغردقة و شرم الشيخ
محرك 6 سلندر ديزل ... عربية ملمومة ( مش عريضة ) ... انما طويلة شوية ... فيها تانكين وقود و يمكنك التحويل بينهم يدويا ... سوست ورقية امامية و خلفية ... تتسع ل 10 افراد
الموتور لوحده كان ب 35 الف جنيه ....عمرة طرمبة الجاز لوحدها كانت تقريبا ب 5 الاف جنيه

عيب اللاند كروزر الرئيسى .... غلو ثمن العربية ... و الموديل ده مش راسى اوى فى الجرى علشان طويلة و كنزة .. ده غير علوها عن الارض

زميلنا مينا ( خبير الدفع الرباعى ) كان معاه واحدة و باعها تقريب ب 130 الف جنيه و كانت عاملة 700 الف كم


فئة ال 70 ... و دى بيسموها فى اكس

اوائل التسعينات كانت بتعمل تقريبا 110 الف جنيه .... اواخر التسعينات ... من 130 الى 170 الف جنيه

مشكلتها لبعض الناس .... فقر العربية فى وسائل الرفاهية ... يعنى تقريبا كأنك راكب ميكروباص .. و ده تقريبا لغاية موديلات 2007 ... و بعد كدة زادت وسائل الترفيه

فيه ميكانيكية كتير بيشتغلوا فيها ... فى صقر قريش و فى المعادى .. و فيه تجار استيراد فى منيل شيحة

المشاركة الأصلية كتبت بواسطة Mecha

اومال دول 70 series يعملوا كام زيرو حاليا يا هندسه ؟؟ .لو منهم موديل التسعينات اللي زي الميكروباص يعمل كام ؟؟ وشكرا

موديل التسعينات تعمل من 120 و انت طالع ... انا سمعت 170 الف فى عربية موديل اواخر التسعينات .... ده الشكل القديم ... الى فوانيسه مدورة ... الشكل الى حضرتك حطيت صورته اغلى شوية علشان ده اواخر التسعينات على ما اعتقد

الزيرو ... نمر سياحة .... مدفعتش جمرك ... سمعت من سواق فى شركة سياحة انها ب 400 الف جنيه .. و دمتم

قليل جدا جدا العربيات النصف نقل .... الى بيسموها فى السعودية ... الشاص ... فيه بديل عنها ... الهاى لوكس ... و دى زيرو كانت تبدأ من 240 الف جنيه تقريبا ( دفع رباعى دوبل كابينة )

السنجل ( كابينة واحدة ) و واطية ( دفع خلفى ) كانت بتبدأ من 180 الف جنيه

المشاركة الأصلية كتبت بواسطة م/أحمد عبد الفتاح

طبعاً العربيات دى من أقوى العربيات بصفة عامة وخصوصاً فى الأوفرود - بس مش بطالة على الأسفلت وأدائها كويس زى أى عربية دفع رباعى - الموديلات اللى باعتبرها أقوى موديلات فيها بتاعة التمانيات والتسعينات - بس التمانينات تعتبر قديمة وطالع عينها ( أنا بأتكلم عن مصر) لأننا فى الصيانات الدورية أبطال العالم والصنايعية كمان عندنا زى الفل - موديلات التسعينات خصوصاً من بعد ١٩٩٦ حلوة جداً وماسكة نفسها - فى الغالب حتلاقى اللى فى مصر مواتير ٤٥٠٠ سى سى فهى تعتبر بلاعة بنزين بس فيها تانكين بنزين - انا بافضل موديلات بعد ١٩٩٦ علشان تكون فيها فيشة obd2 بتاعة الكشف بالكمبيوتر لأن قبل كده كانت فيشة تانية قليل لما تلاقى حد عنده جهاز بتاعها يكشف بيه عليها - أهم حاجه ماتكونش عربية مشغولة يعنى مش واحد جايب شاسية قديم ومركب عليه كابينة حديثة (لانها بتبقى جايه نصين وبتتلحم) والموضوع ده كتير ومنتشر .
كمان تكون رخصتها ملاكى مش اوتوبيس رحلات ولا سياحة علشن تشترى دماغك - وضرورى تكشف عليها كويس قوى وخصوصاً العفشة لأن عفشة العربيات فيها قطع كتيرة وعلشان تلم العفشة بالكامل او تغيرها عاوز مبلغ خيالى - كمان حالة الموتور والفرش والتابلوة والتكييف لأن العربية من غير تكييف حاتتعبك لأنك لو فتحت الزجاج وانت ماشى بسرعة اتزانها بيبقى وحش جداً. ولما تفتح الكبوت ماتلاقيش اسلاك ناطة من كل حته لازم تكون كل حاجه فى مكانها والقفزان بتاعة الاسلاك والشبكة وشاسية الفوانيس والصدر مايكونوش مكسورين ومربوطين ببلاستيك او بسلك - والفرش جوه مايكونش متبهدل ولا فيه بلاستيكات مكسورة ونفس الوضع بالنسبة للفبرات اللى برة - كمان الكاوتش يكون جديد او حالته كويسه علشان غالى . قطع الغيار متوفرة بس مش كتيرة وفيه كمان مستعمل بس غالى شوية . وهى عموماً مش بتستهلك قطع غيار كتير بس حسب حالتها .

المشاركة الأصلية كتبت بواسطة ahmed_eng2001

ادردش مع حضرتك بالمعلومات الى اعرفها لحين موافاتنا بالمزيد من المعلومات .....


حضرتك تقصد اى فئة ؟
فيه فئة ال 60 ... الى بيسموها التعلبة .. و دى بتاعة السفارى الموجودة فى الواحات و الغردقة و شرم الشيخ
محرك 6 سلندر ديزل ... عربية ملمومة ( مش عريضة ) ... انما طويلة شوية ... فيها تانكين وقود و يمكنك التحويل بينهم يدويا ... سوست ورقية امامية و خلفية ... تتسع ل 10 افراد
الموتور لوحده كان ب 35 الف جنيه ....عمرة طرمبة الجاز لوحدها كانت تقريبا ب 5 الاف جنيه

عيب اللاند كروزر الرئيسى .... غلو ثمن العربية ... و الموديل ده مش راسى اوى فى الجرى علشان طويلة و كنزة .. ده غير علوها عن الارض

زميلنا مينا ( خبير الدفع الرباعى ) كان معاه واحدة و باعها تقريب ب 130 الف جنيه و كانت عاملة 700 الف كم


فئة ال 70 ... و دى بيسموها فى اكس

اوائل التسعينات كانت بتعمل تقريبا 110 الف جنيه .... اواخر التسعينات ... من 130 الى 170 الف جنيه

مشكلتها لبعض الناس .... فقر العربية فى وسائل الرفاهية ... يعنى تقريبا كأنك راكب ميكروباص .. و ده تقريبا لغاية موديلات 2007 ... و بعد كدة زادت وسائل الترفيه

فيه ميكانيكية كتير بيشتغلوا فيها ... فى صقر قريش و فى المعادى .. و فيه تجار استيراد فى منيل شيحة

حتى الان الفهمته من حضراتكم ان عشان الاقى واحدة كويسة و نضيفة حضور كتير قوى و حيطلع عينى وبعد كل ده سعرها حيزيد كتير.
انا طبعا عارف انها عربية جبارة بس الظاهر ان الموضوع مختلف فى مصر و ان من الصعب الاقى واحدة كويسة.
طيب لو قولنا نشوف المنافسة ليها فى مصر و متبقاش اقل بكتير عندنا مين؟

حضرتك لازم تدور كويس لو عاوز تشترى اى عربية .. و حتدور اكتر علشان تلاقى حاجة كويسة ...
و فى الغالب .... لو حضرتك وجدت عربية كانت ملك لشخص ... مش شركة .. حتلاقيه مهتم بيها و حالتها كويسة

اما عن البديل .... ده صعب شوية ... حضرتك مش حتلاقى شبيه بالاند كروزر و متوفرة و قطع غيارها متوفرة و رخيصة

الموجود فى مصر كتير اليومين دول الرانجلر و الشيروكى

المشاركة الأصلية كتبت بواسطة ahmed_eng2001

حضرتك لازم تدور كويس لو عاوز تشترى اى عربية .. و حتدور اكتر علشان تلاقى حاجة كويسة ...
و فى الغالب .... لو حضرتك وجدت عربية كانت ملك لشخص ... مش شركة .. حتلاقيه مهتم بيها و حالتها كويسة

اما عن البديل .... ده صعب شوية ... حضرتك مش حتلاقى شبيه بالاند كروزر و متوفرة و قطع غيارها متوفرة و رخيصة

الموجود فى مصر كتير اليومين دول الرانجلر و الشيروكى

الف شكر يا باشا اهو الواحد يدور و ربنا يكرم :)