شوية مشاكل في فيكترا بي وارجو المساعدة
اولا احب اتشرف بانضمامي لقسم الاوبل
اشتريت من فترة فيكترا بي 99 2000سي سي ماتور كامة واحدة اوتوماتك
العربية فعلا اقل ما يقال عنها ما شاء الله
بعد ما عملتلها السيرفس كامل بوجيهات وفلتر هوا وزيت وزيت فتيس وسيور وتنضيف الرادياتير
المشاكل
اولا
في رجه في العربية لما ببقي واقف علي P او لو انا دايس فرامل
ثانيا
التكييف وغلبي معاه
كبست التكييف الحمدللع مفيش اي تسريب الا في الحساسين غيرتهم وشحنت التكييف والدنيا اشتغلت كام يوم بس مش السقوعية اللي هيا يا دوب هواء فاتر سقعة شوية ولا منو مكييف ولا منو سخن
رجعت للراجل قالي التلاجة عاوزة تتنضف عشان مكتومة والمروحة مش مدية هوا في الصالون جامد بسبب التلاجة قلت طيب قالي تعالي بكرة
ولحظي وانا بركن في نفس اليوم شامم ريحة غريبة بفتح الكبوت صدفة لقيت حساس الفيشة متشالة منو ومليان مادة خضرة شبه الزيت في الاول بحسبها مياه رادياتير ثم استنتجت طيب هتيجي منين :D
هل يوجد حل للحساسات دي او حد موثوق فيه لاني دافع فيهم 550 ولو كل شوية كدة هيتخرب بيتي :D وبالنسبة لحد يكون امين عشان يشوفلي التكييف عشان لاغني عنه
ثالثا
العربية لو علي ال R وجبت ال N ثم D ساعات بحس انها هتبطل بل بالفعل بطلت مرتين او لو وقفت في اشارة وجبتها علي ال N وجيت اجيب ال D ساعات تبطل وطبعا مش عارف اي حاجة في اي حاجة :dumb:
رابعا
البنزين
انا بحس انها بتشرب بنزين ليها وللزمن يعني رحت الاسكندرية ماشي علي 100 اخدت 30 ليتر :crying1:
هل يوجد حل
وانا اسف للاطالة :hrm_prv: