حد عنده فكرة او تجربة مع الفالف بودى valve body؟ وسعره كام؟
السلام عليكم.. كنت بعمل صيانة 120.000 لإلنترا 2011 فى التوكيل واشتكيت من خبطة فى الموتور بين النقلتين الاول والثانى.. قالولى ده فالف بودى ولازم يتغير خلال عشر الاف كم، قلتلهم اسباب بوظانه ايه؟ العربية عاملة 120000 فقط وانا سواقتى لا فيها جنان ولا بخمس بيها ولا شغل العيال ده.. قالولى مافيش سبب محدد هو عمرها جه كده، وبعد البحث والتحرى والتكلفة اللى بدأت من اول 12000 وصلت فى النهاية انها هاتبقى فى حدود 9000 شامل ضفيرتين وتغيير زيت الفتيس والمصنعية، ناس نصحونى بشراء فتيس استيراد او حتى فالف بودى لوحده استيراد لكن انا مش مطمئن لفكرة الاستيراد ده بحس انى بشترى بطيخه وانا وحظى، حد يقدر يفيدنى واشتريه منين بدل التوكيل وسعره يكون كام؟ الله يكرمكم