الموضوع: طريقة جديدة لسرقة السيارات حدثت فى مدينة نصر

هو المصري كده مش فالحل الا في النصب وبس

فعلا لازم كلنا ناخد بالنا وناخد المفتاح قبل ماننزل من العربية وكمان منسيبش اي حاجة مهمة في التابلوه او على الكرسي اللي جنب السائق لو نزلنا من العربية خالص لان في ناس بتستغل الموقف ده بجد زي مابيحصل وييجي يلخمك من الشمال تقوم تتلفتله يقوم واخد الشنطة اللي محطوطة على الكرسي اللي جنبيك انا بجد بقيت على طول حاطة شنطتي ورا عشان الازاز اللي ورا مقفول بإستمرار والأبواب اللي ورا كمان مقفولة لكن قدام محطش حاجة خالص.

طب انا واحد زميلي حكالي على موقف جامد وجاي يضحك ويقولي بصراحة انا معجب بالحرامي ده.

زميلي كان ماشي بعربيته في مدينة نصر تقريبا قرب سيتي ستارز ونزل صحابة قدام سيتي ستارز وكمل طريقه ومشي حتة بسيطة لاقي واحد عمال يشاورله وينده عليه ويجري ورا العربية وهو شافه في المرايا افتكر ان في حاجة وقعت منه مثلا ولا العربية فيها اي حاجة المهم وقفله فراح الراجل ده واقف على شماله وبيكلمه يقوله ياباشا مش حضرتك اللي لسة منزل 2 شباب زميالك من العربية قدم سيتي ستارز قالة ايوة قاله طب الحقهم لحسن في ناس بتتخانق معاهم وماسكين في خناقهم فزميلي بص وراه كده (ماهو كان لسة قريب وعلى مرمي بصره سيتي ستارز) ولما رجع اتلفت تاني لاقى موبايلة اتسرق لانه كان حاطه فوق التابلوه والولد اختفي في لحظة .

المهم انه جاي يحكيلنا وهو عمال يقولي بصراحة حركة عجبتني يعني اينعم زعلان على الموبايل بجد مكنتش متوقع خالص حركة زي دي ، حرامي دماغ و بيفكر بجد يعني دخل دماغي اوي :k48::k48:

ربنا يسترها معانا من النصب والسرقة بجد حاجة تقرف
ماهو لو احنا بنطبق الاسلام كله حتى بالقوانين يعنى اللى ينصب او يسرق يقطعوا ايده ماحدش هيعمل كده تانى لان دى حدود ربنا هو محددلنا نعمل ايه لما مشكلة تواجهنا فى الحياة لكن
للاسف احنا مش معترفين بقوانين ربنا ولا بقوانين الاسلام احنا معترفين بقانون فرنساوى بس وبنفضلة على قانون ربنا بجد حسبى الله ونعم الوكيل فى الحرامية والبلد

ربنا يستر مافيش حاجة تانية ممكن تتقال

المشاركة الأصلية كتبت بواسطة mohamed_rhem

السيد اللاستاذ مودي 2007
ده حوادث فرديه

ولا اذكرك باللي بيحصل في طنطا وانوه بالذكر
مسجد السيد البدوي وشارع النخاس وسوق الجملة

والمماليك وفندق عرفه وسيجر وغيرها


ولا تعايرني ولا اعايزك ما الهم طايلني وطايلك

بالمناسبه انا الشركه اللي بشتغل فيها في مكرم عبيد امام حديقه الطفل
ومسمعتش عن الواقعه ده

برجاء من صاحب الموضوع يقولنا في انهي جزء في مكرم عبيد والساعه كام لان الشارع مقفول تقريبا ومفيش فرصه للهرب في الجزء الخاص بحديقه الطفل
وشكرا

على فكرة انا مش بعيارك ولا حاجة اانا بس مستغرب جدا من انك فهمت الموضوع كدة انا بس بستغرب من كثرة حوادث السرقة فى القاهرة لكن انا موش بعايرك ولا جبت سيرة اى مكان فى القاهرة انت لية خدت الموضوع شخصى كدة انا ببدى رايى فى موضوع بس دى كل الحكاية shock ::: shock::: shock

كمان احب اقول على حادثة حصلت لواحد قربيى كان فى بورسعيد وقعد يشترى هو وخطيبته ملابس ومشتروات اخرى وكل شويه يرجعوا للعربية يفتح شنطة العربية ويضع فيه المشتروات ويقفلها ويكملوا الشراء مرتين ثلاثة .. اخر مرة رجعوا لقوا الشنطة مكسورة وتم سرقة مابها
من يومها لما اضطر انى احط اى حاجة او اخذ أى حاجة من شنطة العربية لازم امشى بيها عشرات الامتار واركنها علشان مافيش حرامى يرصدها