-
نفسيا تعبان
انا عندي 28 سنة وشغال ف وظيفة حكومية محام بالدولة وممنوع عليا اشتغل محام حر ومرتبها لا يتجاوز الف ج الا اذا اشتغلت من الباطن وبالفعل روحت لمحام حر وقالى هديلك 200 ج متستغربوش هههههه وممنوع عندى الاجازات عشان اسافر الا اذا جيبت عقد من برة ونظرا لان مؤهلي ليسانس حقوق فلازم اطلع وادور ع شغل برة وانا سني بيكبر ولسه حتى ملقتش بنت الحلال نظرا لان علاقات الاجتماعية عندي بالعائلة صفر ولازم ادور بنفسي ع العروسة ( ده ملخص حياتي )
انا بقى نفسيا تعبان من ايه :
1/ عايز ازود دخلي والحمدلله معايا قرشين حطتهم فالبنك وبيجيبوا عائد وعايز اسافر وابويا رافض فكرة السفر عشان انا ولد وحيد وانا اللي بشيله ف كل حاجة ومأجل فكرة السفر عشان بدور ع عروسة عشان شايف اصحابي اللي سافرو مش عارفين يتجوزوا وممنوع عليهم نزول مصر غير شهر فالسنة فخايف اسافر عشان النقطة دي كمان خاصا ان مفيش علاقات اجتماعية
2/ حد يقولي ازاى ازود دخلي عبر الانترنت وايه الكورسات اللي ممكن اخدها بحيث اشتغل ف مجال معين ع الانترنت
تنصحوني بأيه
-
طب ما تشوفلك مشروع بسيط كده و تعمله و ان شاء الله يظبطلك الدنيا
-
انا بالفعل كنت بفكر ف مشروع بس خايف ادخل مشروع باللي معايا اخسر فلوسي فيه خاصا ان السوق المصري مش منتعش
-
اتعلم الفوركس افضل مجال بس خطير شوية
بس اتعلمه الاول واشتغل على حساب وهمي وشوف نفسك تنفع فيه ولا لاء
-
مفيش حاجة تانية غير الفوركس
-
فيه كتييير بس مش زي الفوركس
يعني لو حبيت تشتغل في البرمجه مثلا ويب ديزاين وخلافه او شبكات او فوتوشوب ........ الخ
هتاخد وقت كتير في التعلم وعقبال ما تلاقي شغل موال كبير وف الاخر الحصيلة مش هتبقى زي الفوركس
-
نصيحتي الأولى لك أن تبتعد عن الربا تماما
قال الله تعالى "يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لا يُحِبُّ كُلَّ كَفَّارٍ أَثِيمٍ"
نصيحتي الثانية لك هي المداومة على الإستغفار وإخراج صدقة
ومن الممكن البدأ بعمل مدونة والكتابة بها في أي مجال تحب
مع الوقت سيزداد زوار المدونة إن شاء الله من خلال محركات البحث
وحينها يمكنك وضع بعض الإعلانات ذات مقابل مادي من خلال إحدى الشركات التي توفر لك إعلانات بشكل مستمر على موقعك مثل موقع حسوب
وإذا كانت لديك مهارة الكتابة الفصحى
يمكن التواصل مع مواقع ومدونات والعمل معها مقابل اجر ثابت مقابل كل مقال تكتبه
او الاشتراك في مواقع freelancer عربية يطلب فيها اصحاب المواقع كتاب في مجالات محددة مثل موقع خمسات
لا تنسى نصائحي الاولى فهي الاهم
-
انا مراتي بتشتغل مع شركة سعوديه في مجال الفوتو شوب وبتتحصل علي تقريبا 600 جنيه في الشغل
وفيه حاجات بسيطه وررد وباور بوينت (اوفيس يعني) بس بيبقي عايز تفرغ
لان التصميم فيه فن شويه عن الحاجات التانيه
او الويب ديزاين
ربنا معاك انا قلبي معاك والله .. بس تأكد ان ربنا مفرج الهموم
انا اتشحططت كتير اوى لحد ما استقريت والحمد لله راضي
حاول تصلي وتدعي ربنا وتعيط من جواك لربنا وهوا هيفرجها لانه دايما كان بيفاجئني والله
خليك علي صله مع ربنا وثق فيه
حاول تدخل علي موقع ترايدنت .. فيه طلبات عمل عن طريق الكمبيوتر ومن مكانك بدل ما تشتغل بره وتتبهدل ..
ربنا معاك ويوفقك
-
نصحية اخوية سافر برة مصر اولا وظائف الدولة لايتبكي عليها لا مرتب ولا نهاية خدمة ولا معاش حتفضل تكبر في السن ومش حتتقدم
صدقني لو سافرت 10 سنين بكل عمرك هنا ومش حتحتاج الي معاش لانك حتكون مكفي نفسك وحترجع تفتح مكتب محاماه بعد اكتساب خبرة
انا شايف انك بتهدر عمرك بنفسك وقاعد تتفرج عليه وتندب حظك
القرار بايدك
-
حظك حلو فى الجواز انت زوج لقطه شغال فى الحكومه ولك معاش
ده ملخص تفكير اهل اى بنت
وبعد الجواز ما تشوفلك يا ابنى اى وظيفه تسند
ناس غريبه
Content Relevant URLs by
vBSEO 3.6.0 PL2