صيانه ال10000 كيلو لصنى 2015 ex مركز السبع زهراء المعادى

كلمت 16244 وحجزت معاهم ميعاد اخر الشهر , دا الرقم حدمه العملاء العام, ونصحونى لو عايز ميعاد غير دا اكلم الفرع نفسه
كلمت 16449 وغيرت الميعاد للخميس اللى فات 14/05/2015

سلمتهم العربيه 11 الصبح, وطلبت تغير للزيت ال10000 كم

كنت بشتكى من صوت تخبيط ادام شمال للمره الثالثه (تخبيط بيظهر والعربيه واقفه بس, ساعات على بارك او على د , افتكر دا صوت فبره مفكوكه)
المهم لما بسلم المهندس العربيه كل مره الصوت دا مبيطلعش عشان كدا مش عارفين هو جاى من فين.

وبشتكى من صوت تريق من المساعدين قدام فالمطبات (الصوت بيتسمع وانا قافل الازاز وعلى سرعه بطيئه)


تم عمل الصيانه واستلمت العربيه الساعه 4

الملاحظات:
شدو فرامل اليد, كانت بتقفش على التكه 5, دلوقتى بتقفش على 3
دواسه الفرامل عليت
ربطوا العفشه (صوت التزيق راح)
نظفوا فلتر الهواء
صوت التكتكه (بتاع فبره اعتقد) ظهر وانا مروح

التكلفه:الاجمالى 600 جنيه
صيانه ال10000= 100 جنيه
فلتر زيت 65 جنيه
زيت موتور 3 لتر 285 جنيه
4 كوليه طاساط عجل 2 جنيه
مصنعيات 100 جنيه
ضريبه 51 جنيه
الاسعار ديه بالتقريب عشان الفاتوره مش قدامى دلوقتى وانا بكتب الموضوع

شكرا