عايز اشترى لمراتى كيا ريو 2015 هاى لاين ممكن حد يقولى المميزات والعيوب ولو فية مشاكل فيها وفئات الهاى لاين ايه وايه الفروق بينهم
شكرا مقدما
عرض للطباعة
عايز اشترى لمراتى كيا ريو 2015 هاى لاين ممكن حد يقولى المميزات والعيوب ولو فية مشاكل فيها وفئات الهاى لاين ايه وايه الفروق بينهم
شكرا مقدما
الشكوى الوحيدة من بعض الملاك هي زيادة استهلاك البنزين بالنسبة لهذه الفئة
غير كده السيارة شكل و اوبشن رائعة
الريو زيها زي اي عربيه لها مزايا ولها عيوب
أنا هبدأ بمزايا العربيه
1- قطع الغيار رخيصة
2- استهلاك بنزين كويس (في ناس بتشتكي من الاستهلاك بس عندي أنا مرضي بصراحه) حوالي 12.5 كم لكل لتر
3- شكلها شيك والتابلوه جوه شكله محترم اوي وفخم والخامات ممتازه
4- مش معقده وصيانتها سهله وناس كتير بتفهم فيها ومراكز الصيانه في كل حته
5- اوبشنز كويسه
6- عزل الماتور ممتاز صوت وحراره (احياناً بتبقى العربيه دايره وبفتكر اني لسه مدورتش)
7- صاج العربيه أنا شايف انه كويس اوي ومش خفيف
8- قعدتها مريحه جداً
9- الشنطه واسعاً (بالنسبة للسيدان اللي معايا)
10- الحمد لله مفيش شكاوى عامه من اي حاجه في أساسيات العربيه ماتور - فتيس - جيربوكس - فرامل (لكن في شكاوي تانيه هتكلم عنها في العيوب)
11- التكيف معقول
العيوب بقى
1- في اصوات تخبيط من التابلوه مستفزه بصراحه (ظهرت عند ناس كتير وفي ناس بتقول انها ظبطت الموضوع ده في التوكيل وفي ناس بتقول انه بعد التظبيط رجع تاني بعد فتره
بس أنا لسه مظبطش الموضوع ده عندهم عشان اقدر افيدك عن نتيجه التظبيط ايه بالظبط الفروض هعملها في ابو رواش قريب)
2- العربيه عندي فيها عيب صناعة في قطمة الدركسيون من ساعة الاستلام وقلتلهم عليه في الصيانه والمفروض هيتغير في الضمان بس القطمه غير متوفره دلوقتي فلما تجيلهم
هيكلموني عشان اروح اغيرها (العيب ده ظهر عند كذا حد يعني ممكن تقول عليه من عيوب العربيه)
3- الكنبة الخلفيه ضيقة
4- صوت الماتور مش ناعم (بس مش هتسمعه غير وانت بره العربيه واحياناً بتسمعه وانت جوه العربيه لو في مكان هادي اوي)
5- السحب في الاول بيبقى ضعيف لحد ما تاخد سرعتها (بس لو حرقت هتقدي معاك تمام بس هيبقى على حساب استهلاك البنزين)
6- العفشه ناشفه شويه (الجنط الـ 15 أفضل شويه من الجنط الـ 17)
7- العزل اسفل السياره يعني مش مرضي بالنسبه ليه اوي (بتسمع اصوت اي خبط بيحصل اسفل العربيه)
8- تانك البنزين صغير 42 لتر بس وده بيدي احساس ان البنزين بيخلص بسرعه وانك كل شويه عاوز تمون
9- السماعات صوتها مش قد كده (اعتقد اني هغيرها بس بعد ما العربيه تخرج من الضمان عشان التوكيل ميخرجش العربيه من ضمان الكهرباء)
بس بشكل عام العربيه معقولة
10- العربيه واطيه على الارض هتزعلك في المطبات والطرق غير الممهده
اتمنى تقييمي يفيدك