الموضوع: ارجو المساعدة المروحة عفية جدا علي العربية

عندي عربية ريجاتا وفيها مروحه مش بتاعتها بس المروحة عفية جدا لدرجه انها بتشتغل اقل من 30 ثانيه كل 3 دقائق .طب فين المشكلة ؟
-المشكلة ان المروحه عفية جدا وقوية جدا لدرجه ان ها بتسحب كهرباء بقوة شديدة وتجعل موتور العربية يهتز ودي مسببه لي مشكلة لاني لما بمشي علي السلانسية ممكن تقف العربية بسبب الاهتزاز .

- طبعا بعضكم هيقول زود السلانسية او الار بي ام .
- انا مزوده فعلا وبرده العربية بتهتز

- بفكر اركب مقاومة 10 امبير علي احد اطراف اسلك المروحة وليكن السالب طبعا مع اتجاه التيار بالمقاومة بس عايز راي المختصين خاصة ان انا عرفت ان السيارات الحديثة بها مقاومة متغيرة لتنظيم سرعه المروحة في درجات الحرارة المختلفة


ياريت راي خبير ومقنع !!!

يا باشا التمبرا الترموستات 3 طرف ارضى وسرعه 1-83 وسرعه 2-88 جيبه وركبه وحتجيب مقاومه التمبرا استعمال ب30جنيه و2 كتاوت وتروح لكهربائى يركبهملك (ملحوظه المقاومه تقاس بالاوم مش الامبير وانا قيست مقاومه التمبرا 3 اوم تقريبا)

فعلا انا محتاج اعمل كده ربنا يكرمك بس سؤال هي ترموستات المروحة اللي بتركب في الردياتير التمبرا تركب عندي في الريجاتا !! ولا اروح للكهربائي واقول له عايز مقاومة للمروحه بتاعت المبرا ؟؟

هو مكنها الفبريكا مكان مربع جوه قميص المروحه لو مش موجود عندك اتصرف واعملها مكان

المشكلة إن ممكن المروحه لو سرعتها قلت عن كده تظهر معاه مشكلة حرارة ..ويمكن ده اللي كان مخلي مالكها السابق يعمل حكاية المروحة الكبيره دي

المشاركة الأصلية كتبت بواسطة m_m_sh_a

المشكلة إن ممكن المروحه لو سرعتها قلت عن كده تظهر معاه مشكلة حرارة ..ويمكن ده اللي كان مخلي مالكها السابق يعمل حكاية المروحة الكبيره دي

متقلقش لان السرعه الاولى بتفتح عند 83 لو استمر الوضع فى الازدياد ووصلت 88 حتفتح السرعه التانيه (فى الوضع الطبيعى السرعه التانيه نادر تفتح الا لو الجو فظيع او عنده مشكله)

المشاركة الأصلية كتبت بواسطة rotanamasoud

متقلقش لان السرعه الاولى بتفتح عند 83 لو استمر الوضع فى الازدياد ووصلت 88 حتفتح السرعه التانيه (فى الوضع الطبيعى السرعه التانيه نادر تفتح الا لو الجو فظيع او عنده مشكله)

المشكلة ان انا قيست فرق الجهد بالمليميتر اثناء عمل الموتور بدون مروحه كان حوالي 14 فولت وممتاز جدا وبيشحن البطارية واقدر اشغل اي جهاز بالسيارة لكن لما المروحه تشتغل تنهار البطارية بسرعه وتصل في وقت قصير الي 11 فولت من 14 ورحت غيرت الدينامو وقست ونفس المشكلة موجوده !! فلما سالت عرفت ان المروحه اللي عندي قوية جدا ونظرا لاني ممكن استخدم نصف طاقتها فكرت في قاومة بحيث انها تعمل في حدود وبسرعه معقولة بما لا يؤثر علي السيارة والاجهزة الاخري

ثانيا ترموستات المروحه 80-68 يعني بيشتغل في حرارة 80 وبيخفضها 68 ومش محتاج سرعتين

لكن كل الموضوع عايز رعشة السيارة بسبب عمل المروحه تختفي وعلي فكرة ان فرت في مقومه باني اجيب سلك زو مقاومة وركبته وكانت نتيجه حلوه بس السلك كان طويل للتجربه فقط

وبشكر الاستاذ/rotanamasoud لانه ارشد عن فكرة كويسه بالمقاومة 2 اوم

المشاركة الأصلية كتبت بواسطة mohamedbamby

المشكلة ان انا قيست فرق الجهد بالمليميتر اثناء عمل الموتور بدون مروحه كان حوالي 14 فولت وممتاز جدا وبيشحن البطارية واقدر اشغل اي جهاز بالسيارة لكن لما المروحه تشتغل تنهار البطارية بسرعه وتصل في وقت قصير الي 11 فولت من 14 ورحت غيرت الدينامو وقست ونفس المشكلة موجوده !! فلما سالت عرفت ان المروحه اللي عندي قوية جدا ونظرا لاني ممكن استخدم نصف طاقتها فكرت في قاومة بحيث انها تعمل في حدود وبسرعه معقولة بما لا يؤثر علي السيارة والاجهزة الاخري

ثانيا ترموستات المروحه 80-68 يعني بيشتغل في حرارة 80 وبيخفضها 68 ومش محتاج سرعتين

لكن كل الموضوع عايز رعشة السيارة بسبب عمل المروحه تختفي وعلي فكرة ان فرت في مقومه باني اجيب سلك زو مقاومة وركبته وكانت نتيجه حلوه بس السلك كان طويل للتجربه فقط

وبشكر الاستاذ/rotanamasoud لانه ارشد عن فكرة كويسه بالمقاومة 2 اوم

تقريبا دى مشكله بطاريه انت محتاج بطاريه 70 امبير ولو المقاومه اللى انت عملتها شغاله تمام بس تجربها وتتاكد لانها حتسخن جامد انت كده ممكن تظبط زى ما فى دماغك بس مش حتستفيد بالسرعه القصوى والموضوع يرجعلك

الاهتزاز للموتور بتاع السيارة بسبب قوة عمل المروحه