شقة في عمارة من غير رخصة !

**mendo** · 18-05-2015 08:42 AM

السلام عليكم

دلوقتي معظم الشقق اللي في فيصل والهرم في عمارات غير مرخصة
وبالتالي سعرها ارخص حبتين من اللي معاه رخصه (فرق حدود 400 جنيه فالمتر)
السؤال بقي : الواحد لما يجي يشتري شقة في حاجه زي يتاكد من الارض مثلا بتاعت صاحب العمارة ازاي , وهل في حاجه تانيه تتعمل عشان الواحد بس يكون متطمن انه مش هيواجه اي مشكله
شكرا

**dodo2000** · 18-05-2015 09:17 AM

بتاخد صورة من الرخصة و بتروح تستعلم عنها و هيبان كل حاجة

**mk3** · 18-05-2015 04:38 PM

المشاركة الأصلية كتبت بواسطة dodo2000

بتاخد صورة من الرخصة و بتروح تستعلم عنها و هيبان كل حاجة

العماره من غير رخصه

**mk3** · 18-05-2015 05:56 PM

المشاركة الأصلية كتبت بواسطة mendo

السلام عليكم

دلوقتي معظم الشقق اللي في فيصل والهرم في عمارات غير مرخصة
وبالتالي سعرها ارخص حبتين من اللي معاه رخصه (فرق حدود 400 جنيه فالمتر)
السؤال بقي : الواحد لما يجي يشتري شقة في حاجه زي يتاكد من الارض مثلا بتاعت صاحب العمارة ازاي , وهل في حاجه تانيه تتعمل عشان الواحد بس يكون متطمن انه مش هيواجه اي مشكله
شكرا

من رأيى بلاش يمكن تدخل فى اى قانون هدد مستقبلى
كبيرك تاخد فى عماره مرخصه لغايه ثلاث ادوار والباقى حلوانى
المتر ب 2000 فى شوارع راقيه جدا فى الهرم
من غير رخصه خالص بكام

**Karim Alaa** · 18-05-2015 07:24 PM

عادى هتطلب منه نسخه من تسلسل ملكيه الارض و فى الغالب هتبقى عباره عن شويه عقود عرفيه عليها صحه توقيع و بس و صدقنى هتدخل نفسك فى متاهه اثبات ملكيتك للشقه غير انك مش هتدخل اى خدمات باسمك فيها ايا كانت لا ميه و لا نور و لا غاز

**Bassem Youssef** · 18-05-2015 08:05 PM

من رأيي بلاش شراء عقارات في مباني مخالفه او من غير رخصه

**mendo** · 18-05-2015 09:46 PM

هو في نقطه بس صغيره ان معظم الابراج في فيصل تقريبا مفيهاش رخص فيما عدا العمارات اللي عالشارع الرئيسي
يعني مثلا سعر المتر في العماره اللي على اي شارع رئيسي زي المريوطية او اللبيني في حدود 1900 جنيه وسعر المتر في العماره اللي بعديها علطول بيكون 1300 .... في فرق كبير جدا.

حتى ان معظم العماير اللي طالعه دور واحد او اتنين بيكون بايع كل الشقق اللي مدرجه فالرخصه 4 ادوار ... والعماره كلها بتكون 12 دور.

النغمه السايده عن الكل انهم مقدمين تصالح في الحي وفي الكهربا وشغالين في الاجراءات ... وانهم مش بيطلعوا رخصه لان عمره مهيبنى 4 ادوار بس وكده كده في الاخر بيتصالح ...انا مش فاهم المفروض لو في مصالحه وهيتوافق عليها هل هيدخلوا العدادات باسامي الناس ولا هتكون ممارسه.

المفترض انه لما اطلب منه صور تسلسل ملكيه الارض اسأل عليها فين او اتاكد ازاي؟

**moustafapeace** · 18-05-2015 11:40 PM

انا واخد شقة فى المريوطية اللبينى العمارة 12 دور وهو واخد رخصة 8 ومسجل الارض الافضل انك تدور فى حاجة زى كده على الاقل يبقى مرخص بناء لكن مخالف خالص بلاش

**askanas** · 19-05-2015 01:11 AM

لا عادي اشتري
اانا عندي شقة في الزهراء و عادي
اهم حاجة اول ما تشتري تنقل فيها بأسرع و قت وخلاص و تسأل الجيران اللي اشترت من نفس الراجل و تشوف تسلسل الملكية و التقنين و الكلام ده

**mendo** · 19-05-2015 01:41 AM

المشاركة الأصلية كتبت بواسطة moustafapeace

انا واخد شقة فى المريوطية اللبينى العمارة 12 دور وهو واخد رخصة 8 ومسجل الارض الافضل انك تدور فى حاجة زى كده على الاقل يبقى مرخص بناء لكن مخالف خالص بلاش

المشكه انه فليل جدا ماتلاقي حد عنده رخصه

المشاركة الأصلية كتبت بواسطة askanas

لا عادي اشتري
اانا عندي شقة في الزهراء و عادي
اهم حاجة اول ما تشتري تنقل فيها بأسرع و قت وخلاص و تسأل الجيران اللي اشترت من نفس الراجل و تشوف تسلسل الملكية و التقنين و الكلام ده

ممكن معلومات اكتر عن التاكد من تسلسل الملكية و التقنين؟

الموضوع: شقة في عمارة من غير رخصة !

LinkBack

أدوات الموضوع

عرض

-

-

-

المواضيع المتشابهه

فين عمارة يعقوبيان؟؟؟

تحويل سيارة ملاكي الى سيارة أجرة (تاكسي أبيض) و تغيير رخصة القيادة الى رخصة مهنية

حشتري شقة في عمارة بدون رخصة في ميامي

رخصة القيادة.. رخصة السيارة ..ضاعوا

شكر للاستاذ / أحمد عمارة

الكلمات الدلالية لهذا الموضوع

المفضلات

المفضلات

ضوابط المشاركة