كلاكيت رابع مره رفع التصنيف الائتماني لمصر

**Bassem Youssef** · 19-05-2015 02:41 AM

الدوله دلوقتي بتسد عجز الموازنه من جيوبنا احنا شخصيا

طب ما طول ما الشعب مطحون و مظلوم و مقهور

عمر ما هيبقي في استقرار مجتمعي و سياسي و امني

و بالتالي هيجي الاستقرار الاقتصادي منين ؟؟؟

**Bassem Youssef** · 19-05-2015 02:43 AM

ممكن اللي الدوله بتعمله دلوقتي يروح في غمضه عين

يعني انت بتظلم الشعب في مقابل سد عجز الموازنه

طب ما الشعب ده ممكن يعملك مظاهرات و اعتصامات

و يرجع الانهيار الاقتصادي اكتر و اكتر :(((

**Bassem Youssef** · 19-05-2015 02:45 AM

الناس مش هتصبر كتير علي اكل العيش :)))

**eslamrace** · 19-05-2015 03:32 AM

ا/باسم كلامك مظبوط ولكن انت دلوقتى فى موقف ان انت لازم تسد العجز وسد العجز له 3 طرق اما اقتراض داخلى او خارجى او تاخده من الشعب او تجيبه باستثمارات او مزيج من التلاته
حل الاستثمار حل طويل الاجل ومينفعش تسد بيه عجز الموازنه الحاليه والقادمه على الاقل لانه مش فى شهور الاستثمار بيجيب عائد
فالحل حاليا الاقتراض جزء والشعب جزء وده قهرا مش بمزاجنا ولكن الاختلاف فى نسبه كل طرف فى حل المشكله فاتجاه الحكومه الحاليه انها متاخدش قروض وتيجى على الشعب على امل ان الشعب يساندها وعندك حق ان كل انسان له طاقه ولكن برضه الحكومه الحاليه معتمده فى املها على الناس على ان الناس تشوف تطور بسيط على ارض الواقع من مشروعات قوميه "زى قناه السويس" او منظومات اجتماعيه حديثه "كمثال منظومه العيش والتموين وبعض المشروعات التانيه " والحاجات دى ممكن حد يشوفها كافيه وحد يشوفها غير كافيه ولكن فى النهايه حنفترض حسن النيه ونستنى شويه مش اكتر من سنه كمان لانها المفترض تكون بدأت الاستثمارات تجيب ايراد وبالتالى تخف الحكومه عن الشعب .

بص الموضوع له اكتر من وجهه نظر وكلها فيها جانب من الصحه لان الوضع مبهم وفى نفس الوقت اللى حصل فى34 سنه يخلينا نشك فى نفسنا مش بس فى الحكومه .
فى النهايه نتمنى الخير للبلد .
تحياتى.