عرض للطباعة
سلام عليكم
انا عايش في حيرة جامدة قوي بسبب موضوع الأختيار انا عاوز عربية مستعملة اقتصادية وصغيرة طبعآ كان الكلام في الأول علي ال 128 لكن الشكوي الدائمة من اللي اعرفهم انها صديق الميكانيكي هيا واختها ال 127
لغاية لما احد الأصدقاء رشحلي الميرا وبقوة المشكلة اني معنديش عنها فكرة كافية واتمني اسمع ارائكم اللي اكيد هيبقي معظمها عن تجربة
وشكرآ
بص يا اخي الكريم
الميرا من احسن وافضل العربيات الأقتصادية بجد
عربية ليس لها اي مشاكل
فعلا بتاعت شغل
الميرا هيا هيا البرودا كانشيل او القصد ان البرودا هيا الميرا بالظبط
العجيب بقه ان دائما اللي بيشتري العربيات دي بيبقى صعب يستغنى عنها لأنها فعلا بتبقى موفرة جدا لأن تعتبر مبتحتجشي تغير فيها حاجه الا فين وفين
انا انصحك بها العربيه فعلا كويسة
انا متشكر جدآ علي اهتمام حضرتك هسألك بس سؤالين وبعدها طلبين استحملني بقي
انا شوفت عربية برودوا موديل 2000 كانت عاملة 24000 وفي نفس الوقت الميرا موديل 1992 عاملة 21 ليه الفرق بسيط في السعر بالرغم من فرق الزمن مابينهم
تاني سؤال بالنسبة لقطع غيارها اخبارها ايه وتنصحني اعمل ايه اول ما اشتريها عشان زي مابيقولوا بالبلدي متفتحش بقها معايا بعدها
الطلب بقي ياريت حضرتك تقولي لما اجي اجيبها موديل 92 مثلآ اجيبها في حدود كام او لو كانت البرودوا 2000 دي احسن برضة اخرها كام حسب خبرتك برضة
اخر طلب لو قدام حضرتك واحدة مواصفاتها كويسة قياسآ برضة لخبرتك في عالم السيارات ياريت تدلني عليها وشكرآ جدآ ليك
ومتشكر جدآ علي اهتمامك
ولا يهمك يا اخي اسأل في اي وقت ولا يهمك
الفرق بسيط لتقاربهم في الامكانيات وكل حاجه الفرق التقفيل ماليزي والتقفيل الياباني
عالعموم اللي انا ارعفه ان البرودا لو كويسه وحالتها نظيفة بتعمل في الثلاثينات
والميرا في العشرينات
بس انت عارف كله حسب الحالة بتاعتها
يعني ماشية كام كم
رشه ايه في البودي بتاعها
قطع غيارهم كلها ياباني حتى البرودا قطع غيارها ياباني
بس هيا لها محلات معروفة معينه هيا اللي بتبيع حاجتهم
بس هيا عموما العربيات دي معمره جدا
انصحك اول ما تتفرج على واحده وخلاص عاجباك تروح تكشف على حالتها في الوكيل بتاعها واظن ان الأتنين ممكن تكشف عليهم في توكيل دايهاتسو
فعلاً الميرا ممتازة بشكل عام بس توكيلها بتاع دايهاتسو سيء وقطع غيارها غير منتشرة وممكن تتعبك شوية في موضوع قطع الغيار.
من ناحية التوفير والاقتصادية افضل 128 وعلى فكرة 128 لما بتكون مظبوطة بتدي أداء جيد وتوفير وقطع غيارها ستظل متوفرة لفترة طويله لأنها لسة ماشية في البلد بكثرة
يعني طبعا ده مجرد رأي ولكن رأي الأخرين له احترامه أيضاً
وربنا يسهلك وتجد عربية مناسبة ومرضية لك..
تحياتي..
كلام مظبوط و عن تجربةاقتباس:
المشاركة الأصلية كتبت بواسطة shankosi
من الاخر عربية كويسة و موفرة جدا فى البنزين
لكن يعيبها عدم إنتشار قطع غيارها فى محلات عديدة و أرتفاع إسعارها بالمقارنة ببقية فئتها
ياجماعة بجد انا استفدت جدآ من ارائكم والحمد لله خلصت في واحدة امبارح موديل 94 850 سي سي وعاملة 78000 كم كنت رايح اكشف عليها في توكيل دايهاتسو كما اشار العضو ابو عبدالله بس كان معايا صديق اخدني علي بنزينه كالتكس وعملنا عليها تشيك والحمد لله الميكانيكي هناك اداها فوق المتوسط للموتور والعفشة
كان ب 24 انا جبتها بعد الفصال علي 23 معرفش اذا كنت اتغلبت في سعرها ولا لأ
وربنا يسهل ان شاء الله والحياة تمشي خصوصآ اني هسوقها كل يوم ما لا يقل عن 70 كيلو متر لأني بشتغل بعيد جدآ
وياريت لو تعرفوا ناس معينة كميكانيكة متخصصين في العربية دي غير التوكيل اكتبولي عناوينهم وانا هحفظهم عني للظروف
والف شكر ليكم وان شاء الله ابقي عضو دائم المشاركة هنا
الف مبروك و ربنا يبارك لك فيها
ألف مبروك وربنا يكفيك شرها ويديك خيرها
وممكن تعمل زيارة ***** وتشوف قطع غيارها موجودة عندهم في الحرفيين السلام