حل مشكلة رفع وخفض الزجاج بعد تركيب وحدة الرفع في الشارك

**kh_elshiemy** · 18-05-2015 07:49 PM

كنت قريت قبل كدة عن حدوث مشكلة في صعود ونزول الزجاج الخاص بالسائق بعد تركيب وحدة الرفع يأنة يصل للنصف ثم يقف او يصل للنهاية ثم ينزل مرة اخري للمنتصف ...وبالضبط هذا ما حدث لي بعد تركيب وحدة الرفع من خمسة ايام عند سبير كار اللي في التجمع ...وبعد ما قريت عن المشكلة دي قلت في دماغي شكلها ملهاش حل ...المهم رحت لسبير كار وقلتلة المشكلة ...قالي الفني بس كدة هظبطهولك حالا ...انا قلت اكيد هيفك الباب تاني ويغير في التوصبلات لقيته عمل الاتي :فتح الكونتاكت ورفع الزجاج للأخر ثم فضل رافع زرار الزجاج لأعلي لحوالي 30 ثانية (عمل ريست لوحدة الكونترول الخاصة بالزجاج لتصحيح الخطأ) وقالي جرب كدة ...كلة تمام رفع نزول اتوماتيك ...ووحدة الرفع كلة بقي زي الفل...

**mohab2000** · 27-05-2015 08:30 PM

معلومه رائعه اخى الكريم بس ازاى عمل ريست لوحدة الكونترول الخاصة بالزجاج
وشكرا لك و تقبل تحياتى

**kh_elshiemy** · 31-05-2015 11:12 AM

افتح الكونتاكت من غبر دوارة....ارفع مفتاح رفع زجاج السائق لأعلي حوالي 30 ثانية كدة انت عملت ريست لكونترول رفع الزجاج

**mohab2000** · 31-05-2015 05:03 PM

شكرا اخى الفاضل على التوضيح و لك الف تحيه

**samihanwar** · 01-06-2015 11:47 PM

السبب لأن وحده الزجاج ليها سينسور وحتى جرب كده انك ترفع الازاز وحط ايدك وهو بيترفع هتلاقيه نزل تحت من نفسو وبعدها تلاقى الازاز بيترفع على 3 مراحل فى كل مره بيفصل واللى عمل كده لأن وحده الزجاج عليها حمايه
وعشان ترجع الأزاز يترفع مره واحده زي الأول اللى هى اوريجينال:
هترفع فرامل اليد وتفتح الكونتاكت وترفع الازاز لغايه الاخر وتفضل محمل على زرار الازاز لمده 3 ثوانى
هتلاقى الموضوع اتحل وبقى تمام
وتقبلو مرورى