حاسس اني هرتكب خطأ فادح و العياذ بالله

مشكله قد تبدو تافهه للبعض لكنها مشكله كبيره بالنسبه لي

المشكله اني 28 سنه و مش متجوز و عندي استوديو تصوير

اه دي المشكله ... عارفين ليه ؟؟؟

عشان في شوبه زباين "اناث" مش عندهم دم و لا احساس و لا حياء

من كام يوم زبونه داخله المحل عشان تستلم صور عيد ميلادها

لابسه لبس تلبسه قدام جوزها يوم خميس :d

طب هي مش فاهمه ان اي راجل هيبصلها ازاي ؟؟؟ و هيحس بايه ؟؟؟ و ممكن يعمل ايه كمان ؟؟؟

زبونه تانيه برضه لابسه لبس مينفعش تلبسه قدام جوزها يوم جمعه حتي :d

داخله تتدلع في الكلام و تتمايص و قله ادب و سفاله عشان اخلص صورها الاول

هو احنا مش بنحس يا جدعان ؟؟؟ مش حرام يعني ؟؟؟ اهالي و ازواج "الاناث" دول فين ؟؟؟

المشكله دلوقتي ان الشيطان بيوسوس لي اني اعمل حاجات مش كويسه

و مش عارف التزم في الصلاه ... بسهي في الصلاه و افكر في حاجات وحشه استغفر الله العظيم

و الله انا قرفان من نفسي و منهم و حاسس اني حاجز صف اول في جهنم :d

ملكش حل غير انك تتجوز وتعف نفسك يا باسم
عارف انك كاره مصر واهلها ، شوف السوريات

السلام عليكم و رحمة الله و بركاته

فعلا, أدام ربنا ميسرلك أحوالك و عندك البيزنس بتاعك و مستقر. يبقى مالكش حجة أنك ماتتجوزش. اتجوز و عف نفسك. لأن اللى زيك لما مايتجوزش بدون عذر, يبقى بيرتكب اثم.

ربنا يسترها معاك و ييسرلك طريقك.

ماتنساش تبقى تنزلنا صور الفرح أما تتجوز ان شاء الله.

الحل فی ايدك انت حضرتك 28 سنة ومش متزوج هنقول سن الزواج مرتفع فی مصر والظروف الاقتصادية صعبة بس انت محتاج جدا جدا للزواج كونك وصلت لمرحلة التفكير واهملت العبادة يبقی انت وصلت لمرحلة خطيرة محتاجة وقفة حتی لو ظروفك صعبة انو وتوكل وربنا يعينك وعلی فكرة لو حصل حاجة غلط انت مش ضحية ولكنك جانی علی نفسك لانك مقصر وسيبك من الناس اللی بتقولك جواز ايه والكلام ده دول بينافوا الفطرة البشرية من الاساس.
حاجة كمان فين غض البصر زی ربنا ما قال فی سورة النور اصل مش معقول نطلق بصرنا واحنا غير متزوجين وشباب ويكون الامر سلس وعادی لأ طبعا احنا بشر وطول ما فی اطلاق للبصر في انتكاسات هتحدث ده واحد اسمه سفيان الثوری اذنب ذنبا حرم قيام الليل 5 اشهر.
ولازم تعمل حدود ليك مع البنات يعنی تغض بصرك وانت بتكلمهم ترد عليهم بدون هزار وممكن تشغل واحدة محترمة معاك يبقی تعامل البنات وتصويرهم خاص بيها

اقتباس:

---

المشكله دلوقتي ان الشيطان بيوسوس لي اني اعمل حاجات مش كويسه

---

وَلَقَدْ خَلَقْنَا الإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ 16

وَجَاءَتْ كُلُّ نَفْسٍ مَّعَهَا سَائِقٌ وَشَهِيدٌ 21

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ 22

قَالَ قَرِينُهُ رَبَّنَا مَا أَطْغَيْتُهُ وَلَكِن كَانَ فِي ضَلالٍ بَعِيدٍ 27

قَالَ لا تَخْتَصِمُوا لَدَيَّ وَقَدْ قَدَّمْتُ إِلَيْكُم بِالْوَعِيدِ 28

يَوْمَ نَقُولُ لِجَهَنَّمَ هَلِ امْتَلَأْتِ وَتَقُولُ هَلْ مِن مَّزِيدٍ 30


سورة ق

لا تتبع القطيع دعهم يتهارجون تهارج الحمير , انت لسه صغير شوف النسوان اللى بلغوا من العمر ارزله و طافحين على الناس فى قنوات الاعلام يودوا لو يعمرون الف سنه
يقول جل جلاله : يَا أَيُّهَا النَّاسُ إِنْ كُنْتُمْ فِي رَيْبٍ مِنَ الْبَعْثِ فَإِنَّا خَلَقْنَاكُمْ مِنْ تُرَابٍ

ربنا يحميك ويسلمك من كل شر .

فيه رجالة تخلوا عن رجولتهم و صدق فيهم القول (رجالها خشب و نساؤها لعب تجمعهم الطبل و تفرقهم العصا)

اتجوز

شوف بنت الحلال و اتجوز
و ملكش حجة
مش كل البنات عايزين شبكة 30 الف و فرح و دوشة
انا شبكتى كانت 8 الاف و فرح فى بيت العروسة دى جيه اناشيد نص ساعة و كل واحد راح لحالة
الخلاصة البنت المناسبه لك موجودة فقط ابحث عنها
و ابعد عن الحرام---نوعية الحريم دى مفيش وراها غير الشر

الحل هو الزواج .. و ان كان عندك خوف و عدم ثقه فى الجنس الاخر .. يبقى خلى الخطوبه طويله نسبيا حتى تتأكد

و رأيى ان مجال العمل بتاعك سيجعلك تفكر مثل هذه الافكار حتى بعد الزواج .. لو قدرت تغير المجال ده يبقى غيره احسن
السبب ان النوعيات اللى انت اتكلمت عنها ستظل تأتى اليك بعد الزواج .. و بعد فتره ستعتاد الحياه الزوجيه و الزوجه .. و وارد جدا جدا الاغراء يأتى مره اخرى

اقفل الباب اللى بييجى منه الريح .. تستريح

it takes two to tango

من الاخر يعني

اقتباس:

---

المشاركة الأصلية كتبت بواسطة باسم يوسف

مشكله قد تبدو تافهه للبعض لكنها مشكله كبيره بالنسبه لي

المشكله اني 28 سنه و مش متجوز و عندي استوديو تصوير

اه دي المشكله ... عارفين ليه ؟؟؟

عشان في شوبه زباين "اناث" مش عندهم دم و لا احساس و لا حياء

من كام يوم زبونه داخله المحل عشان تستلم صور عيد ميلادها

لابسه لبس تلبسه قدام جوزها يوم خميس :d

طب هي مش فاهمه ان اي راجل هيبصلها ازاي ؟؟؟ و هيحس بايه ؟؟؟ و ممكن يعمل ايه كمان ؟؟؟

زبونه تانيه برضه لابسه لبس مينفعش تلبسه قدام جوزها يوم جمعه حتي :d

داخله تتدلع في الكلام و تتمايص و قله ادب و سفاله عشان اخلص صورها الاول

هو احنا مش بنحس يا جدعان ؟؟؟ مش حرام يعني ؟؟؟ اهالي و ازواج "الاناث" دول فين ؟؟؟

المشكله دلوقتي ان الشيطان بيوسوس لي اني اعمل حاجات مش كويسه

و مش عارف التزم في الصلاه ... بسهي في الصلاه و افكر في حاجات وحشه استغفر الله العظيم

و الله انا قرفان من نفسي و منهم و حاسس اني حاجز صف اول في جهنم :d

---

- فى البخاري (5066) ومسلم (1400) عن ابن مسعود قَالَ : " كُنَّا مَعَ النَّبِيِّ صَلَّى اللَّهُ عَلَيْهِ وَسَلَّمَ شَبَابًا لَا نَجِدُ شَيْئًا فَقَالَ لَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ : ( يَا مَعْشَرَ الشَّبَابِ مَنْ اسْتَطَاعَ منكُم الْبَاءَةَ فَلْيَتَزَوَّجْ ، فَإِنَّهُ أَغَضُّ لِلْبَصَرِ ، وَأَحْصَنُ لِلْفَرْجِ ، وَمَنْ لَمْ يَسْتَطِعْ فَعَلَيْهِ بِالصَّوْمِ فَإِنَّهُ لَهُ وِجَاءٌ ) .

- صدق رسول الله صلى الله عليه وسلم.

هي ملهاش حل غير الزواج
أو
تقنع نفسك انك كائن من كوكب تاني وان المصريات خصوصا لايصلحن للعلاقات....

شغل قران في المحل كتير ووريهم ان ملكش في اللون

وهما هياخدوا جنب منك

طبعا ردود الأعضاء بسم الله ما شاء الله موفيه ومش مديه أي فرصه لأي رد تاني ..ربنا يبارك فيهم ..فعلا ..صدق الإمام أحمد بن حنبل عندما قال ..من حدثك بغير الزواج فقد حدثك بغير الإسلام ..بس أنا ليه تعقيب رفيع كده يمكن خارج عن نطاق الموضوع ..بلاش نتكلم عن جهنم والعياذ بالله من جهنم ... بشيء من الكوميديا أو الفكاهه ..زي مثلا مقولة داخل جهنم بموتوسيكل ..داخل جهنم حدف قذف بقوة الدفع ..أجارنا الله وإياكم من جهنم ..أنا مش بنصحك على فكره ..أنا بنصح نفسي وإياك ..عشان كلنا نستفيد ..هي ملحوظة رفيعه بس ناخد بالنا منها ..لإن جهنم والعياذ بالله حق ..فلا يصح التندر بها في الكلام ...

يا استاذ باسم امال هتهاجر برا ازاى بس و هما لبسهم كده ليل و نهار مش بس واحده و لا اتنين ؟

شكرا لكل الاعضاء الكرام اللي ردت في الموضوع

انا فعلا نفسي اتجوز و لكن مأجل الفكره لحد ما اهج من هنا و بعدين ربنا يساهل

خطوه الجواز هنا اصبحت حاجه بشعه -_-

مش انت لوحدك والله كل الشباب بيعانى من نفس القرف ده
تحس انه اصلا البنات اللى بتلبس بالشكل ده عندهم لامبالاه واصلا مبقاش فيه تمييز بين اللى ينفع واللى ماينفعش يتلبس كله ماشى... عادى مش مشكله

اقتباس:

---

المشاركة الأصلية كتبت بواسطة باسم يوسف

شكرا لكل الاعضاء الكرام اللي ردت في الموضوع

انا فعلا نفسي اتجوز و لكن مأجل الفكره لحد ما اهج من هنا و بعدين ربنا يساهل

خطوه الجواز هنا اصبحت حاجه بشعه -_-

---

عن عبد الله بن مسعود قال : قال لنا رسول الله صلى الله عليه وسلم { يا معشر الشباب ، من استطاع منكم الباءة فليتزوج فإنه أغض للبصر ، وأحصن للفرج ، ومن لم يستطع فعليه بالصوم فإنه له وجاء }

خلي الاستوديو للتصوير الاسلامي
ماهو مينفعش برضه تقعد تخليها تعمل اوضاع علشان تتصور
ووقت ما اتدلعت بقي الموضوع حرام
مهنه حضرتك شائكه شويه وعليها قولان في الحلال والحرام
وحتي لو اتجوزت مهنتك برضه حتعملك مشاكل اما من غيره مراتك عليك او من حلاوه ودلع زباينك

بصراحة أغبطك أنك استطعت العيش لـ 28 عامًا بلا زوجة
بل ولا تريد الزواج حتى الآن لأنك ترفض مبادئ الزواج التقليدي
من رأيي
طالما أنك استطعت العيش حتى هذا العمر بلا زواج ( وفي السليم )
فـ اطمئن ستبقى في السليم إن شاء الله
وهذه الأفكار طبيعية جدًا وكثيرًا ما ترواد الإنسان
بل سيكون من الستغرب أن لا تراود الإنسان ( أقصد غير المتزوجين )
عن نفسي لا يمكن أن أعيش بلا زوجة مهما كانت السلبيات

مع احترامى للجميع

الجواز مش هو الحل

بعد فتره هاتتعود على مراتك (و لو كانت ملكة جمال) و هاتبتدى من تانى تقارن مع اللى بيدخل عندك و تشوف بيتدلعوا ازاى

و يبلبسوا ايه و هكذا هاتسرح تانى

الحل

ترفض التصوير بطريقه معينه او زى ما قال شنورى

و ممكن تجيب بنت مساعده لك هى اللى تصور الستات و الفتيات و تكون مسئوله التعامل معهم

و متقولش الحاله واقفه و دى هتاخد مرتب و كده

لانك بكده بتسد باب الله اعلم هايطلع من وراه ايه

والله دلوقتي تحس ان الرجولة قلت ابقي ماشي في الشارع الراجل جمب مراته ومعرفش ايه باين عندها وبرده تلقيه جمب بنته ومعرفش ايه باين فين الرجوله الله واعلم وتلاقي واحده لبس النقاب ومحزق مبين تفاصيل جسمها وتلاقي منقبه ومش تمام معايا واحد في اللشغل ماشي مع واحده منقبه ومجوزه يعني الي مش عريانه في الشارع فاضحه نفسها والي لبسه نقاب مدارية وراه بلاويها العيب بقي في مين هنقول الحكومة برده ولا نقول النقاب هوا الحل طب ماعندك السعودية اطهر بلد عليه.... ناس فين النخوه

حاول تجوز ومش بنات بلدك مش كويسين هتلاقي الحلو والوحش ياعم لو انته شايفهم وحشين شوف حد من اقاربك علي الاقل هتكون قربتك وعارفها كويس

اما بالنسبه لمهنتك فالتصوير عشان تعمل زبون وصورك كويسه بتعتمد علي اوضاع في الصور وحركات وتقولو حط ايدك هنا ومعرفش ايه طبعا انا مقصدش حضرتك بس اي محل تصوير كده وتجيلك عروسه معرفش بفستان ايه وطبعا لو حضرتك عملته اسلام الزباين هتقل فعندك حلين يترضي ربنا وتعمله اسلامي والارزاق بتاعت ربنا يا اما تخليه زي مهوا وتجيب واحده تشتغل