الخبر نشر اليوم على البوابة نيوز و الاسعار الجديدة غالبا بعد عيد الفطر ال80 هيلغى و هيبقى 85 طبعا بسعر اعلى و 92 و 95 برضه هيرتفع نسبة الزيادة 40% , بالنسبة لأعضاء المنتدى فكر كويس قبل ما تشترى سيارة ذات محرك بمعامل انضغاط اكثر من 10:1 ,
عرض للطباعة
الخبر نشر اليوم على البوابة نيوز و الاسعار الجديدة غالبا بعد عيد الفطر ال80 هيلغى و هيبقى 85 طبعا بسعر اعلى و 92 و 95 برضه هيرتفع نسبة الزيادة 40% , بالنسبة لأعضاء المنتدى فكر كويس قبل ما تشترى سيارة ذات محرك بمعامل انضغاط اكثر من 10:1 ,
الخبر دا اتنفي من رئيس الوزراء وقال مفيش زيادة علي الاقل لاخر السنة دي
معرفش صحة الخبر صراحة ....لكن شخصيا ياريت يشيلو الدعم عن البنزين + وبرضو يشيلو الجمارك عن السيارات في مقابل عمل شبكة مواصلات عامة جيدة وطرق جيدة ...وبكدا مشاكل الزحام هتتحل
هى دى عيديه العيد ؟؟
سعر برميل البترول انخفض بقى له فتره .. موش قادر افهم سبب الزياده
اشاعااااااااات
زي كل سنة ,,, ناس هتقول اشاعات وناس هتقول حقيقة والحكومة عاملة ودن من طين وودن من عجين
واعتقادي الشخصي ان البنزين هيغلى لأنه للاسف فكر الحكومة في تزويد الايرادات منصب على زيادة
الضرائب والاسعار
على قناة صدى البلد برنامج صالة التحرير اعلن المتحدث الرسمى لوزارة البترول عدم صحة الاخبار برفع اسعار المشتقات البترولية و جريدة البوابة نيوز تؤكد صحة الخبر و تزعم تراجع الوزارة عن قرارها....... انتهى الخبر من مجريات الاحداث و بعد موضوع ما عرف بضريبة البورصة و كم الخسائر الفادحة اللى جلبها التسرع فى هذا القانون , أعتقد ان الحكومة هتعمل حاجة زى نشر خبر و ترجع تكذبه و دى حيلة معروفة منها تكون بالون اختبار يجس نبض الشارع ومنها تجهيز الناس للارتفاع المتوقع ........أخيرا ارجو التفرقة بين النقد و الانتقاد .....انا كتبت فى المنتدى من 3 اسابيع عن موضوع ضريبة الارباح على الشركات ( البورصة المصرية رايحة فين) و توقعت الغاء هذه الضريبة و كتبت بالحرف مش علشان 150 مليون جنية نخسر 40 مليار و تم تأجيل القانون سنتين .....تفكير الدولة بتعظيم الاموال اللزمة للميزانية عن طريق الجباية و رفع الاسعار اسلوب الفاشلين على العكس تماما تخفيض الصرائب معناه اموال و استثمارات اكثر و انتعاش اقتصادى اكبر ......لا جدال ان وزارة المالية و التخطيط ايضا فيهما مشكلة......انا سعيد ان البورصة بدأت تستعيد نشاطها و اكيد سأكون سعيد لما الاقتصاد المصرى يستعيد قوته علشان كده نفكر مع بعض و ننقد الامور و لا ننتقدها.
بالونة اختبار
بالإضافة إن الحكومة ليها سابقة في موضوع رفع سعر البنزين
الخبر اللى انتشر
بنزين 92 هيبقى ب 3 جنيه
الحقيقة مش عارف ما هو برضه الصحفى اللى كتب الخبر مش معقول ينشره من نفسه اكيد من مصدر معتبر و هنقل لكم الخبر كما نشر بطريقة كوبى بست ...... الثلاثاء 19-05-2015| 02:02ص إيناس العدوى العنوان :خطة حكومية تدخل حيّز التنفيذ فى يوليو
انفراد.. إلغاء "بنزين 80" ورفع الأسعار 40 %........الخبر كشفت مصادر بالهيئة العامة للبترول أن الحكومة قررت إلغاء «بنزين 80»، خلال الفترة المقبلة، مع رفع أسعار المواد البترولية 40٪ بداية من المالى العام المقبل.
وأوضحت المصادر أن هذه الزيادة في الأسعار تأتى في إطار سياسة الدولة الإصلاحية، وسعى الحكومة لترشيد النفقات، ومنع إهدار المواد البترولية بدءًا من العام المالى 2016/2015.
وأضافت المصادر أن هذه الزيادة ستطبق على جميع أنواع المواد البترولية السائلة، وهى البنزين 92، والسولار، ويتم رفع رقم «الأوكتان» لبنزين 80، ليصبح 85، مشيرة إلى أن أسعار هذه المنتجات بعد الزيادة الجديدة قد تصل إلى السعر العالمي. أنتهى النقل
و بعد 8 ساعات تم نفى الخبر ......حاجة تحير فعلا ....بس مش معقول صحفى يخترع موضوع خطير زى ده.
السيسي قال بعضمه لسانه ان الدعم هيتشال خلال 5 سنين بالتدريج
موضوع الاجور و الاسعار العالمية تنطبق تمام الانطباق على المثل الشعبى و كما يقال الامثال حكمة و تاريخ الشعوب اى انها تتعدى كونها فلكور شعبى لتكون نبض الشارع و حكمة التاريخ , لما تتكلم عن الخدمات الصحية و جودة التعليم و جودة الطرق الخ......يأتيك الرد معلش احنا دولة لسه على بداية الطريق من العالم الثالث و لما تتكلم عن الاسعار و الضرائب ....يجيلك الرد مقارن بأمريكا و انجلترا و المانيا.....طب اشمعنى..... مش معقول ان لسه فى ناس بتقبض ( فى الدولة) مرتبات مئات الالوف و ناس مش لاقية تأكل , و الله صحيح فى الهم مدعية و فى الفرح منسية.
ما هي الحكومة حضرتك بتشيل الدعم علشان تقدر توفر ليك خدمات جيده وتحسن الطرق وتحسن الصحة , انما عايز الحكومة تجبلك منين وهي مديونة بسبب الدعم اللي بتدهولك بقالها سنين كتير , اتحمل انت التمن الحقيقي للسلعة وشيل عنها الحمل اللي شيلاه عنك .
شوف حضرتك الناس في اوروبا وامريكا بيدفعوا ضرائب علي الدخل اد ايه وحضرتك بتدفع ضرائب اد ايه " دا لو كنت بتدفع ضرائب اصلا "
ودا الحكومة حتعمله بس مش في يوم وليلة زي ما الدعم مش حيتشال في يوم وليلة .
علي فكرة انا مش بدافع عن الحكومة ولا انا تبع حد
بس انا مش بهاجم وخلاص , بحسبها واحد زائد واحد تساوي اتنين
حكومة مديونة حتجبلك منين علشان تعملك دا كله !!!
بقولك ايه.. الحكومه حايه عشان الشعب لم يجد من يرفق به واليد التي تحنو عايه.. والبرنامج الانتخابي كان بيقول انه مش هيلغي الدعم غير لما يغني الناس.. بتغير كلامك ليه دلوقت؟ تقعد تقولي ام الدنيا وكل الدنيا ووقت الجد تقولي اجيبلك منين؟ اللي مش قد الشيله ميشيلش
القضية الازلية البيضة فقست و طلعت كتكوت و بقى فرخة و لا الفرخة كانت الاول و جابت البيضة.....دى عجلة مفرغة يعنى لو رفعنا الدعم ايردات الدولة هتزيد و تصرف احسن ولا نحسن الدخل الاول و بعدين الايرادات هتزيد و المشكلة دى حلها يكون بزيادة الانتاج و ازدياد معدلات النمو عن معدلات التضخم و معدلات الزيادة فى تعداد السكان و انخفاض معدلات الانفاق ....ممكن الواحد يقول ده موضوع سهل جدا زود الضرائب يزيد الناتج و ترفع الدعم يقل الانفاق.....بس للاسف كده هتقتل الفرخة اللى مفروض تجيب البيضة,,,,لازم توفر الحد الادنى للمعيشة وفى ظروفنا الحالية انا مش شايف غير حل واحد عدالة توزيع الدخل ....للاسف فشل موضوع الحد الادنى و الحد الاعلى للاجور......بلد زى كوبا فى ظل حصار اقتصادى من السيتينات الى الان (ابتدأ ينحصر الان فى ظل دفئ العلاقات مع امريكا) كوبا فيها تأمين صحى عالى المستوى جدا على مستوى العالم , نسبة الامية 0%, كل ده علشان العدالة الاجتماعية الصارمة بأختصار ممكن 1000 جنية توزعها على 10 افراد وكل واحد يأخذ 100 جنيه و ممكن برضه ال 1000 جنيه توزعهم على 10 افراد و احد يأخذ 991 جنيه و التسعة البقين كل واحد يأخذ جنية . طبعا ده مثل فقط .
بعد ما يدفعوا ضريبه الدخل ( و هى قيمه كبيره.. كمثال 30% فى امريكا ) .. المتبقى له بعد ذلك يساوى اضعاف متوسط الدخل عندنا .. و كافى لحياه كريمهاقتباس:
شوف حضرتك الناس في اوروبا وامريكا بيدفعوا ضرائب علي الدخل اد ايه وحضرتك بتدفع ضرائب اد ايه " دا لو كنت بتدفع ضرائب اصلا "
عموما انا لا احب الجدل .. بس كلمه انك " مستغرب " ان الدعم لم يرفع عندنا حتى الان .. هى التى جعلتنى ارغب بتوضيح الفارق
والمتبقي له دا
بيشتري بيه بنزين متشال عنه الدعم
بيشتري الدواء بكام
بيدفع كهرباء كام
بيدفع فواتير كام
في حين المرتب بتاع المواطن المصري
الحكومة بتساعده وتدفع عنه فرق سعر البنزين
بتديله كهرباء مدعومة
الدواء مدعوم وارخص من بره
فواتيره ارخص من بره
الاجمالي المعيشة ارخص من امريكا باضعاف واسأل الناس اللي عايشه بره وشوف المعيشة حتكلفك كام علشان تعيش عيشه كريمة زي ما انت بتقول
مينفعش ابدا تقارن اللي يعجبك وبس
الدنيا بره مش ورديه
مش حتروح تقعد تحط رجل علي رجل والحكومة تديك فلوس ببلاش , لا حتشتغل وتتفرم في الشغل وحتدفع ضرائب كبيره علشان تعيش عيشه كويسه .
انما قلي بقي مين هنا بيشتغل بضمير في مصر ولا عنده استعداد يدفع 30 في الميه من دخله ضرائب .
اذا كان احنا بنكلم بعض اهو ومش قابلين فكرة ان الحكومة ترفع الدعم .
يبقى ما تستغربش من وجود الدعم عندنا .. لان ده اللى مخلى الناس قادره تعيش بالدخل المتاح لهماقتباس:
في حين المرتب بتاع المواطن المصري
الحكومة بتساعده وتدفع عنه فرق سعر البنزين
بتديله كهرباء مدعومة
الدواء مدعوم وارخص من بره
فواتيره ارخص من بره
عموما انا موش ضد رفع الدعم .. ارفع متوسط الدخل تدريجيا و بناءا على هذا تستطيع خفض الدعم بنفس التناسب .. هذا هو الحل المنطقى من وجهه نظرى
من الاخر ... أقسم بالله لو الفساد انتهى وبقى في توزيع سديد لثروات البلد
هنبقى من اغني البلاد ...
لكن للأسف الفلوس كلها بتروح للكبار وبقية الشعب بيشحت
مفتاح تقدم اي دولة هو مكافحة الفساد , ودي بتحتاج ارادة سياسية وشفافية
والاتنين مش موجودين عند اللي بيحكمونا للاسف
استمتعت بالسجال بين الاخين الفاضلين tasaka and afndina الاختلاف فى الراى لم يفسد الود بينهما.....هو ده المطلوب اختلف معى و احترم رأى فى آن واحد تحياتى الخالصة لكل منهما و يا رب نتعلم الدرس الجميل
بيقولك مره شعب عملوا ثوره على الحزب الوطنى الديمقراطى علشان يجيبوا ابراهيم محلب عضو سياسات الحزب الوطنى يبقى رئيس الوزراء بتاعهماقتباس:
حكومة مديونة حتجبلك منين علشان تعملك دا كله !!!
بالذمه انت شايف ان الحزب الوطنى اللى انت بتدافع عنه يستحق دفاعك ؟ يا بيه الشعب منتهى الصلاحيه من زماااااااان لو الجيش نزل علب برسيم للناس عليا الحرام من دينى الناس هتاكل البرسيم و تدافع عنه
صدق الله العظيم : فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ
الدعم تقنين للفقر , ما فيش دوله انصلح حالها الا بالغاء الدعم , اكبر مثل تركيا و البرازيل , الدعم من الموروثات الشيوعيه و من الاسباب الرئيسيه لانهيار الاتحاد السوفيتى .
اللى بيقارن بين مصر و اوروبا او امريكا يا ريت يحسبها صح الاول
لو عملنا مقارنة بين مصر و اوروبا هنقول نفس الشخص بنفس الوظيفة بياخد هنا 2000 جنيه مصرى و هناك بياخد 2000 يورو
تيجى بقى تتكلم على الاسعار
عربية متوسطة فى اوروبا ب 20 الف يورو ، فى مصر ب 200 الف جنيه
موبايل ايفون فى اوروبا حوالى 700 يورو ، فى مصر 7000 جنيه
وجبة فاست فود فى اوروبا متوسط 7 يورو ، فى مصر 50-60 جنيه
يمكن الفرق شوية فى السكن هو اللى اغلى شوية ..
متجيش بقى تقولى نعيش زى الشعوب برة لما يبقى الواحد بيقبض 150 يورو فى الشهر يبقى عيب تقولى ارفع الدعم و الناس تتعامل بالاسعار العالمية .. العامل من غير ورق فى اوروبا بياخد فى اليوم حوالى 70 يورو
الكلام ده معروف مين اللى وراه و ايه هدفه
مااااسر مذكورة فى القران وفيها خير اجناد الارض واللى مش مسدق يقرا سورة طلع البدر علينا
تحيا مااااسر تحيا مااااسر
الواحد لما يلاقي اعظم طموحاته عربيه بسيطه لكن مريحه .. وسكن معقول .. وستر وراحه بال
يعرف اد ايه احنا شعب غلبان والكل بيتاجر بيه
احنا عندا كل واحد في الشعب بيحلم حلم يقظة وعينه بتلمع من الفرحه اللى بيشوفها في حلمه
وطبعا بيموت من غير ما يلم حلمه ده او حتى عشرة
وكلتا الاحوال امين امين علي اى قرار .. لان ثورتين مغيروش حاجه ولا هيغيروا
في النهايه الحرامي الكبير مبارك برائة .. عايزين ايه من اى حد هيفكر يسرقنا تاني .. طبعا مش هيخاف ولا هيهمه لا ثورة ولا نيله
الدعم .. بيوصل للكبار قبل الصغار .. لو نفترض ان فاتورة كهربه موظف بسيط في الاساس 100 جنيه وبعد الدعم بقت 70 جنيه .. استفاد من الدعم 30 ج
في حين لو موظف كبير عنده فيلا في التجمع الخامس .. فاتورته ب 1000 ج مثلا وبقت بعد الدعم 700 جنيه استفاد من الدعم 300 جنيه !!
فيه فرق بين العدل والمساواه .. واحنا هنا بنساوى بين الغني والفقير فالغني بيزيد غنى والفقير بيفتقر اكتر واكتر
لو سألوك عن العدل في بلاد المسلمين .. قل لهم واين هي بلاد المسلمين !!
ممكن اسم الالبوم اللى فيه السوره !! .. و مين اللى كتبها و غناها ؟؟اقتباس:
يقرا سورة طلع البدر علينا