خبر عاجل الغاء بنزين 80 و رفع اسعار 92 و 95

**ali ashraf** · 19-05-2015 06:31 PM

الخبر نشر اليوم على البوابة نيوز و الاسعار الجديدة غالبا بعد عيد الفطر ال80 هيلغى و هيبقى 85 طبعا بسعر اعلى و 92 و 95 برضه هيرتفع نسبة الزيادة 40% , بالنسبة لأعضاء المنتدى فكر كويس قبل ما تشترى سيارة ذات محرك بمعامل انضغاط اكثر من 10:1 ,

**حسام الغرباوي** · 19-05-2015 06:55 PM

الخبر دا اتنفي من رئيس الوزراء وقال مفيش زيادة علي الاقل لاخر السنة دي

معرفش صحة الخبر صراحة ....لكن شخصيا ياريت يشيلو الدعم عن البنزين + وبرضو يشيلو الجمارك عن السيارات في مقابل عمل شبكة مواصلات عامة جيدة وطرق جيدة ...وبكدا مشاكل الزحام هتتحل

**tasaka** · 19-05-2015 06:57 PM

هى دى عيديه العيد ؟؟
سعر برميل البترول انخفض بقى له فتره .. موش قادر افهم سبب الزياده

**بحار** · 19-05-2015 07:08 PM

اشاعااااااااات

**misry** · 19-05-2015 07:47 PM

زي كل سنة ,,, ناس هتقول اشاعات وناس هتقول حقيقة والحكومة عاملة ودن من طين وودن من عجين

واعتقادي الشخصي ان البنزين هيغلى لأنه للاسف فكر الحكومة في تزويد الايرادات منصب على زيادة

الضرائب والاسعار

**afndina** · 19-05-2015 07:50 PM

المشاركة الأصلية كتبت بواسطة tasaka

هى دى عيديه العيد ؟؟
سعر برميل البترول انخفض بقى له فتره .. موش قادر افهم سبب الزياده

حضرتك مش بتتحاسب علي السعر الحقيقي للبرميل
ولا عمرك اتحاسبت بيه وحتي بعد الزيادة برضوا مش حتتحاسب بيه
الحكومة بتديك دعم عن السعر الحقيقي للبرميل
انا بقي اللي مش فاهم لغاية الان الحكومة بتدعم البنزين والطاقة ليه

**ali ashraf** · 19-05-2015 08:00 PM

على قناة صدى البلد برنامج صالة التحرير اعلن المتحدث الرسمى لوزارة البترول عدم صحة الاخبار برفع اسعار المشتقات البترولية و جريدة البوابة نيوز تؤكد صحة الخبر و تزعم تراجع الوزارة عن قرارها....... انتهى الخبر من مجريات الاحداث و بعد موضوع ما عرف بضريبة البورصة و كم الخسائر الفادحة اللى جلبها التسرع فى هذا القانون , أعتقد ان الحكومة هتعمل حاجة زى نشر خبر و ترجع تكذبه و دى حيلة معروفة منها تكون بالون اختبار يجس نبض الشارع ومنها تجهيز الناس للارتفاع المتوقع ........أخيرا ارجو التفرقة بين النقد و الانتقاد .....انا كتبت فى المنتدى من 3 اسابيع عن موضوع ضريبة الارباح على الشركات ( البورصة المصرية رايحة فين) و توقعت الغاء هذه الضريبة و كتبت بالحرف مش علشان 150 مليون جنية نخسر 40 مليار و تم تأجيل القانون سنتين .....تفكير الدولة بتعظيم الاموال اللزمة للميزانية عن طريق الجباية و رفع الاسعار اسلوب الفاشلين على العكس تماما تخفيض الصرائب معناه اموال و استثمارات اكثر و انتعاش اقتصادى اكبر ......لا جدال ان وزارة المالية و التخطيط ايضا فيهما مشكلة......انا سعيد ان البورصة بدأت تستعيد نشاطها و اكيد سأكون سعيد لما الاقتصاد المصرى يستعيد قوته علشان كده نفكر مع بعض و ننقد الامور و لا ننتقدها.