السلام عليكم
قدامي إبيزا أوتوماتيك 2006 1400 سي سي ماشية 90 ألف كيلو وراشة أجزاء من الخارج وفبريكة دواخل ورخصة سنة، صاحبها طالب 63 ألف وفيه تفاوض.
هل الموديل ده في الأوتوماتيك كويس ولا فيه مشاكل؟
وهل العربية فيها abs و ebd ولا ايه النظام؟
عرض للطباعة
السلام عليكم
قدامي إبيزا أوتوماتيك 2006 1400 سي سي ماشية 90 ألف كيلو وراشة أجزاء من الخارج وفبريكة دواخل ورخصة سنة، صاحبها طالب 63 ألف وفيه تفاوض.
هل الموديل ده في الأوتوماتيك كويس ولا فيه مشاكل؟
وهل العربية فيها abs و ebd ولا ايه النظام؟
بص يا باشا هى العربية معايا وزى الفل, بس حدد أولوياتك, العربية اعتمادية جدا وثابتة وظريفة جدا, قطع غيار الميكانيكا كلها فولكس ومتوافره جديدة وأسعارها معقولة وعمرها كويس, بس قطع الصاج والاكسسوارات والكهربا زى زراير الزجاج والكلاكس وذراع النور مش موجودة جديد وبتيجي استيراد من الحرفيين ودي مش تجربة ظريفة بصراحة
كده قلتلك الكلام بكل أمانة
وخلى بالك لو اشتريتها هتحتاج فى حدود 3 الاف لتفيير السيور والبوجيهات والتيول والفلاتر والكلام ده
الاوتوماتيك فيها 4 نقلات مافيهوش مشاكل لو بيتغتيرله الزيت فى المعاد وموجود فى مصر من سنة 2000 فى البورا والابيزا وما شابههم
2006 مفيهاش abs كل 2006 اللى شفته كده, مش عارف هل دى قاعدة عامة ولا لأ
والله الموفق