الموضوع: استفسار فى مواتير المياه

المشاركة الأصلية كتبت بواسطة m_m_sh_a

يا باشا بالبلدي العامي كده ..حضرتك هتضبط الضغط عندك لغاية ما تلاقي المياه عندك بقت منتظمه وضغطها حلو ..بس ما تخليش الموتور يضغط قوي عشان الكاوتشه ما تضربش ..سيبك من الأرقام على كام ..أهم حاجه أضبط ضغط المياه وخلاص

باشا لما هيسبو من الارقام ,هيعرف يجيب الضغط الحلو منين ؟؟ ,وهيعرف منين ان الكاوتشه الجديده اللي لسه مركبها مش هتفرقع ؟؟ .ويعرف منين ان التوماتيك مش هيولع في نفسه ,ويعرف منين ان الضغط مش عالي اوي يحرق ويفرتك المتور والطرمبه ؟؟ , كدا يبا شغل بيومي ,ولا التوماتيك والكاوتشه الجديده دول ببلوشي ويروح يجيب فلوماك كمان جديد بلوشي , مساء الفل

المشاركة الأصلية كتبت بواسطة engmero

باشمهندس ميكا شكرا علي ردك
انا المشكلة اني كنت الصراحة لعبت في الصمولتين قبل ما افهم الموضوع ماشي ازاي
بس اما حاولت انزل لل 35 مكنش بيجيب مياه اصلا

دلوقتي رجاء الافادة عايز اعيد ظبطة تاني علشان ميحصلش مشكلة في البالونة والاتوماتيك ازاي اوصل لاعادة ظبط المصنع وبعدين اظبط زي ما حضرتك شرحت في بداية الموضوع

هتحل ع الصموله الصغيره لحد متنزل ل50 ,طبعا تخلي حد يفتح حنفيه ,المتور هيقوم ويفصل اوصل انة ساعة الفصل 50 .

المشاركة الأصلية كتبت بواسطة mecha

باشا لما هيسبو من الارقام ,هيعرف يجيب الضغط الحلو منين ؟؟ ,وهيعرف منين ان الكاوتشه الجديده اللي لسه مركبها مش هتفرقع ؟؟ .ويعرف منين ان التوماتيك مش هيولع في نفسه ,ويعرف منين ان الضغط مش عالي اوي يحرق ويفرتك المتور والطرمبه ؟؟ , كدا يبا شغل بيومي ,ولا التوماتيك والكاوتشه الجديده دول ببلوشي ويروح يجيب فلوماك كمان جديد بلوشي , مساء الفل

يا سيدي الفاضل لو ضغط المياه بتاع المنبع ضعيف شويه عمر الموتور ما هيجيب ضغط ستين ده أصلا ..وهيفضل شغال وخلاص..أنا عندي في العجمي الضغط بتاع المنبع ضعيف ..عشان كده ضغط ستين ده لا يمكن الموتور يوصله وخصوصا إنه نص حصان ..عشان كده أنا آخري في الضغط أربعين ..والموتور كان بياخد وقت كمان عشان يوصل للأربعين دي ..عشان كده أنا بقوله يضبط بالحنفيه من فوق ..إنه يفتح الحنفيه يلاقي المياه نازله ..يقفل ويشوف الموتور هيقعد يضغط لغاية فين ..أول لما يلاقي المؤشر بتاع العداد بدأ يبطأ في الضغط أو وقف خلاص يقوم مرجلش المسمار عشان الموتور يفصل ..لإن هو ممكن مثلا عاوز يضبط على ضغط ستين أو أربعين هيقعد جنب الموتور ساعة ..لا الموتور هيجيب الضغط ده ولا الموتور هيفصل أصلا ..لإن هو أصلا صاحب الموتور مش عارف ضغط المنبع كام ..وبعدين مقالش الموتور كام حصان ..هو أصلا عدم معلومية ضغط المنبع هيخلي الأرقام فيها خلل برضه

المشاركة الأصلية كتبت بواسطة engmero

بمناسبة الفلوماك هوه ينفع معايا في الدور الثامن بدل وجعة القلب اللي انا فيها بتاعة الاتوماتيك والبالونة؟

الفلوماك مش متاكد منو ,شفت زيه راكب لخطوط ارضي ,في تفاصيله بيقولو يستحمل ضغط اقصي 10 بار ,لكن لما تشوف الرجلاش اللي عليه واحد بس لضغط التدوير بس والضغط الفصل ثابت علي 1.5 بار.كمان عيبه اي حنفيه بتنقط او تسريب المتور يبا داير علي طول.