-
مشكلة بالجيتا
انا عربيتى فولكس جيتا 2009 هاى لاين لسة جديدة عاملة بيها لحد انهارضة 2000 كيلو بس حصلها انهارضة حاجة ومش عارفة اعمل اية عندى فردة جابت عالى وواطى ومش عارفة دى مشكلة والا عادى امشى بيها اصل انا عندى عجلة من الى ورا وقعت فى طرف مطب على هيئة حفرة من عميقة من حفر بلدنا العزيزة بس اطرافها حادة وحسيت بالحديد بتاع العجلة من ورا بيخبط فيها وبعدين فوجأت بعالى وواطى على هيئة انتفاخات فى الكاوتش بس دة قدام فى الفردة الى قدام مش ورا مع العلم ان الخبطة ورا وفى حاجة كمان مش فاهماها لما خبطت من تحت عند الفردة ظهر عندى فى الشاشة صورة عربية اكنها ماشية على طريق او شبة كدة يعنى لمدة ثوانى واختفى ممكن حد يعرفنى فى اية انا بتوع الكاوتش خوفونى وانا جيت اطلع الاستبن اركبة اصلهم قالولى ممكن تفرقع لقيتة 16 والى فى العربية 17 فنقلت الفردة من قدام لورا والعكس فى الى قدام
-
لازم يتكشف عليها واحتمال تتغير، كده خطر هاتلاقى العربيه بتخبط وماتبقاش ثابتع خالص
خدي بالك على نفسك
-
طيب اروح فين اكشف عليها اروح التوكيل يعنى والا فين وخطر ازاى يعنى والله خوفتونى اوى واقدر امشى بيها اد اية على الوضع دة والافضل اروح التوكيل والا لا ولو روحت واشتريت فردة جديدة عادى استلمها على طول والا هستنى
-
جيبى فردة نفس المقاس والنوع وركبيها من اى محل كاوتش محترم
-
اوكى بس لازم بسرعة اغيرها والا اقدر اسيبها شهرين كدة
-
دي بيسموها " ريجة في فردة الكاوتش" ودي بتحصل لو الفردة الكاتوتش عملت بلونة او كان في خبطة اثرت علي الجنط ودي حلها بسيط هو انك تبدلي الفردة بواحدة تانية زيها بالظبط وتوديها لورشة كاوتش لظبط الزوايا عشان يحط الفردة علي جهاز بيكشف لو فيها اي اعوجاج سواء في الكاوتش او في الجنط نفسة..وتوتة توتة خلصت الحدوتة
-
هام وفورا تغيير الكاوتش والا قد ينفجر فى اى لحظة , ممكن تركبى الاستبن وخللى اللى باظت دى تبقى استبن مؤقتا لحد ماتغيريها
-
أظن الموضوع ده مكانه الورشة..
-
الكاوتش فيه عالي وواطي
نصيحة.. فورا تغير الكاوتش
-
اى محل نضيف بتاع كاوتش + ضبت زوايا واتزان مهم برده وإن شاء الله خير وابقى طمنينها عليكي
Content Relevant URLs by
vBSEO 3.6.0 PL2