مصر حلوة !!؟!!؟!؟!؟؟!!؟!؟

**حسام الغرباوي** · 21-05-2015 03:25 PM

المشاركة الأصلية كتبت بواسطة afndina

في السعودية فساد لا يذكر هههههههههههههههههههه
اضحكتني
مش معني ان العائلة المالكة معيشة شويه ناس مرتاحين ان الحكومة كويسه
يا راجل يا طيب دا انا بقري وبشوف فيديوهات اشكال والوان عن الفساد في السعودية , بس طبعا مش بالحجم اللي في مصر علشان في السعودية في قطع رقاب لاي حد مخالف او يهاجم الذات الملكية , دا غير طبعا حجب كم هائل من المواقع اللي بتهاجم الحكومة والعائلة المالكة .
مفيش بلد عربية تتقارن بالتانية , الفرق ان الحكومة قادرة تسيطر هناك وماسكه الناس بالحديد والنار

بتقرأ وبتشوف ولا انت موجود هنا فعليا ؟؟

لأنك لو بتقرأ وبتشوف يبقي كلامك دا مش حقيقي إطلاقا ...الفساد هنا لا يتعدى 1 % من الفساد في مصر ...واي مصري عايش هنا عارف كدا كويس ...فكك من اللي بيتكتب واللي بيتقال

محنا الاعلان داوش اللي خلفونا بحضارة 7000 سنة ومصر هبة النيل والعدل اساس الملك ولا تدخل في شئون القضاء والشرطة والشعب ايد واحدة وان مبارك والعادلي ...الخ اخدو برائة عشان فعلا مفيش ادلة ضدهم ...فعادي فشخ ان كل واحد يقول اللي هو عايزة ...إسأل الناس اللي عايشة عشان تعرف

**afndina** · 21-05-2015 06:57 PM

المشاركة الأصلية كتبت بواسطة حسام الغرباوي

بتقرأ وبتشوف ولا انت موجود هنا فعليا ؟؟

لأنك لو بتقرأ وبتشوف يبقي كلامك دا مش حقيقي إطلاقا ...الفساد هنا لا يتعدى 1 % من الفساد في مصر ...واي مصري عايش هنا عارف كدا كويس ...فكك من اللي بيتكتب واللي بيتقال

محنا الاعلان داوش اللي خلفونا بحضارة 7000 سنة ومصر هبة النيل والعدل اساس الملك ولا تدخل في شئون القضاء والشرطة والشعب ايد واحدة وان مبارك والعادلي ...الخ اخدو برائة عشان فعلا مفيش ادلة ضدهم ...فعادي فشخ ان كل واحد يقول اللي هو عايزة ...إسأل الناس اللي عايشة عشان تعرف

الفرق بين مصر والسعودية في الفساد ان مصر الفساد باين اوي وبيظهر في التلفزيون والفضائيات انما في السعودية ودول الخليج معندهمش برامج ولا فضائح وتوك شوا زي اللي عندنا , يقام عليك الحد علي طول , يا راجل دا المواقع حجبوها اللي بتفضحهم
علي فكرة دا مش كلامي انا دا كلام نشطاء سعوديين

**volociximab** · 21-05-2015 07:07 PM

ما دى مشكلتنا غسيلنا القذر منشور و بالتالى من عنده استعداد للتقليد بيقلد
بس برضه مش زى فسادنا
لو فرضنا مثلا ان كاميرات ساهر تم وضعها فى شوارع مصر ماذا سيحدث لها؟
هتتسرق بعد كم يوم او ساعة؟

**Mahmoud Naguib** · 22-05-2015 12:56 PM

أنا مع الرأي اللي بيقول إن الحكومات لو قوية وشادة جامد على الخارجين على القانون كان الحال اتعدل حتى لو في فساد من ناحيتها !

**yuong313** · 24-05-2015 12:22 PM

افضل مافي الموضوع هو الرضا اللي متأصل فيك ولولا ذلك لكنت من اللاعنين

**ahmedwagdy03** · 24-05-2015 03:41 PM

المشاركة الأصلية كتبت بواسطة mahmoud naguib

مش عارف عندي إحساس غريب أوي عن الناس والمنتشر دلوقت

مع ان الناس اغلبها عايز يخرج من البلد ويهاجر وف ظل ما هما بيشتموا فيها وبيقولوا مش هتتعدل !
أنا مش عارف لي مش عندي رغبة اني أسافر أو رغبتي بس هي لاستكشاف العالم حواليا مش لإني أخرج من بلدي لفترة طويلة !

يعني مع ان حالي هنا برضه مش عالي واضطريت أسيب كل حاجة وابدأ من تحت الصفر كمان
يعني لو واحد بس عايش ف القاهرة وبيته فيها هيبقى بياكل وبيشرب ويبات ببلاش !
أنا كل ده بدفع فيه فلوس !!
حبيت أخرج بره دايرتي وابدأ لوحدي وبرغم المشاكل ف قلبي رضا غريب !!

يعني البلد شايفها حلوة برغم اللي بيحصلها ومش شايف بره جنة أوي يعني هو تقدم بس الأهم الراحة النفسية ودي مش مفتقدها هنا !

مش عارف يعني حاسس اني هبقى حاجة هنا !
ومع ان مفيش بوادر تبين ان البلد هتبقى أحسن بس انا مرتاح !

المشكلة اني فترات برضه بجزع جدا وبحس بإحباط بس احساس بيروح بسرعة والأساس عندي هو الرضا !!

وبرغم ان الأساسيات حتى مفتقدها بس عادي بمشي نفسي بأي حاجة وواحدة واحدة الدنيا بتمشي !

شايف الحياة مثلا ف الخليج ضلمة مع اني مرحتش بس معنديش رغبة وان جتلي هيبقى حب استكشاف مش أكتر !

كل ما مشكلة تحصل بقول خير وبحاول اعمل حاجة كويسة مكانها
زي النور مثلا بسيب النت وبقرأ كتاب أفيدلي
بقعد مع أهلي أو ف البلكونة أشم هوا مثلا !

الهجرة أو الخروج من البلد ف النهاية لقيت انهم لآزم يكونوا بكرامتي
زي اني أنجح هنا وابقى حاجة وبفلوسي أسافر لأي مكان
زي ان أي دولة تطلبني وبشروطي علشان عملت حاجة خارقة !

النجاح هنا مش صعب على فكرة !
يمكن يكون مش سهل بس لما تنجح هنا هتبقى نجحت ضعف النجاح ف أي مكان تاني
غير انك هتحس بقيمته !!

هل في حد زيي !!

طالما مقتنع برأيك خليك فى وطنك .بس أحب أسمع رأيك لو إذ فجأتن قالولك إنك كسبت الجرين كارد و إطلع على أمريكا أو جاتلك فرصه تاخد جنسية ألمانى أو إنجليزى أو حتى روسى . أو جالك عقد عمل فى السعودية أو قطر (بتاعت الإخوان - هى وحشة طبعا بس فلوسها حلوة ) بمرتب 5000 دولار