باركولي , جبت ابيزا 94 . نيجي بقي للمهم

**the masked** · 21-05-2015 03:31 PM

السلام عليكم , باركولي يا اخواننا انا جيب اخيرا ابيزا 94 بعد لف و تدوير علي ماركات مختلفة شهرين لحد ما لقيت انها هيا الحاجة المناسبة ليا

العربية مكيفة و زجاج امامي كهرباء
جنوط و كاوتش كويس
محتاجة شغل كمالي كتيييييييييير قوي سمكرة و دوكو و كمية لا باس بها من الكماليات " علامة واقعة و بلاستكة مكسورة,و هكذا"
المكانيكي قالي المكنة كويسة , سحبها انا ملاحظ انه حلو و ناعمة مع اني ما امتلكتش عربة قبل كده.
ملاحظاتي حتي الان عليها اللي مدايقاني :

1. الدريكسيون تقيل قوي اكتر مما تخيلت , حاسه عامل زي ال28, حله ايه غير اني اركبله باور ولا هواكده طبيعي.
2. رجة في التابلوه لما باشغل التكييف لما تكون العربية ممورة , لما ادوس بنزين بتروح , انا هاعمل كده كده تعيير طقم سيرفيس و صيانة للتكييف, و نشوف يمكن منها.
3. الدواسات , قرفتني , الدواسات كلها متاكلة"الحديد نفسه" , خصوصا الدبرياج , عاوز اغير الدراعات كلها , اغير منين و بكام؟
انا هاجيب شوة حاجات كده للعربية "طقم سيرفيس , باغة فانوس , الدواسات دي , مقابض السقف علشان مافيش غير واحدة بس" اجيب منين حد كويس متخصص سيات

العربية 1300 مش عارف هيا 5 غيار ولا 4 , لان انا مامشيتش بيها غير داخل المدينة.

و اخيرا انا باطلب طلب ابيزاوي اخوي , لو اي حد خبير ابيزا من حلوان ممكن يبعتلي رقمه اتواصل معاه , عاوز اوريه العربيه لان فيه حاجات انا مابافهمش فيها قوي مع ان منتداكم ماشاء الله موفي كل حاجة بس الواحد لازم يتعلم حاجات ما بتتكتبش , يعني زي صزت الموتور كده حلو ولا لا , المروحة . زنه ولا رجة ولا اي حاجة من الحاجات دي و شكرا.

**the masked** · 21-05-2015 04:52 PM

يا جدعان انا نزلت اشحن البطارية لاقيت المنظر ده

شكلها مشكلة كبيرة

مش عارف ده الشاسيه ولا ايه

**skayroad** · 21-05-2015 08:04 PM

المشاركة الأصلية كتبت بواسطة the masked

يا جدعان انا نزلت اشحن البطارية لاقيت المنظر ده

شكلها مشكلة كبيرة

مش عارف ده الشاسيه ولا ايه

معظم ابايز مصر فيها المنظر ده متخفش و هتلاقيها في الناحيه التانيه كمان وده فك لحام بين الكارتيره و الشاسيه مش مؤثره يعني ...

**the masked** · 22-05-2015 02:17 AM

المشاركة الأصلية كتبت بواسطة skayroad

معظم ابايز مصر فيها المنظر ده متخفش و هتلاقيها في الناحيه التانيه كمان وده فك لحام بين الكارتيره و الشاسيه مش مؤثره يعني ...

الله يطمن قلبك زي ما طمنت قلبي , يعني ما الحمهاش ولا الحمها ولا ايه النظام

**skayroad** · 22-05-2015 05:42 AM

متعملش فيها حاجه قبل ما اشتري العربية كانت كل العربيات الي شفتها كده و ملهاش اي تاثير بعد سؤال اكثر من سمكري ...

1. الدريكسيون تقيل قوي اكتر مما تخيلت , حاسه عامل زي ال28, حله ايه غير اني اركبله باور ولا هواكده طبيعي.

للاسف دركسيون الابيزا تقيل فعلا و منصحكش انك تركب باور على الموتور 1300

2. رجة في التابلوه لما باشغل التكييف لما تكون العربية ممورة , لما ادوس بنزين بتروح , انا هاعمل كده كده تعيير طقم سيرفيس و صيانة للتكييف, و نشوف يمكن منها.

دي رجه الموتور مش التابلوه روح عند بتاع الصيانه خليه يظبطلك سلانسيه التكييف و اكشف على قواعد الموتور

3. الدواسات , قرفتني , الدواسات كلها متاكلة"الحديد نفسه" , خصوصا الدبرياج , عاوز اغير الدراعات كلها , اغير منين و بكام؟

انا هاجيب شوة حاجات كده للعربية "طقم سيرفيس , باغة فانوس , الدواسات دي , مقابض السقف علشان مافيش غير واحدة بس" اجيب منين حد كويس متخصص سيات

انا افضل تروح الحرفيين هتلاقي كل الي نفسك فيه في محل اسمه السراج او اي محل تاني بتاع استراد قبل نزلة الريحاني

العربية 1300 مش عارف هيا 5 غيار ولا 4 , لان انا مامشيتش بيها غير داخل المدينة.

5 غيار

**the masked** · 22-05-2015 03:13 PM

المشاركة الأصلية كتبت بواسطة skayroad

متعملش فيها حاجه قبل ما اشتري العربية كانت كل العربيات الي شفتها كده و ملهاش اي تاثير بعد سؤال اكثر من سمكري ...

1. الدريكسيون تقيل قوي اكتر مما تخيلت , حاسه عامل زي ال28, حله ايه غير اني اركبله باور ولا هواكده طبيعي.

للاسف دركسيون الابيزا تقيل فعلا و منصحكش انك تركب باور على الموتور 1300

2. رجة في التابلوه لما باشغل التكييف لما تكون العربية ممورة , لما ادوس بنزين بتروح , انا هاعمل كده كده تعيير طقم سيرفيس و صيانة للتكييف, و نشوف يمكن منها.

دي رجه الموتور مش التابلوه روح عند بتاع الصيانه خليه يظبطلك سلانسيه التكييف و اكشف على قواعد الموتور

3. الدواسات , قرفتني , الدواسات كلها متاكلة"الحديد نفسه" , خصوصا الدبرياج , عاوز اغير الدراعات كلها , اغير منين و بكام؟

انا هاجيب شوة حاجات كده للعربية "طقم سيرفيس , باغة فانوس , الدواسات دي , مقابض السقف علشان مافيش غير واحدة بس" اجيب منين حد كويس متخصص سيات

انا افضل تروح الحرفيين هتلاقي كل الي نفسك فيه في محل اسمه السراج او اي محل تاني بتاع استراد قبل نزلة الريحاني

العربية 1300 مش عارف هيا 5 غيار ولا 4 , لان انا مامشيتش بيها غير داخل المدينة.

5 غيار

الله يباركلك والله ، طيب انا نازل حالا الحرفيين ياريت لو تبعتلي رقمك اكلمك اسالك علي كام حاجة كده

**SYD** · 22-05-2015 08:51 PM

الف مبروك العربية

بالنسبة للدريكسيون يستحسن لو تعيد علي العفشة بالذات البطاحات وبلي البطاحات لأن دة من الأسباب اللي بتخلي الدريكسيون تقيل

تحياتي

**the masked** · 23-05-2015 09:13 PM

الحمد لله كام سمكري قالولي انها مش رشة قوايم ولا حاجة , طب يا جماعة دلوقت انا خليت ميكانيكي شاطر يبص علي المكنة قالي انها ممتازة بس العفشة و قواعد الموتور تعبانين
بالنسبة للعفشة انا خايف اجيب استيراد لاني بطولي و مامعييش حد بيفهم للاس و هالبس في الحيط
في نفس الوقت الناس بتشتكي من الجداد الماليل و الساسكي و البلتشين
انا اعمل ايه دلوقت

و لو هاغير قواعد الموتور اجيب برده استيراد ولا ايه
ارجو الرد

**the masked** · 23-05-2015 09:14 PM

الحمد لله كام سمكري قالولي انها مش رشة قوايم ولا حاجة , طب يا جماعة دلوقت انا خليت ميكانيكي شاطر يبص علي المكنة قالي انها ممتازة بس العفشة و قواعد الموتور تعبانين
بالنسبة للعفشة انا خايف اجيب استيراد لاني بطولي و مامعييش حد بيفهم للاس و هالبس في الحيط
في نفس الوقت الناس بتشتكي من الجداد الماليل و الساسكي و البلتشين
انا اعمل ايه دلوقت

و لو هاغير قواعد الموتور اجيب برده استيراد ولا ايه
ارجو الرد