السلام عليكم ...
دلوقتي انا بلغت 29 سنة ومكتوب في شهادة الاعفاء المؤقت اني لازم
اروح منطقة التجنيد لما ابلغ 29 سنة ... فدلوقتي اعمل ايه ...؟؟
يعني اروح القسم اعمل فيش وتشبيه واجيب قيد عائلي واروح التجنيد اعمل شهادة
جديدة وللا ايه ..؟
شكرا ...
عرض للطباعة
السلام عليكم ...
دلوقتي انا بلغت 29 سنة ومكتوب في شهادة الاعفاء المؤقت اني لازم
اروح منطقة التجنيد لما ابلغ 29 سنة ... فدلوقتي اعمل ايه ...؟؟
يعني اروح القسم اعمل فيش وتشبيه واجيب قيد عائلي واروح التجنيد اعمل شهادة
جديدة وللا ايه ..؟
شكرا ...
متابع
مفيش حد عارف وللا ايه ... :crying1:
طيب اعفاءك على اساس ايه؟ وحيد ؟
ايه اللي خلاك تستنى كل ده ؟
لو بسبب دراسه, هتروح القسم اللي تبعك تشرحلهم القصه وهما هيقولولك الخطوات
نفس نظامك بس انا 30
هتعمل قيد عائلي من القسم التابع ليك وبعد 15يوم تستلمه بس وانته بتعمله تاخد شهادة ميلادك ومؤهلك وشهادة ميلاد والدك وولدتك وقسيمة جوازهم صور البطاقة وضامن معاك والدك او ولدتك وطبعا انته وحيد وبعد متستلم القيد العائلي بتروح الهايكستب
الحمد لله , رحت انهاردة السجل المدني وطلعت القيد العائلي وانا واقف
المستندات المطلوبة :::
1- صورة البطاقة
2- صورة بطاقة الوالد والوالدة
3- صورة شهادات ميلاد الاخوة
4- صورة قسيمة جواز الوالدين
واتكلف 10ج + جنيه وربع طوابع + امضاءات واختام كتييير
كنت عاوز اعرف بقى ... ايه اللي هيطلبوه مني في مكتب التجنيد غير القيد العائلي ..؟
شكرا
محدش عارف هحتاج ورق ايه غير القيد العائلي ؟
روح قسم الشرطة اللي انت تابع ليه -- مكتب التجنيد
بعد الضهر لما ما يكنش عندهم زحمة
واعرف منهم بالتفاصيل
عشان متروحش منطقة التجنيد على الفاضي وترجع تاني
الجيش بيغير الاجراءات كل فترة .. وهم انسب مكان تعرف منه
بالتوفيق
رحت النهاردة منطقة التجنيد والورق المطلوب
1- القيد العائلي
2- شهادة 6 جند (اللي هي الاعفاء المؤقت)
3- صورة البطاقة
هما بيعملوا كدة عشان يتأكدوا انه خلال الفترة دي مجالكش اخ ولد حتى الآن.. يعني اجراء روتيني مش أكتر..
إلا بقا اذا وانت بتطلع القيد لقيت والدك متجوز واحدة تانية ومخلف منها ولد هتلاقي نفسك لابس في الجيش ^_^
سلام عليكم انا مفصول من جامعة خاصة من سنة تقريبا وعندي 27 سنة روحت علشان استلم جواب الفصل و اقدمه للتجنيد لقيت عليه مصاريف كتير ومش هقدر ادفعها فكده لو هاقدم هقدم بالثانوية العامة بس المشكلة الجامعة حاجزة الملف بتاعي لغاية لما ادفع المصاريف روحت لمندوب التجنيد قالي تعالي قدم بدون مؤهل بس هلبس 3 سنين مش عارف اعمل ايه هل ممكن اخد بدل فلقد من المؤهل بتاعي اللي هو الثانوية العامة يقبلوه في الجيش وهل كده انا متاخر وممكن اتعاقب