السلام عليكم ورحمة الله وبركاته
بقالي فتره بدور في حدائق الاهرام علي شقه مناسبه والحمد لله لقيت شقه عجبتني
هي قريبه جدا من شارع الثروة المعدنيه ...
كنت عايز اعرف من حضراتكم لو في نصايح اخدها او لازم اعرفها قبل كتابه العقد
وشكرااا مقدماا علي الاهتمام :)
اتأكد ان العماره مترخصه و الشقه فيها عداد كهرباء باسم المالك الحالي طبعا ده غير تسجيل الشقه في الشهر العقاري
عقد الارض مسجل
رخصة المبنى
كهربا و ميه عدادات
و الافضل تاخد معاك محامى انت هتدفع شقى عمرك و الموضوع فيه تحايل
يعنى فيه عقد اخضر مضروب و عقد اخضر سليم و صحة توقيع و صحة توقيع و نفاذ و الغلطة بفوره
فخد محامى احسن
فين بالضبط وكام متر وبكام
هناك لا فى عدادات ولا تسجيل
ضمانتك
عقد للارض تتاكده منه فى الجمعيه والشهر العقارى
رخصه مبانى تتاكد منها فى الحى وكده كده هتلاقى مخالفات بروز او جراج
اخرك تاخد فى الرابع وتخلى بالك الدوبلكس بيتحسب دورين مش دور (الا لو الرخصه فيها 2 بدروم)
الشركه اللى بانيه يكون ورقها قديم شويه مش حديثه
تاخد من شركه لها سمعتها
و عليكم السلام و رحمة الله, انا اشتريت شقة فى حدائق الاهرام من سنتين , أشترتها من مالك اول و كان راكب عداد الكهرباء و فيه وصل كهرباء و كل شئ, و دفعت ثمن الشقة و صاحبها الاول كتب لى تنازل عن العداد, و لما رحت شركة الكهرباء فى الطالبية , اكتشفت ان الشقة عليها مشاكل و مخالفات.....الحمد لله ربنا ستر و تم الصلح و غيرت العداد بأسمى بعد عدة شهور من الطلبات و الشكاوى الخخخخخخخخخخخ, اذا لازم قبل الشراء تأخذ وصل قديم او حتى صورة و عنوان العمارة و تذهب الى شركة الكهرباء فى الطالبية و منطقة حدائق الاهرام هتلقيها تبع وحدة نصر الدين و تستفسر عن وضع الشقة و العقار ككل.
متشكر جداا لـ حضراتكم ... وهاخد بنصايحكم ان شاء الله
المكان المنطقه د
سعر المتر 1850 قسط ... خلفي ... بحري ... 125 متر