سيارتي تابعة لمرور القوات المسلحة بالاسكندرية باسم مالكها القديم ومعي عقد مسجل باسمي وحنقل لمرور المنتزة التابع له
المفروض اعمل اية؟
الخطوات حبدا منين
اروح القوات المسلحة الاول ولا المنتزة؟
عرض للطباعة
سيارتي تابعة لمرور القوات المسلحة بالاسكندرية باسم مالكها القديم ومعي عقد مسجل باسمي وحنقل لمرور المنتزة التابع له
المفروض اعمل اية؟
الخطوات حبدا منين
اروح القوات المسلحة الاول ولا المنتزة؟
انت اول حاجة لازم يبقى معاك رخصة العربية والعقد المسجل وبراءة زمة وتطلع على مرورك تشترى ملف وارنيك فحص وتخش تفحص ممكن يخليك تروح تطابق فى مرورك القديم وممكن لأ على حسب ساعتها وبعدين تكمل بقى الاجراءات بتاعت الترخيص
ما معني براء ذمة
حيجيلك حاله من الزهول من اللى حتشوفه (انا لسه ناقل من قوات مسلحه لابيس)
حتلاقى 2 وطن وطن لينا ووطن ليهم
دخلت مرور القوات المسلحه قمه فى النظافه والرقى والتحضر اول ما دخلت لاقيت واحد واقف قالى اخلصلك الورق قولتله خلص اخد الورق وانا وواحد صاحبى قعدنا فى الكافيتيريا كراسى جلد وفطرنا ودردشنا واثناء ذلك كان بيتم كل حاجه واحنا قاعدين شهاده المخالفات والفحص الخ فى ساعه وزهقنا من القعده والدلع طلعنا لرئيس الوحده يمضى بمنتهى الزوق والادب تحت امرك يا فندم قمه الاحترام وجميع الموظفين تشعر بانهم محترمين جدا وخدومين وحتى تصوير الورق مفيهوش استغلال
ذهبنا الى جهنم(ليس المقصود ابيس بصفه خاصه ولاكن مقصود اى مرور مش قوات مسلحه)
طبعا انت عارف الذل والبهدله وقله ادب الموظفين وتفننهم فى تفسيح المواطن(يتفسح يعنى يلف لفه صح)وتلكيك على ختم رجعنا قوات مسلحه اتعمل فى 10 دقايق ورجعنا تلكيك على شهاده افراج(وصلت ان روحت لرئيس الوحده قالى اعمل اللى الموظفه عايزاه مع انى جايب لهم شهاده بينات مكتوب فيها اللى مطالب بيه فقط)ورجعنا تانى قوات مسلحه الموظفه دعت على الموظفه بتاعت ابيس وعارفاها بالاسم وقالتلى هى تحب تعذب الناس وفى 10 دقايق دخلت بنفسها جابت الملف وجابت الورقه المطلوبه وصورتها ورجعنا تانى ابيس واتفسح شويه يا مواطن من ده لده حتى وصلنا للموظفه اللى مزجها تدفعنا ضريبه من سنه فايته ومكتوب فى شهاده البيانات مطالب بضريبه من تاريخ التجديد ومكنش فى غير حل انى اضحى بال300 جنيه او اتفسح شويه (لاحظ ان كل وقت مرور القوات المسلحه ساعه ونص وابيس 3 ايام)واضطريت اشترى نفسى ودفعت سنه فائته ضريبه وسنه قادمه وامرى لله
الخلاصه دوله القوات المسلحه النظام فيها شبيه الدول المتحضره وكله فى المرور ده الشهر العقارى وجميع المصالح الحكوميه لهم ولابنائهم ومش حيحسو باللى الشعب حيحس بيه فى وطنا مصر الحبيبه
شكرا لردك ياباشا وطمنتني بس ياريت تقولي الخطوات اية؟
انا مش فاكر بالظبط بس البدايه فى القوات المسلحه حتخلص المخالفات والبيانات والفحص ومطابقه البصمه وتروح على ابيس وكده المفروض انك خالص من القوات المسلحه وعلى ابيس
ابيس حتجيب ملف اصفر وطوابع شرطه وتراجع كشف عن المهندس وتجيب طفايه ومثلث وعلبه اسعافات (الوصولات بتاعتهم بتقدمها مع الورق)ربنا يكون معاك وحتتفسح حتتفسح
شكرا ليك بس اللي عاوز اتاكد منه منك البداية من مرور القوات المسلحة اللي العربية تابعه له ولا من مرور المنتزة اللي حتتنقل ايه؟
ارجو التاكيد عشان الوقت
البدايه قوات مسلحه