الموضوع: مين اشتري بالقسط يدخل يقولي حالته النفسيه ايه

المشاركة الأصلية كتبت بواسطة a7med_pharma

قسط لا
شكك لا
ده مبدأي الثابت..ماحبش أكون مديون او مطالب بفلوس ادفعها وانا رزقي في علم الغيب
معايا تمن الحاجة اجيبها
مامعاييش يبقا بلاها خالص
جربت انا القسط مره...وفضلت مخنوق لحد ماخلصته

طيب ولو تقريبا 80% من شغلى بيعتمد على الورق اكثر من النقدى

يعنى لو بتحصل فلوس بتاخد جزء نقدى والباقى شيكات..فانا مثلا هعمل ايه بالشيكات مضطر اشترى بنفس النظام جزء نقدى والباقى نفس الشيكات اللى انا اخدتها بس بظهرها..واللى بعدى بيظهر بردوا وهكذا لحد ماتلاقى الورقه الواحده مظهرها خمسه سته غير صاحبها...... طبعا نظام زى الزفت ومبحبوش نهائى لكن الوضع كله كده واغلب شغل الصناعه قائم على الشيكات ..... نظام ومفروض علينا كلنا فى شغلنا...

المشاركة الأصلية كتبت بواسطة mk3

ممكن يا استاذ طارق توضح نظام التظهير
يعنى انا معايا شيك على عميل ورايح اشترى من مورد بكتب بياتى على ضهر الشيك واديه للمورد صح كده ؟
طيب المورد هيطمن للشيك ازاى وهو جاى من واحد ثالث خالص مش ادامه ؟ ولو المورد حل يصرف الشيك وملقاش فلوس بيرجع على مين ؟

نظام تظهير الشيك او الكمبياله متعارف عليه بين التجار عندنا وتقريبا فى كل مكان حضرتك بتعرض الورق على التاجر ولو وافق انت مجرد بتكتب اسمك على ضهر الشيك
وطبعا لو اترفض الشيك انت المسئول امام التاجر عن تحصيل الشيك بيطلبك ويقولك الشيك اترفض فحضرتك بتحضر فلوسه وتروح تسلمه للتاجر وتاخد منه الشيك وتطلب صاحبه او اخر واحد ضهر وراك

بصراحه هى بتكون بين ناس اغلبها عارف بعضه وبيخافوا على سمعتهم وبيلتزموا بالسداد لكن
هناك من يتنصل ويقولك اشتكينى ودى بتحصل كتير او حد بيتعثر وبتضطر تجدول له

موضوع بيشلنا فى شغلنا وبصراحه بنكره التعامل بيه لكن اوقات كتير الظروف بتحكم