اشتركت مع حد من قرايبي في شرا حاجه قسط و القسط تقريبا ٧٥٪ منه عليا لوحدي حسب الاتفاق
قولولي حد داخل في قسط شقه او عربيه كان متوتر و قلقان في الاول و الا ايه
انتوا عارفين الحال مش مستقر ربنا يسترهاادعولى
عرض للطباعة
اشتركت مع حد من قرايبي في شرا حاجه قسط و القسط تقريبا ٧٥٪ منه عليا لوحدي حسب الاتفاق
قولولي حد داخل في قسط شقه او عربيه كان متوتر و قلقان في الاول و الا ايه
انتوا عارفين الحال مش مستقر ربنا يسترهاادعولى
فاذا عزمت فتوكل على الله
متقلقش ربنا يسدد عنك ان شاء الله ومفيش اسرع من الايام
متقلقش ان شاء الله تسدد اقساطك ... قلقك ده يدل انك انسان ملتزم بالسداد وان شاء الله الامور تظبط
حضرتك بتفكرنى باول مره فى حياتى اكتب شيك وكنت بابدأ مشروع ومحتاج ماكينات وأنا بكتب الشيك كنت حاسس انى تايه وخايف جدا وبعدها لم اذق طعم النوم لمده يومين من القلق.............. والحمد لله تم السداد .. وبسبب الالتزام بالمواعيد كان الرجل بيتصل يعرض على أى مكن ويقول لى من اول السطر كمان
ان شاء الله ربنا يبارك لك ويوفقك
شكرا يا جماعه والله كلامكم طمن الواحد شويه الفكرة اني اول مرة اشتري بالقسط و الحمد لله ممكن ماكلش او اشرب بس اللي ليه فلوس عندي ياخدها الاول و فعلا انا اول يومين منمتش خالص مع اني مش ماضي ولا شيكات و لا اي ورق علي نفسي و دا مخليني حريص اكتر علي ان الراجل ياخد فلوسة في معادة
قسط لا
شكك لا
ده مبدأي الثابت..ماحبش أكون مديون او مطالب بفلوس ادفعها وانا رزقي في علم الغيب
معايا تمن الحاجة اجيبها
مامعاييش يبقا بلاها خالص
جربت انا القسط مره...وفضلت مخنوق لحد ماخلصته
و ﻻ الجمعيات كمان
خاصه لغير المستقر في عمله او عنده دخل شهري ثابت
حتي لو شقه برضوا قسط لا
العربيه قيمتها بتقل الشقه لا
فارما ... كلنا نفسنا تدفع كاش عالاقل ممكن يبقي بسعر اقل غير الراحة. بس في حاجات متنفعش غير قسط مش هقول عربية. زي الشقق التمليك.
بص هوا عندي مبدأ
مادام مضطر لشرا حاجه و معييش تمنها كاش بشتري تقسيط و حتى مببصش للفايده عشان مقرفش نفسي بيها و اضيع فرحه الحاجه ديه
تاني حاجه حقولك على ناس ممكن تشتري الحاجه ديه مخازن منها و برضوا بتقسط لمبدأ مايضيعش الكاش من ايده
شرط انك ضامن انك حتسد و طبعا ربنا واقف في ضهرك بالرزق
طيب ولو تقريبا 80% من شغلى بيعتمد على الورق اكثر من النقدى
يعنى لو بتحصل فلوس بتاخد جزء نقدى والباقى شيكات..فانا مثلا هعمل ايه بالشيكات مضطر اشترى بنفس النظام جزء نقدى والباقى نفس الشيكات اللى انا اخدتها بس بظهرها..واللى بعدى بيظهر بردوا وهكذا لحد ماتلاقى الورقه الواحده مظهرها خمسه سته غير صاحبها...... طبعا نظام زى الزفت ومبحبوش نهائى لكن الوضع كله كده واغلب شغل الصناعه قائم على الشيكات ..... نظام ومفروض علينا كلنا فى شغلنا...
ممكن يا استاذ طارق توضح نظام التظهير
يعنى انا معايا شيك على عميل ورايح اشترى من مورد بكتب بياتى على ضهر الشيك واديه للمورد صح كده ؟
طيب المورد هيطمن للشيك ازاى وهو جاى من واحد ثالث خالص مش ادامه ؟ ولو المورد حل يصرف الشيك وملقاش فلوس بيرجع على مين ؟
نظام تظهير الشيك او الكمبياله متعارف عليه بين التجار عندنا وتقريبا فى كل مكان حضرتك بتعرض الورق على التاجر ولو وافق انت مجرد بتكتب اسمك على ضهر الشيك
وطبعا لو اترفض الشيك انت المسئول امام التاجر عن تحصيل الشيك بيطلبك ويقولك الشيك اترفض فحضرتك بتحضر فلوسه وتروح تسلمه للتاجر وتاخد منه الشيك وتطلب صاحبه او اخر واحد ضهر وراك
بصراحه هى بتكون بين ناس اغلبها عارف بعضه وبيخافوا على سمعتهم وبيلتزموا بالسداد لكن
هناك من يتنصل ويقولك اشتكينى ودى بتحصل كتير او حد بيتعثر وبتضطر تجدول له
موضوع بيشلنا فى شغلنا وبصراحه بنكره التعامل بيه لكن اوقات كتير الظروف بتحكم