السلام عليكم
معايا لانوس 1 النهاردة لاحظت وجود تنقيط زيت من مكان فلتر الزيت . اعمل اية؟
عرض للطباعة
السلام عليكم
معايا لانوس 1 النهاردة لاحظت وجود تنقيط زيت من مكان فلتر الزيت . اعمل اية؟
اتأكد إن الفلتر مربوط كويس
الفلتر مش محتاج تقرط عليه بأي أداة... كفاية بإيدك... ولو لقيت لسه فيه تنقيط.. يبقى لازم الفلتر يتشال وتشوف السبب...
ممكن قوي يكون الأورنج بتاع الفلتر مقطوع.. أو الفلتر نفسه فيه عيب.. وفي الحالة دي حضرتك تجيب فلتر تاني وتركبه...
وممكن - لا قدر الله - يكون قلاووظ تركيب الفلتر في الموتور مكسور نتيجة الربط الشديد .. وده بقى عايز شغل كبير عند ميكانيكي والموتور غالبا لازم يطلع ويشوف هيحل المشكلة دي ازاي.
ابدأ بالسهل الأول زي ما أنا مرتب لك كده... وربنا يسهل.
...
كلام الزميل borio صح بس ان شاء الله لو القلاووظ بايظ سهل يتغير من غير ما تحل الموتور
حصل عندي من حوالي 3 شهور بعد ما غيرت الزيت والفلتر رحت للميكانيكي قالي غير الفلتر وفعلا غيرت الفلتر واتحلت المشكله اعتقد ان الفلتر عندي كان هو المشكله لانه كان مركون عندي بقاله 8 شهور مرمي ف العربيه واخد رطوبه وصدي
فلتر مضروب
بالفعل الفلتر كان سايب بحركة بيتحرك معايا . ربطة كويس و الحمد لله
شكر ليكم.