وهى ست البيت مالهاش حق ترتاح او تنام ولا هى جماد
عرض للطباعة
الادان والاقامه فى الميكروفون طبعا
انما الصلاه نفسها لأ
لأن بسبب الموضوع ده بتحصل مشاكل وفى ناس بتستغل موضوع الميكروفون ده وكمان بيسبب ازعاج لكل البيوت اللى حوالين المسجد
الغاء الصلاه فى الميكروفون مش هيمنع الناس من أنها تصلى بلاش تلاكيك
ايه الفايده من الصلاه فى اليكروفون أصلا
اللى عاوز يصلى هيروح يصلى مش الصلاه فى اليكروفونات هى اللى هتخلىه يصلى
أنا واحد بيتنا قريب من زاويه مش هقولكم على قله الادب فى استخدام الميكروفون واستفزاز للناس بسببه رغم الشكوى محدش بيعمل حساب اللى حواليه
وفى أئمه فى بعض المساجد لو مفيش صلاه فى الميكروفون والله ما هيروحوا يصلوا هو رايح علشان يجعر فى اليكروفون ويوصل صوته للناس ويزعجهم بيه شغل منافقين
تجري.الرياح بما لا تشتهي السفنُ
اولا مش هنضحك على بعض
الستات مبتصليش فى المسجد
و معظم الرجاله مبتصليش فى المسجد...ممكن تقارن بين عدد المصلين يوم الجمعة و عدد المصلين فى اى صلاة جماعة غير الجمعة
ثانيا ..انا لم اتعرض للنساء و لم ابد اعتراضا او تأييدا لمنع الصلاة فى الميكروفون لكن بما ان المفروض حضرتك و غيرك تكون فى المسجد وقت الصلاة بعكس الست فالمتوقع ان الذي يشتكى هم النساء و ليس الرجال
اتمنى يكون كلامى وصل المقصود منه
تسعه و تسعين و تسعه من عشرة من النساء لا تدخل المسجد الا فى رمضان و معظم الرجال لا يدخلون المسجد الا يوم الجمعة و فى الاخر يشتكى من الصوت العالى للميكروفون
طب اعط المسجد حقه الاول و قوم صل فى المسجد كل الفروض و بعدين اتكلم
كلامى ليس موجه لشخص بذاته
يا ريت بجانب انزعاج البعض من الضوضاء القادمة من خارج بيته حتى صوت القران من المسجد ينزعجون ايضا من الضوضاء الخارجة من داخل منازلهم على اصوات نانسي و اليسا
بجانب الاختراع المزعج المسمى ميكروفون هناك اختراع اكثر ازعاجا نقل الى بيوتنا ما لم يكن يشاهده ممن سبقونا الا مرتادى مواطن الفساد
و لا ضوضاء عن ضوضاء تفرق؟
و هذه بدعة و تلك حلال؟
و خمس دقائق صوت قران من المسجد مزعجين و٢٤ ساعة نانسي غير مزعجين؟
انا غير معنى بصوت الصلاة فى الميكروفون
لكن التهويل فى الموضوع يشبه من مر على شارب الخمر بيده اليسري فقال له السنه الشرب باليمين
ابقوا خلوا النصارى يوقفوا قرع اجراس الكنائس و ضعوا روابط حكم اظهار شعائر الكفر بجانب روابط حكم الصلاة فى الميكروفون عشان نعرف دى بدعة و التانية ايييه،؟و نشوف المتشنجين من ميكروفون المساجد هيكون موقفهم ايه من اجراس الكنائس؟
أهو ده الفكر اللي مودي البلد في داهية!!!!!
أنت مش من حقك تحجر على حقوق غيرك أو تنتقص من حقوقهم عشان مش بيعملوا اللي انت عاوزه, محدش له دعوة أنا بأعمل ايه أو بأصلي إزاي ما دام مش بأضر حد, ربنا هو اللي هيحاسبني.
لكن أنت تخلي الشيخ يجعر في الميكروفون عشان تجبر الناس انها تصلي في الجامع؟!!
ده أسلوب تنفير أصلا.
افرض ان فيه واحد مريض مش قادر ينزل من بيته أو أطفال عندهم مذاكره أو ناس مش من دينك, كل دول لهم حقوق زيك و انت بتنتقص من حقوق و بتاخد ذنوب على كده.
أصلها مش قتونه و لوي دراع و صوت عالي
الرجولة أدب
حق المسجد وفين حق الجار يا استاذ , فين حق الراحة , فين حق المريض , فين حق اللي جاي تعبان من شغله وعايز يرتاح ساعتين
ولتاني مره انت ملكش فيه اصلي ولا مصليش ,مش علشان حضرتك تصلي تعرف الشارع كله انك بتصلي , دا غير ان في جوامع بتشتغل دروس بعد المغرب والعشاء وبتشغل الميكرفون , هو دا برضوا فرض عليه وصلاة واجبه !!!
عايزين تصلوا وعايزين اللي نايم واللي قاعد في بيته يا اما يجي يصلي معاكوا يا اما تصدعوه
انا لو جار ليه مشغل اغاني او صوت عالي بروح اكلمه ,لو الصوت موطيش بعمل مشكلة معاه وممكن توصل لاني اعمله محضر في القسم , تقدر تقلي بقي اعمل ايه مع صوت المسجد , اروح اعمل للمسجد محضر في القسم !!!
بخصوص بقي اللي انا معلمه بالازرق في كلامك , فدا ياكد انك انسان متطرف , واي مخالف ليك كافر
مش تقول يا راجل انك سلفي داعيشي علشان نعرف احنا بنتكلم مع مين .
رغم اني من معترضي الرئيس الحالي لكن بحمد ربنا ان رحمنا منكم , كانوا زمانكم خليتوا البلد خرابه زي سوريا والعراق
انا الحمد لله حريص على الصلاة فى المسجد .. ولكن بكره الصوت العالى المزعج ايا كان مصدره .... الاذان والاقامه وحتى خطبه الجمعه مفيهاش مشكل بالنسبه ليا.... السماعات الداخليه مفيهاش مشكله ...المشكلة لو بيتك جنب المسجد والميكروفونات فى ودنك ليل ونهار تواشيح بقى وخناقات فى الجامع وناس بتتكلم وعيال بتلعب .... اقسم بالله عندى راديو ومشغله على اذاعه القران الكريم وبسمع منه وانا مرتاح نفسيا ... مفيش داعى للمزايده على اخوانك فى الدين ...وغيه قاعده لا ضرر ولا ضرار
Sent from my GT-S6500D using Forum Runner