عايز أتعلم السواقة !؟!؟

**Mahmoud Naguib** · 22-05-2015 10:02 PM

أنا مش بعرف أسوق وعايز أتعلم وساكن فى زهراء مدينة نصر
فكنت عايز لو حد يدلني على مكتب تعليم سواقة كويس !

كلمت مكتب اسمه مصر والسودان قالي 11 حصة 3 نظري و8 عملي 3 حصص ف الاسبوع ب 480 ج
أنا مش عارف كدة كتير ولآ اي !
وهل المكتب ده كويس !؟؟

ربنا يجزيكم خير

**Abo_Mazen** · 23-05-2015 11:39 AM

بص ..أنا هكلمك عني أنا ..أنا لما رحت أتعلم سواقه قلت لصاحب المكتب بص يا عمونا ..أنا عايز أمشي بالعربية الساعة 2 الظهر في المنشية ..الكلام ده عندنا في إسكندرية ..والمنشية في الوقت ده مفيش حد يعرف يمشي فيها على رجله أساسا ..مش بالعربية ..قلتله هتاخد كام ..قالي أصل حسب إستيعابك ..أصل حسب مش عارف إيه ..قلتله اللي ليك عندي إن اللي إنت هتقوله هيتنفذ ..يعني في الوضع المثالي ..حضرتك هتاخد كام ..قالي يوميها 250 جنيه تقريبا ..خلي بالك عشان ممكن بعد ما يخلصوا الحداشر حصه وياخد فلوسه تلاقي نفسك لسه مش عارف تطلع على الشارع العمومي ..ويرجع يقولك أصل الإستيعاب عندك فيه مشكلة .أصل مش عارف إيه..عشان كده أنا شايف إنك تروح لحد عن تجربه من حد تاني عشان يبقى عارف نظامه إيه

**pepo2011** · 23-05-2015 12:01 PM

ياباشا روح مدرسة المرور نفسة اتعلم وظبط المدرب اللي هناك وهايساعدوك في الرخصة كمان

**Mahmoud Naguib** · 23-05-2015 12:20 PM

فين مدرسة المرور دي وإي ظروفها ؟؟

وياريت حد يدلني على مكان كويس عن تجربة !!

**pepo2011** · 23-05-2015 12:32 PM

المشاركة الأصلية كتبت بواسطة mahmoud naguib

فين مدرسة المرور دي وإي ظروفها ؟؟

وياريت حد يدلني على مكان كويس عن تجربة !!

تبع كل مرور في مدرسة مرور داخلية
او النصيحة انك تشوف حد صاحبك او جارك او قريبك هايعلمك احسن بكتييييير ومش هايبخل عليك ولو حتي هاياخد فلوس اكتر طالما عاوز تتعلم صح وتبقي محترف