منع دخول 3 دبلوماسيين أوروبيين إلى مصر تنفيذ لمبدأ المعاملة بالمثل

منع دخول 3 دبلوماسيين أوروبيين إلى مصر تنفيذ لمبدأ المعاملة بالمثل

http://productnews.link.net/reuters/...-SUDAN-SG4.JPG اضغط للتكبير
احمد ابو الغيط وزير الخارجية المصري - رويترز


11/13/2008 12:42:00 AM
القاهرة - محرر مصراوى - منعت سلطات مطار القاهرة الأربعاء ثلاثة دبلوماسيين أوروبيين من الدخول إلى مصر تنفيذ لمبدأ المعاملة بالمثل الذى يشمل دبلوماسيى أوروبا والأمريكيتين.
وصرحت مصادر مسئولة بالمطار بأن الدبلوماسى الأول بريطانى الجنسية يعمل بالسفارة البريطانية فى روما حيث تم إعادته على الطائرة الإيطالية التى نقلته للقاهرة..والثانى ألمانى الجنسية بسفارة ألمانيا فى طرابلس وتم إعادته على الطائرة الليبية .. والثالث دبلوماسى يعمل بالسفارة الهولندية بدمشق وتم إعادته أيضا.
وقالت المصادر إنه تم إبلاغ مكاتب شركات الطيران العاملة بمطار القاهرة من أجل إبلاغ الدبلوماسيين القادمين بضرورة حصولهم على تأشيرات مسبقة من السفارات المصرية بالخارج حتى يمكنهم دخول البلاد.
المصدر : وكالة أنباء الشرق الأوسط


http://www.masrawy.com/News/Egypt/Po...diplomacy.aspx

لو استمر الوضع دا مع كل الدول اعتقد ممكن نرجع احترام الناس لينا

والله خطوة كويسة.. على الله يستمروا في كده

خبر حلو وياريت مصر تعمل كده علشان يعرفو ان مصر فيها انظبات ويحترموا البلد ال حيدخلوها مش هيا سداح مداح

خطوة ايجابية احيي المسؤول عنها.

أيوه كده أخيرا عرفنا نرد عليهم ...

أكيد الخطوة دي أتخذوها بعد ما واحد من الدبلوماسيين المصريين أتبهدل في أوروبا أو أمريكا و عشان كدة عاملوهم بالمثل

إنما لو كان الموضوع ده حصل لحد من أفراد الشعب المصري مكانوش سألوا فيه

يعني من الأخر كدة الخارجية المصرية إتخذت الخطوة دي ضد الدبلوماسيين الغربيين عشان كرامة موظفيها فقط مش عشان مصر و لا شعب مصر

بس ياريت يكون الكلام دة صح مش ذى حكاية السياح المختطفين والكومندوز المصرى حررهم واسر المختطفين
وفى الاخر طلع كلة فيلم هندى وان المختطفين افرجوا عنهم والسلطات المصرية كانت مستنياهم على الحدود

عقبال ما نعرف ناخد حقنا عند العرب

الخبر ده مشكوك في صحته
لأنه نشر على موقع مصراوي فقط

وموقع مصراوي للأسف....ساعات بيفبرك

انا عن نفسي هاكون سعيد جدا لو ده حدث

لا انا مش مصدق مصر تعمل كده

عزيزى ابو مريم
تقول
" لو استمر الوضع دا مع كل الدول اعتقد ممكن نرجع احترام الناس لينا "
__________________________________________________ __

سوف يحترمنا الاخرون تلقائياً عندما نكون

اقويـــاء

منظمين

جاديــن

و الى ان يحدث هذا

سيظل الوضع على ما هو عليه ( :sleep1: ) حتى لو اغلقنا مطار القاهرة ... :cool:

بصراحة يا جماعة الموضوع غريب شوية و أنا مش مصدق أوي .

أولا . الخبر بيقول مبدأ المعاملة بالمثل طيب ليه الخبر مش قايل اي حاجة عن الشئ اللي عمله الدبلوماسيين دول علشان يكون فيه معاملة بالمثل .

ثانيا . ايه ردة فعل الدول على معاملة مصر و ليه الخارجية مش ذاكرة عنه أي حاجة و خاصة انها دول كبيرة و فيهم بريطانيا .

ثالثا . خارجيتنا خاصة و نظامنا و حكومتنا عامة أضعف من انهم يعملوا كده و مش بنثق في أي خبر ممكن يقولوه .

فاكرين لما الفلسطينين - .......... - ضربوا أحمد ماهر وزير الخارجية نفسه في ساحة المسجد الأقصي بالجزم . ايه ردة الفعل اللي خدتها الدولة المصرية ضدهم ... و لا حاجة .

من سنتين بالكويت مواطن كويتي عادي دخل القنصلية المصرية و سب القنصل جهارا نهارا - هوه صحيح أخد علقة مخدهاش حمار في مطلع و الشرطة الكويتية أخدوه - بس مشفناش أي ردة فعل للخارجية بالرغم ان الحكاية اتنشرت بالجرايد .

عودتنا حكومتنا على عدم الثقة بها علشان كده باقول ان الخبر ده كذب و الا كانوا قرفونا بيه في الجرائد الرسمية أو التليفزيون باعتبار انهم عملوا انجاز غير مسبوق .