حضرتك بتتسرق اموالك و كله بالقانون

رئيس لجنة علماء مصر: رواتب وزراء تصل شهريا 3 ملايين جنيه بسبب البدلات |اليوم السابع
قال الدكتور عماد مهنا، رئيس اللجنة المركزية لمجلس علماء مصر، إن تطبيق الحد الأدنى والأقصى للأجور يواجه العديد من المشكلات بسبب البدلات، حيث إن هناك بعض الوزراء تصل مرتباتهم إلى 3 ملايين جنيه كما أشار محافظ البنك المركزى.

طيب لما السيد معالى الوزير مرتبه يصل 3 مليون يبقى السادة وكلاء و معاونون السيد معالى الوزير هيخدوا كام و السادة رؤساء الادارات و القطاعات هيخدوا كام ....الحقيقة مش عارف ليه خطر فى بالى فورا وزارتى البترول و الكهرباء و حسيت بالظلم الواقع عليهم مننا احنا الشعب الظالم المفترى هيجيبوا مرتبتهم ازاى و منين بعد مبطلنا نصدر النفط و بقينا مستوردين ...بس مش ذنبهم ومن هنا اطالب افراد الشعب الظالم بطلب رفع اسعار الوقود و الكهرباء كمان و كمان لتسديد مرتبات الوزراء الغلابة التى لا تزيد عن 3 مليون جنية فى الشهر بس ....الحقيقة قلبى بيتقطع عليهم .

علي فكره السياسه ممنوعه هنا

الظلم اخرته وحشه و الله -_-

حسبنا الله ونعم الوكيل

اقتباس:

---

المشاركة الأصلية كتبت بواسطة الاسد المهاجر

علي فكره السياسه ممنوعه هنا

---

هي دي سياسة؟ ههههههههههههههه

اقتباس:

---

المشاركة الأصلية كتبت بواسطة أحمد كمال

هي دي سياسة؟ ههههههههههههههه

---

حبيبي والله دايما ردك بيسعدني بتفكرني ولا بلاش يعني انته دخلت الموضوع وعلقت علي كلمتي ونسيت الموضوع ياه معلش ديه اثارالهسهس بس المهم هما عاملين ايه مش هتحصلهم والله وحشني سلملي عليهم سيب ردك علي الموضوع مش التعليق بتاعي

اقتباس:

---

المشاركة الأصلية كتبت بواسطة الاسد المهاجر

علي فكره السياسه ممنوعه هنا

---

اللى كتبته مجرد تعليق على خبر مستفز ومش سياسة, انا لا احلل موقف او اتجاه و لا اتدخل فى خطط الدولة , انا متغاظ , و كتبت هذا التعليق , الدولة مديونة و ماشية بالمعونات , و كل شوية شدوا الحزام شدو الحزام , طب هو فيه حزام يربط 3 مليون جنيه شهريا, مفروض الحزام يبقى على الكل هو ده مبدأ العدالة الاجتماعية اللى اطيح به فى اسفل سافلين, مش معقول فواتير الكهرباء و البترول و جباية الضرائب فى تزايد مستمر اقدر استحملها و اقدرها لما تروح لمشاريع تنمية للبلد مش مشاريع تنمية لجيوب المحظوظين..... ملحوظة شيعت جنازة العدالة الاجتماعية بجامع عمر مكرم و لا عزاء للغلابة.......ملحوظة محصل الكهرباء مجاش بقاله شهريين و انا متوجس شر مستطير يا ترى هيدخلونى فى اى شريحة المرة دى.؟

اقتباس:

---

المشاركة الأصلية كتبت بواسطة ali ashraf

اللى كتبته مجرد تعليق على خبر مستفز ومش سياسة, انا لا احلل موقف او اتجاه و لا اتدخل فى خطط الدولة , انا متغاظ , و كتبت هذا التعليق , الدولة مديونة و ماشية بالمعونات , و كل شوية شدوا الحزام شدو الحزام , طب هو فيه حزام يربط 3 مليون جنيه شهريا, مفروض الحزام يبقى على الكل هو ده مبدأ العدالة الاجتماعية اللى اطيح به فى اسفل سافلين, مش معقول فواتير الكهرباء و البترول و جباية الضرائب فى تزايد مستمر اقدر استحملها و اقدرها لما تروح لمشاريع تنمية للبلد مش مشاريع تنمية لجيوب المحظوظين..... ملحوظة شيعت جنازة العدالة الاجتماعية بجامع عمر مكرم و لا عزاء للغلابة.......ملحوظة محصل الكهرباء مجاش بقاله شهريين و انا متوجس شر مستطير يا ترى هيدخلونى فى اى شريحة المرة دى.؟

---

عدل حضرتك مصر نسبة العدل فيها قليله جدا سواء في الحكومه او المواطن مفيش عدل طول مافي محسوبيه ووصايط عمره مهيتحقق العدل انا حضرتك رؤساء من اول مبارك لحد السيسي المواطن الغلبان هوا المظلوم اما الي قريب من الكرسي :E_braces[1]:

اقتباس:

---

المشاركة الأصلية كتبت بواسطة الاسد المهاجر

عدل حضرتك مصر نسبة العدل فيها قليله جدا سواء في الحكومه او المواطن مفيش عدل طول مافي محسوبيه ووصايط عمره مهيتحقق العدل انا حضرتك رؤساء من اول مبارك لحد السيسي المواطن الغلبان هوا المظلوم اما الي قريب من الكرسي :e_braces[1]:

---

فيه مثل بيقول المساوة فى الظلم عدل , يعنى لو الامر السئ يطال الجميع يبقى عادل, وده منطقى بمعنى ان بلدنا دلوقت ظروفها صعبة و الاقتصاد بعافية شوية يبقى مفروض علينا نشد الحزام , بس بالعدل مش كثرة تشد الحزام و تعيش ايام ضنك و قلة تنفخ كرشها, مطلوب تحقيق عدالة اجتماعية و على فكرة انا نفسى مصر تبقى احسن بلد فى الدنيا و اقتصادها يبقى نمر اقتصادى, لكن الطريق الى جهنم مفروش بالنويا الحسنة و عمل ردئ ......والوضع الحالى يشوبه الكثير من الضبابية و التخبط و قرار ضرائب غبى ارباح الشركات و البورصة ناس فلست بسببه و تراجع وزير المالية بعد خراب مالطا ......لسه الامور عايزة الكثير من الانضباط

اقتباس:

---

المشاركة الأصلية كتبت بواسطة الاسد المهاجر

حبيبي والله دايما ردك بيسعدني بتفكرني ولا بلاش يعني انته دخلت الموضوع وعلقت علي كلمتي ونسيت الموضوع ياه معلش ديه اثارالهسهس بس المهم هما عاملين ايه مش هتحصلهم والله وحشني سلملي عليهم سيب ردك علي الموضوع مش التعليق بتاعي

---

الحمد لله الذي عافانا

فيه ناس مش عارفة ان في بلاد (او كواكب) تانية البرلمان و الشعب بيحاسب اي مسؤول عن مصاريفه


في استراليا نفخوا رئيس الوزراء عشان غير السيارة الرسمية

في السويد وزيرة دفعت البنزين بالكارت الحكومي لمشوار شخصي و تاني يوم رجعت المبلغ ..... اتنفخت برضه

في امريكا محافظ احدى الولايات خرج يتغدى مع بزنس مان غدا رخيص (25 دولار) و نسي محفظته فالبزنس مان دفع له ..... اتنفخ


انما هنا اما نتكلم في مرتبات الوزراء (اللي من جيبنا و اللي هما موظفين عندنا و بفلوسنا) .... تبقى سياسة ....


الحمد لله و الله العظيم كل يوم باحمد ربنا على قرار الخروج من عالم سمسم

بلد يحكمها ............................... نتنتظر اية منها

انذار ووقف اسبوع لمخالفه القاعده رقم 12 من قواعد المنتدى

يرجى مراعاه الاداب العامه ومراجعه قواعد المنتدى

م.ع 5
24/05/2015
10:45 am

3 مليون جنيه في الشهر ؟؟ ,3 مليون جنيه في شهر واحد بس 30 يوم ؟؟!!!!!!!
اومال البوليكه بتاع 45 الف جم شهري حد اقصي راحت فين .دا لازم وزير سوبر السوبر .دا الاوباما بجلالة قدره مبيعملش قرب المبلغ داون بالدولار .فعلا الناس لازم تضرب ترامادول وتعيش مساطيل احسن.

اقتباس:

---

المشاركة الأصلية كتبت بواسطة mecha

3 مليون جنيه في الشهر ؟؟ ,3 مليون جنيه في شهر واحد بس 30 يوم ؟؟!!!!!!!
اومال البوليكه بتاع 45 الف جم شهري حد اقصي راحت فين .دا لازم وزير سوبر السوبر .دا الاوباما بجلالة قدره مبيعملش قرب المبلغ داون بالدولار .فعلا الناس لازم تضرب ترامادول وتعيش مساطيل احسن.

---

بلاش تتكلم في السياسة لاحسن كده تبقى منهم على راي البهاليل

اقتباس:

---

المشاركة الأصلية كتبت بواسطة 3abdo.it

بلد يحكمها ........................ نتنتظر اية منها

---

رجاء الالتزام بلغة الحوار , انا اللى كاتب هذا الموضوع , و اعتراضى و نقدى للخير المستفز لا يعنى خروجى على اداب الحوار و الامتناع عن الفاظ خادشة و يا ريت نرتفع بأسلوب الحوار و لا ننحط به .

اقتباس:

---

المشاركة الأصلية كتبت بواسطة أحمد كمال

بلاش تتكلم في السياسة لاحسن كده تبقى منهم على راي البهاليل

---

هي دي تبقي سياسه ؟!!, انا الوقتي موش فاهم ايه هي السياسه ,ولو الموضوع سياسي ممنعهوش ليه .فعلا الترامادول مطلوب عشان نفوق هههههه

حسبنا الله ونعم الوكيل

اقتباس:

---

المشاركة الأصلية كتبت بواسطة 3abdo.it

بلد يحكمها .........................- نتنتظر اية منها

---

..............................................
الالفاظ دي ممكن تستخدمها مع ......................... انما هنا في اعضاء محترمين

انذار ووقف اسبوع لمخالفه القاعده رقم 12 من قواعد المنتدى

يرجى مراعاه الاداب العامه ومراجعه قواعد المنتدى

م.ع 5
24/05/2015
10:46 am

اقتباس:

---

المشاركة الأصلية كتبت بواسطة mecha

هي دي تبقي سياسه ؟!!, انا الوقتي موش فاهم ايه هي السياسه ,ولو الموضوع سياسي ممنعهوش ليه .فعلا الترامادول مطلوب عشان نفوق هههههه

---

انا باقلش اكيد مش قصدي انها سياسة بجد .....