سؤال للى مركب زينون فى العالى

**farahat** · 13-11-2008 02:41 PM

على فكرة انتو بس مش بتحس هي أد إيه قوية عشان انتو وراها مش في وشها ، يعني حتى لو اللمبة مش سخنة بتكون قوية زي الفلاش ، بمعنى أخر إلي انتو بتحسو بيه دة على إن فلاش كاميرا هو نفسه و اللمبة باردة .
دي حاجة ملهاش حل لأن دي من خصائص الزينون ، إنه ياخد وقت على ما يسخن ، بس الوقت دة بيفرق على حسب نوع اللمبة و جودة الجهاز إلي راكبة عليه ، بس الفروق مش جامدة أوي يعني كلها أجزاء من الثانية الفرق .

**KHALED AYMAN** · 13-11-2008 02:48 PM

(شيل الزينون لآنة بيعمي اللي جاي من الطريق المعاكس .
أرحموا من ف الأرض يرحمكم من ف السماء )
يا باشا انا ركبت الزينون لانى مضطر عشان فوانيس عربيتى باظت و يا تتغير يا اركب زينون عشان النور يبقى قوى و انا لما بيكون حد جاى فى وشى بطفيه عشان مزعجهوش لان مسيرى ييجى واحد معاه زينون اقوى من بتاعى و يقرفنى.
وكمان انا فوانيس عربيتى عدسات نورها مش بيوجع العين زى الفوانيس العاديه.

**farahat** · 13-11-2008 02:56 PM

يا باشا سهل قوي تعرف إنت بتضايق إلي غاي في وشك ولا لأ ..
و إنت وقف في أي إشارة ورى عربية ، سيب بينك و بينها ٥ متر و نور الزينون و بص على النور على شنطة العربية إلي قدامك ، لو لقيت إرتفاع النور أعلى من منتصف الشنطة يبقى إنت كدة أكيد بتزغلل عين الناس إلي غاية في وشك ، أقل من كدة يبقى تمام
و لو مش تمام ممكن تعمله رجلاش بسهولة من مسمار ضبط الإرتفاع بتاع الفانوس ، بسيطة خالص

تحياتي

**human** · 13-11-2008 03:24 PM

خلاص براءه اكيد حد تانى
واعمل الرجراش الى بيقول عليه فرحات

المفروض حد يعمل حمله لمنع الزينون

**aratux** · 13-11-2008 03:51 PM

فعلا موضوع النور ده مشكلة
إمبارح ماشى على الدائرى بالليل و تقريبا مش شايف أى حاجة مسافة كذا كيلو من البهوات اللى منورين العالى فى عنينا
لدرجة إنى إديت إنتظار و ووقفت على جنب بسبب واحد كان ورايا عمانى

بس طلعت وراه و طلعت عين مامته

**marsguy** · 13-11-2008 08:05 PM

يا جماعه الزينون برئ من إبهار العين برائة الذئب من دم يعقوب.

لو كان الزينون نفسه مضر في حاجه ما كانش هاينزل في العربيات الفاخره واللي بتمشي في طرق أوروبا المشهوره بتطبيق أعلى معايير السلامه.

المشكله إن الناس بتركب أي لمبة زينون في أي فانوس مهما كان حالته، وهو ده اللي بيدي إضائه مش مظبوطه ومبهره للعين.

**Rsarabia** · 13-11-2008 08:42 PM

هههههههههههههههههه هو انتا بقا اللى عمتنى امبارح على طريق المحلة امسككككككك

**KareemSafwat** · 13-11-2008 10:49 PM

النور العالي الفبريكة مبيكونش زينون حتى في المرسيدس علشان موضوع الوقت اللي بيحتاجه علشان يسخن. إحنا بس اللي بنحب نفتي :)
أنا ركبت واطي و عالي بس قررت إني هشيلو لما إكتشفت إنه مالوش لازمه و فعلا بيضايق الناس.

**Sameh** · 13-11-2008 11:21 PM

برضوا عندى بيعمل كدة وخنقنى وبفكر أغير البطارية دلوقتى من 55 إلى 70 أمبير يمكن الوقت اللى بيحتاجه ده يبقا أقصر شوية ، أعتقد المشكلة إن نوع الزينون اللى منتشر فى السوق المكن بتاعه ضعيف