الورقة اليومية الرمضانية ، مجلة مصغرة ( ربع ورقة ) توزع يوميا على زملاء العمل أو ...
الســـلام عليكم ،،
السنة اللى فاتت عملت الموضوع ده :
اقتباس:
المشاركة الأصلية كتبت بواسطة ladawy
الســلام عليكم و رحمة الله وبركاته
الاخوة الكرام ،
كل عام و انتم جميعا بخير
https://s.yimg.com/lo/api/res/1.2/tw...1342026405.gif
اخدت بالى من القسم هنا بالصدفة ، و لقيت سلسلة من المواضيع الرائعة
حمله التحفيز للاعمال الرمضانيه (9)
ملحوظة : الرابط خارجى لمنتدى آخر dvdarab
جه فى بالى فكرة ، اتمنى تعجبكم و تساعدونى فيها .. هى تعتبر أحد تطبيقات سلسلة المواضيع دى
لو يوميا فى رمضان عملنا ورقة صغيرة ( ربع a4 مثلا ) تتصور على ماكينة تصوير عادية ، فيها حديث & مقولة أو & حكم شرعى متعلق بالشهر الكريم & عمل خيرى ممكن تعمله & موقف ...... واى افكار تانية مرحب بيها
و برضه سطر نكتب فيه مواعيد الصلوات فى اليوم ده ...
و تبقى وش و ظهر ، الورقة العادية تعملها 4 ورقات من دى
و توزعها على زملاء الشغل ،، أو فى المايكروباص و انت فى الشغل ، أو تحطهم عندك فى المحل و الزباين تاخد منها ، أو لو بتعمل افطار على الطريق تحط الورقة دى فى كيسة التمر
و لو فيه افكار تانية لتوزيعها قووول
و الورقة دى يتم الاعداد ليها يوميا ،،
انا متكفل بإذن الله بتصميمها ، و هارفعهالكم بعد انتهائها لتكون جاهزة للطباعة و التصوير و التوزيع
و نتعاون و الناس الجميلة هنا فى المنتدى على تكوين افضل و امتع محتوى يومي و نكتبه فى الورقة
رأيكم ايه فى الفكرة ؟؟
اتمنى تنال اعجابكم ، و لو فيه اى تعديلات أو اضافات نقترحها و نظبطها سريعا
و يااا حبذا لو لقينا الهمة و بدأنا من النهاردة كمان فى تكوين اول محتوى علشان نختبر الشكل النهائى للورقة قبل قدوم الشهر الكريم
و حتى نلفت الانتباه للفكرة ليتم نشرها ، و ايضا نشر الورقة اللى هاننتجها على اوسع نطاق بإذن الله
و جــــزاكم الله خيرا
كنت متفائل بإنى انفذها ...
و دلوقتى ، و احنا قبل رمضان بـ 26 يوم مثلا ، عاوز مساعدتكم و تشجيعاتكم و ننفذها
لولا انى ورايا امتحانات حاليا ، و شغل و دوشة من اتجاهات تانية ،، كنت حاولت اعملها بمفردى ، لكن الوقت مش هايسعف ،، و طبعا مع وجود آراء و افراد اكتر هاينتج نتاج اكثر تنوع و افادة
----
لاحظوا ان من وجهة نظرى ان دا واجب علينا ،،
شوفت كليب "سيب ايدى" ؟ ، شوفت كلام الفنانين فى قضية دينية كذا أو كذا ؟ شوفت اللى ألـّـف حكم تشريعى بدون مصدر فى قضية ما ؟
شوفت اعلانات المسلسلات الرمضانية الجديدة ؟ و شوفت استعدادات القنوات لرمضان ؟
.
عاوزين نكون رد الفعل ، عاوزين نوزن الكفة ، مش دى اللى هاتوزن الكفة بس على الاقل يبقى عملنا حاجة
" النفس إن لم تشغلها بالطاعة شغلتك بالمعصية "
و منتظركم