محتار ومحتاج رايكوا ضرورى

**ahmedknze** · 23-05-2015 11:33 PM

كنت هغير عربيتى نيسان صنى سوبر صابون 2011 وكنت عاوز اجيب سيراتو 2015 هاى لاين فكنت عاوز رجاله المنتدى وخصوصا رجاله كيا ينصحونى بايه اجيبها وكيل ولا خليجى وكنت عاوز اعرف مميزاتها وعيوبها وخصوصا سحبها وعزلها واستهلاكها للبنزين وشكرا

**محمود فرنسا** · 24-05-2015 12:23 AM

فى الحقيقة السيراتو الجديدة انا سمعت انها مش كويسة زي الشكل القديم بتاع من 2009 ل 2013 بس الكلام ده ليس عن تجربة الافضل تنتظر حد يكون جابها ويقولك المفيد وربنا يقدملك اللى فيه الخير

**virus2007** · 24-05-2015 05:21 PM

مميزات :العربيه كمجمل جميله مميزتها الثبات العزل الراحه والوسع داخل المقصوره الاوبشنز الكتيره الشكل طبعا شنطتها كويسه وصاجها جيد جدا وانوارها رائعه خاصه لو الفئه الى فيها لدات

عيوب: السحب من الصفر مش واو "مش زى الانترا مثلا " بس على السرعات الاعلى جيده جدا وافضل من الانترا ... الكاسيت الاصلى صوتوا مش جامد حته بعد مركبتلوا سماعات سونى اضافيه بردوا مش متكيف منوا ... واعتقد كل الكاسيتات الفابريكه بيكونوا نفس النظام لو ودانك موسيقيه حتحتاج تغير الكاسيت انما لو مش فارق معاك اوى حيديك اداء مقبول

*العربيه طبعا افضل من السيراتو القديمه فى كل حاجة دا راى الشخصى

**migoph** · 24-05-2015 05:46 PM

عن تجربه كان معايا سيراتو ٢٠١٠ وبعتها وجبت ٢٠١٥

السيراتو الجديده افضل من القديمه من ناحيه العفشه و الثبات و كل حاجه ده رأيي
بس مش معني كده ان القديمه وحشه ، القديمه مشكلتها ثبات ضايع بعد ١٣٠ و عفشتها ناشفه حتي لو جنط ١٥

دي طعم و دي طعم تاني خالص
القديمه كانت كلاسيك اكتر
الجديده شبابيه اكتر

بخصوص السيراتو الجديده استهلاك البنزين كويسه زي السيراتو القديمه
العفشه والثبات كويسين جنط ١٧

انصحك تشتري السيراتو الجديده
و انصحك وكيل عشان الضمان وحاليا الوكيل عامل خصم ٧ الاف يعني هتلاقي سعر الوكيل قريب جدا من الخليجي

وبالتوفيق ان شاء الله

**Omar Sarray** · 26-05-2015 11:14 PM

عربيه كويسه وعمليه بتاعه الأيام العاديه واوبشنز حلوا انا معايا 2015 اعلا فئه والحمدلله مالها وماعليها كويسه ومأشبه دلوقت 8 آلاف كيلو حاليا وكويسهل عفيه ناعمه أنعم من قديم ثبات ومناورات فى سحب بس هيا وطيه شويه بس محكتش معايا لغايهدلوقت