بليه دبرياج الفيرنا

**Eng.Ahmed** · 13-11-2008 01:57 PM

يوم الثلاثاء رحت مركز كارتك فى العبور اعمل صيانه ال40000 و كان فيه صوت صفاره بتختفى لما ادوس على الدبرياج ، م / بهاء هناك قالى انها بليه دبرياج لازم تتغير و مش موجوده عندهم و قالى اروح ابورواش الصبح بدرى علشان يغيروها ، فهل لازم اخد موعد الاول ولا اروح على طول ، بس انا مش عاوز اخد اجازه من الشغل و مدخلش ، فلو حد غيرها قبل كده يقولى عمل ايه واخدت وقت تقريبا قد ايه

**AHMEDCAR** · 13-11-2008 02:27 PM

لا احجر الاول برضو علشان مايبيتوش العربيه اتصل على 16101 و احجر اليوم اللى يناسبك

**emam** · 13-11-2008 02:38 PM

ياريت يا بش مهندس / احمد لما تعملها تبقا تقولنا - لان معانا واحد زميلنا عندة نفس المشكلة وعامل 40 الف بردة - سعر البلية كم وعملتها فين وياترا هتحتاج تغير ديسك واسطوانة ولا بلية بس وشكرا مقدما لحضرتك .

**Eng.Ahmed** · 13-11-2008 02:44 PM

المشاركة الأصلية كتبت بواسطة emam

ياريت يا بش مهندس / احمد لما تعملها تبقا تقولنا - لان معانا واحد زميلنا عندة نفس المشكلة وعامل 40 الف بردة - سعر البلية كم وعملتها فين وياترا هتحتاج تغير ديسك واسطوانة ولا بلية بس وشكرا مقدما لحضرتك .

ان شاء الله لما اعملها هابلغكم ، و المفروض ان البليه دى تبع الضمان بس اما اشوف هايعملوا ايه ، و لسه مش عارف هاتحتاج تغيير ديسك و اسطوانه ولا لأ ، المفروض انهم هايفكوا الفتيس كله

**AHMEDCAR** · 13-11-2008 02:49 PM

يا جماعه البليه و طقم الدبرياج اخرهم 10000 كيلو ضمان و بعد كده التوكيل مش مسؤول عنهم

**Eng.Ahmed** · 13-11-2008 04:37 PM

والله انا ان شاء الله هاروح اجرب معاهم فى التوكيل ، يمكن

**Hossam.Hamdy** · 13-11-2008 05:29 PM

المشاركة الأصلية كتبت بواسطة ahmedcar

يا جماعه البليه و طقم الدبرياج اخرهم 10000 كيلو ضمان و بعد كده التوكيل مش مسؤول عنهم

قالولى 5000 كيلو بس

**arch_peter** · 13-11-2008 08:39 PM

لظاهر ان ده عيب فى الفيرنا
انا معايا فيرنا فيفا ماكملتش 7000 كيلو والصوت ده برضه باسمعه احيانا خفيف اوى اوى
بس ماكنتش اعرف اذا كان ده فعلا بلية والا ايه بالضبط ؟؟

**Eng.Ahmed** · 16-11-2008 11:47 AM

الحمد لله مطلعتش بليه ولا حاجه ( مع انهم قالولى فى كارتك و فى ابو رواش انها بليه ) ، انا كلمت ا/ احمد سيد (ahmedcar) و أ/ حسام حمدى و دلونى على ورشه م /محمد بيومى وده شغال فى الهيونداى و قالى ولا بليه ولا حاجه ده الفرش عاوز شويه شحم و بس ، و الحمد لله صوت الصفاره راح على طول.

الحمد لله واشكر أ/ احمد سيد و أ/ حسام حمدى على مساعدتهم لى لانى كنت هادخل فى مواويل مع التوكيل.

**AHMEDCAR** · 16-11-2008 11:57 AM

الحمد لله و الف الف مبروك بس انا ليا عتاب عندك ازاى ياراجل تروح م/ محمد بيومى و ماتكلمنيش مش احنا اتفقنا على كده

الموضوع: بليه دبرياج الفيرنا

LinkBack

أدوات الموضوع

عرض

بليه دبرياج الفيرنا - انشر الموضوع فى :

-

-

-

-

-

-

-

-

المواضيع المتشابهه

طقم دبرياج (بليه و إسطوانة و ديسك) جديد أو إستيراد للعربية الستروين ax يعمل كام ؟

بليه دبرياج و بليه فتيس ..هل هناك فرق؟

مشكله فى دواسه دبرياج الفيرنا

لو سمحتوا بكم سعر دبرياج الفيرنا 2005

طقم دبرياج بلية ضغط والعربية نظامها بليه شفط .. إيه الحل بدون كونفرجن كت ؟

الكلمات الدلالية لهذا الموضوع

المفضلات

المفضلات

ضوابط المشاركة