استلمت f3 2015 وبعض الاستفسارات

بسم الله ابداء اول موضوع ليا معاكوا وده شئ يشرفني بقالي اكتر من سنه متابع موضوعات الب واي دي وبشوف المشاكل والردود والحمدلله الفضل لربنا ثم ليكوا في اختياري العربيه ديه فشكر واجب لكل القائمين علي قسم البي واي دي ونايل موتورز :d

اولا ولله الحمد استلمت يوم الاحد الماضي العروسه الجديده f3 منيول بعد مبعت عربيتي القديمة احطيتها مقدم و هكمل عليها باذن الله ربنا يعيني و يقدرني علي دفع الاقساط بقي وكده :d

الانطباع الاول عن العربيه الحمدلله العربيه ممتازة وناعمه والمتور ناعم ما شاء الله بس في كام ملاحظه كده كنت عاوز اخد رايكم فيها و يا ريت تفيدوني.

انا وصلت 600 كم دلوقتي الحمدلله
بس عندي كام استفسار مضايقني كده ... اولهم انا طبعا في التلين مش بجري بالعربيه خالص اقصي حاجه جبتها 110 و مقعدتش عليها كتير 15 ثانيه و بنزل 80 عليطول والاربي ام معظم الوقت علي 2 و اقصي حاجه 3
لما باجي طالع مطلع او كوبري بحس العربيه مفهاش عزم اوي مش زي عربيات تانيه (الاوبترا مثلا)... ممكن عشان ببقي جايب نقله عاليه لسا مش عارف
لما بكون علي الاول او التاني واجي اجيب التالت بحس كان العربيه اتسجبت سحبه كده كاني بنقل بموتسيكل للفاهم قصدي او نفس البيحصل لما تكون ماشي علي ثالث و تجيب تاني مثلا
اول تفويله قولت يمكن الموضوع من البنزين زي مبيتقال روحت حطين بنزين من وطنيه قولت يمكن يبقي افضل هو فرق فعلا في السحب بس لسا بتحصل معايا الخنقه بتاعه المتور والسحبه ده مش عارف ليه؟!!
انا كل ده مشغلتش التكيف وانا ماشي ابدا حتي الان وربنا يستر ...وجزاكم الله خيرا مقدما ودعواتكم ليا ربنا يبارك فيها ويحفظها باذن الله :d

88 مشاهده ولا رد واحد؟!

اقتباس:

---

المشاركة الأصلية كتبت بواسطة ahmed.nour88

88 مشاهده ولا رد واحد؟!

---

أولاً الف مبروك وربنا يديك خيرها ويكفيك شرها
ثانياً برجاء عمل تقرير عن العربية بالكامل لاني مقدم علي شراء سيارة ومحتار بصراحة بينها وبين اسبرانزا انفي وياريت تقول كل حاجه يعني اشترتها من معرض ايه اوفين والفلوس اللي دفعتها والوقت اللي انتظرته لحد الاستلام وعملت ايه في الاستلام وهل ليك ملاحظات علي السيارة استهلاك البنزين عامل ايه وهل هي بتاعة مشاوير ولا لأ وكده انتشار العربية كتاكسي فقط يقلق مش عارف ليه وشكراً

اقتباس:

---

المشاركة الأصلية كتبت بواسطة mth3000

أولاً الف مبروك وربنا يديك خيرها ويكفيك شرها
ثانياً برجاء عمل تقرير عن العربية بالكامل لاني مقدم علي شراء سيارة ومحتار بصراحة بينها وبين اسبرانزا انفي وياريت تقول كل حاجه يعني اشترتها من معرض ايه اوفين والفلوس اللي دفعتها والوقت اللي انتظرته لحد الاستلام وعملت ايه في الاستلام وهل ليك ملاحظات علي السيارة استهلاك البنزين عامل ايه وهل هي بتاعة مشاوير ولا لأ وكده انتشار العربية كتاكسي فقط يقلق مش عارف ليه وشكراً

---

والله بالنسبه للملحوظات هي الفوق ديه و مش لاقي حد يرد عليا اذا كانت طبيعي ولا ايه ؟ :_Alshmokh08[1]:

بالتسبه للفرق بينها و بين الاسبرانزا ف انا مجربتش الانفي بس اسبرانزا كتاكسي كل الناس بتشتم فيها فمدخلتش في مقارنه اصلا
انا اشتريتها تقسيط مش كاش من معرض الامل في مصر الجديده استاذ جمال هناك شحص محترم و هيخلصلك كل حاجه موافقه البنك خدت اسبوع تقريبا وعلي نهايه الاسبوع البعده كانت العربيه وصلت الحمدلله عشان المنيول كان خلصان وانا كنت طالب لون معين مرضتش اخد اي لون العربيه منيول دلوقتي عامله 84000 منيول 95 اتوماتيك و لو اتكلمت معاهم شويه ممكن ينزلك 1000 او حاجه :3mla:

السيارة لسا تحت التجربه بس لحد دلوقتي الحمدلله جميله توكل علي الله بس قلقان من الملاحظات الفوق ديه باذن الله تتظبط في صيانه الالف واعمل تقرير كبير بقي باذن الله :E_braces[1]:

استهلاك البنزين عادي حوالي 10 ليتر في ال 100 كيلو ... سؤال بقي هي بتاعه مشاوير وانت شايفها مغرقه الشارع تاكسي سؤال مش منطقي :E_braces[1]:
بس انت عاوز تطمن ايوي الحمدلله ان شاء الله تطلع مشاوير :D
العربيه الفتره الفاتت ديه التوكيل مكنش بيسوقلها خالص كان معتمد علي مشروع التاكسي ... بعد ما اثبتت نفسها كتاكسي الحمدلله وواضح عشان لسا في ناس بتشتري 2015 تاكسي هي والفرنا في منافسه كبيره ولكن انا عن نفسي مكنتش هبقي مرتاح بعد مدفع المبالغ ديه وراكب عربيه متفرقش عن اي عربيه قديمه عن الفرنا اتحدث لا اوبشنز ولا ثبات ولا شكل ولا منظر ولا فرامل يا مؤمن :dumb:
الفرق الوحيد اعادة البيع للفرنا وانا شايف ان خلال الفتره الجايه هتمسك نفسها في السوق و مش هتخسر المبلغ الواو يعني لو فرضنا فرق بينا و بين فرنا 8000 هو نفس الفرق بين الزيرو دلوقتي فرنا 88 اول فئة

التوكيل بداء يعمل اعلانات بسيطه السنادي عن العربيه عشان السينوفا النزلت تافس معاه والعربيه منتشره ملاكي ما شاء الله انا مكنتش بحسها منتشره بس لما ركزت بصيت في الشارع الساكن فيه لقي بتاع 6 عربيات ومعظمهم 2014 2015 ولك ان تتخيل ان العربيه دلوقتي بالحجز مش ملاحقين علا طلابات وانا قاعد الراجل حايله طلب شركة طالبه 8 عربيات لمندوبين مبيعات يعني شغل فحت وردم وديه من مميزات انتشارها كتاكسي توافر قطع الغيار بانوعها ولو معاك قرشين يا سيدي اقلب العربيه يباني كلها مش هيتبقالك غير الصاج و باذنالله بالتوفيق :plusone2:

ومتنسانيش من دعائك :E_braces[1]: