الباور تقيل بعد تغيير اويل سيل الاسكاترة

السلام عليكم
كان عندي تسريب زين باور في الدواسه
الميكانيكي قالي من الاويل سيل بتاع الاسكاترة
رحنا للحداد و فك الاسكاترة و ركبت الاويل سيل نوع ايطالي ب 50 جنيه ( من سرور الي في صلاح سالم - الاسكندريه )
المهم بعد ما فك الاسكاترة غيرلي بيضه و ركبها تاني و اخد 200 مصنعيه و 50 جنيه ثمن البيضه
بس لقيت الدرسيون تقيل و مبيردش لوحده زي الاول و فيه صوت و انا بلف الدريكسيون
المهم الميكانيكي قالي ممكن البيضه لسه قافشة و مطبعتش و هي الي عامله الصوت و قالي جرب لمده اسبوع و لو الصوت مراحش حنروح للحداد يشوف ايه المشكله

يا تري الاصوات و الخشونه ديه من ايه يا ريت لو حد فاهم يقولي ؟؟؟؟؟:_Alshmokh08[1]:

متا بع

حضرتك ضبط زوايا بعد الشغل اللي إتعمل ده ؟؟...خلي بالك عدم ضبط الزوايا ممكن يعمل معاك تقل في الطاره ويخلي الطاره ما تردش لوحدها

اقتباس:

---

المشاركة الأصلية كتبت بواسطة abo_mazen

حضرتك ضبط زوايا بعد الشغل اللي إتعمل ده ؟؟...خلي بالك عدم ضبط الزوايا ممكن يعمل معاك تقل في الطاره ويخلي الطاره ما تردش لوحدها

---

شكراااا يا باشا
ان شاء الله حروح اظبط زوايا ، بس صوت الخشونه و الاحتكاك و انا بلف الدريكيسيون من ظبط الزوايا كمان

اقتباس:

---

المشاركة الأصلية كتبت بواسطة abo3mmar2005

شكراااا يا باشا
ان شاء الله حروح اظبط زوايا ، بس صوت الخشونه و الاحتكاك و انا بلف الدريكيسيون من ظبط الزوايا كمان

---

لأ طبعا ..صوت الخشونه ملوش علاقه بضبط الزوايا ..بس عموما أضبط زوايا وشوف الدنيا هتروق ولا لأ

اقتباس:

---

المشاركة الأصلية كتبت بواسطة Abo_Mazen

لأ طبعا ..صوت الخشونه ملوش علاقه بضبط الزوايا ..بس عموما أضبط زوايا وشوف الدنيا هتروق ولا لأ

---

شكرااااا يا باشا

اما تخلص قولنا الدنيا فيها اية

سوال هو حل وصلة الاسكترا بالقطمة ؟؟ ,لو حلها ومرجعهاش مكانها توريك العجب .متدخلش في زوايا ولا ترجلش اتياش ,رجع بس كل شئ لاصله

اقتباس:

---

المشاركة الأصلية كتبت بواسطة mecha

سوال هو حل وصلة الاسكترا بالقطمة ؟؟ ,لو حلها ومرجعهاش مكانها توريك العجب .متدخلش في زوايا ولا ترجلش اتياش ,رجع بس كل شئ لاصله

---

يعني ايه القطمه
علي فكرة اللينكات الي بعتهالي مش لاقي فيها حاجه تخص الاسكاترا
يا ريت تقولي

مع الشكر و الاهتمام ،،،

اقتباس:

---

المشاركة الأصلية كتبت بواسطة abo3mmar2005

يعني ايه القطمه
علي فكرة اللينكات الي بعتهالي مش لاقي فيها حاجه تخص الاسكاترا
يا ريت تقولي

مع الشكر و الاهتمام ،،،

---

القطمه يعني عمود الدركسيون ,اولو الطاره واخره واصل بالاسكترا .اللينكات اخر مواضيعي مش الاسكترا

انهي اويل سيل غيرتو ,اللي قرب الدواسه ولا اللي ع العمود الفضي تحت العربيه؟؟

اقتباس:

---

المشاركة الأصلية كتبت بواسطة mecha

انهي اويل سيل غيرتو ,اللي قرب الدواسه ولا اللي ع العمود الفضي تحت العربيه؟؟

---

الي علي العمود الفضي الي علي الاسكاترا

http://www.carsteering.com/data/all_...2-820q-map.jpg


الاسكطرا ,




http://thumbs3.picclick.com/d/l400/p...ref-sw a27.jpg



القطمه

اقتباس:

---

المشاركة الأصلية كتبت بواسطة mecha

http://www.carsteering.com/data/all_...2-820q-map.jpg


الاسكطرا ,




http://thumbs3.picclick.com/d/l400/p...ref-sw a27.jpg



القطمه

---

الله ينور عليك يا باشا
الاويل سيل هو الي تحت العمود الي في الاسكاترا الي هي في صورة الاسكاترا
معني كده انه القطمه متفكتش
يعني المشكله في التقل و الخشونه ايه يا باشا

يبا في ضقرة في الاسكطرا من البيضه او تلييس الاويل سيل

اولا الاجره مبالغ فيها اوي ثانيا لازم تظبط زاويا ثالثا هو طبيعي ان يبقي تقيل شويه بعد التغير لاكن بيرجع طبيعي بعد فتره بسيطه رابعا صوت الخشونه ديه طالمه ماكنش موجود من الاول يبقي في مشكله حصلت من الصنايعي خامسا وده اهم حاجه ان الاسكترا ليها رجلاش ومره غيرت الاويسيل ده عند حد وبعدين لما الدركسيون فضل تقيل الميكانيكي بتاعي بعتني علي بتاع عفشه تاني ظبطلي الرجلاش ده وفعلا بعده الدركسيون خف فكده من الاخر شوف صنيعي تاني عشان شكل كده مش شاطر

عن تجربه كان في بقعه زيت تحت دواسه السائق روحت للميكانيكي فك الاسكاترا وغير الاويل سيل والتسريب راح وفضل الدريكسيون تقيل تقريبا عشر ايام وبعدين رجع زي الاول والمصنعيه كده مش غاليه كده كويس

اقتباس:

---

المشاركة الأصلية كتبت بواسطة karwan

عن تجربه كان في بقعه زيت تحت دواسه السائق روحت للميكانيكي فك الاسكاترا وغير الاويل سيل والتسريب راح وفضل الدريكسيون تقيل تقريبا عشر ايام وبعدين رجع زي الاول والمصنعيه كده مش غاليه كده كويس

---

فين الميكانيكي ده ياباشا لاحسن الميكانيكي اللي متابع معاه عايز يغير علبة دركسيون بسبب التسريب اللي عندي في الدواسه ولما غيرت الاولسبه عند عفشجي شويه ورجع يسرب تاني

حضرتك بتقول الميكانيكى غير بيضة الاسكترا الى هى التيش وطبيعى جدا الدركسيون يتقل فى الاول وبعد اسبوعين كدا حيبقى طبيعى ان شاء الله
تحياتى

فى رجلاش فى الاسكاترا تحت عمود الدركسون لو لفيته على الآخر بيتقل الدركسيون ويزنق فى عمود الدوران
اى عفشجى هينزل تحت العربيه ويلفه سنه صغيره هيخف ويبقى ناعم
اللى عليه سهم احمر
http://nileup.com/up/uploads/nilemotors_14325609791.gif

هو الرقم زى ما انا قريته كده صح ولا غلط
200 جنيه مصنعيه فى فك الاسكترا
اذا كان ده صحيح يبقى الصنايعى ده حرامى وحرامى كبير
المصنعية المعقول من 60-100 جنيه حسب المكان والشغل اللى اتعمل
ثانيا
حضرتك بتقول ان انت غيرت بيضه بواحدة جديدة ودى بتاخد من 7-10 ايام على ما تطبع وبعدين الدركسيون عادى بيخف تانى وبيرجع يرد لوحده
فاستنى شويه وبعدين احكم

اقتباس:

---

المشاركة الأصلية كتبت بواسطة miam0502788391

هو الرقم زى ما انا قريته كده صح ولا غلط
200 جنيه مصنعيه فى فك الاسكترا
اذا كان ده صحيح يبقى الصنايعى ده حرامى وحرامى كبير
المصنعية المعقول من 60-100 جنيه حسب المكان والشغل اللى اتعمل
ثانيا
حضرتك بتقول ان انت غيرت بيضه بواحدة جديدة ودى بتاخد من 7-10 ايام على ما تطبع وبعدين الدركسيون عادى بيخف تانى وبيرجع يرد لوحده
فاستنى شويه وبعدين احكم

---

اولا الف شكر علي الرد
ثانيا ده اول تعامل مع حداد فلسه مش عارف الاسعار
بس هو للامانه قعد حوالي ساعه و نص يفك و يركب فيها لانها كانت مربوطه جامد ( فبريكه )

انا رايحله كمان يومين و حشوف ايه الاخبار


الف الف شكر

حدث مع نفس الشئ .. بس لغاية ماروحت والزيت بينزل جوه العربية الدركسيون كان عادي وبيرد لوحده ، وبعد ما صلحه الزيت فعلا توقف ولكن الدركسيون مش بس تقيل وكمان لازم يكون مايل ناحية الشمال قليلا علشان العجل يكون في خط مستقيم !! ولما رجعتله تاني قال لي انه يحتاج الى (طرمبة باور) !! مش فاهم ايه اللي حصل بس انا كان عندي تسرب الزيت أرحم ... وعلى فكرة دفعت 180 جنية . المهم هل فعلا طرمبة الباور تحل المشكلة ولا الافضل تركيب اسكترا كاملة جديدة ؟