الموضوع: ايه رأيكم يارجالة....بيرسونا- النترا-ماتريكس-بوما

انا ارشحلك التيجو افضل من كل اللي انت قولت علية دة

ايه هي احتياجاتك من العربية؟؟؟؟؟؟؟؟؟

المشاركة الأصلية كتبت بواسطة abcd

مش في بالي خالص التيجو ممكن تقولي السبب

بص يا باشا التيجو تتميز بالاتي

1- ارتفاعها عن الارض ممتاز و دة اكتر ماميميز العربية و مناسبة جدا لشوارعنا
2- السحب برده كويس جدا جدا بالرغم انها 1600 سي سي(ملاحظة ان التيريوس مثلا 1500 سي سي)
3-صاجها قوى يعنى امتن مثلا من التيريوس و من عربيات يابانى و كورى كتير
4-كماليات ممتازة
5- بالنسبة للتكييف هو كويس جدا جدا بالذات باليل , الصبح لو العربية واقفة فى الشمس مدة طويلة بياخد وقت شوية عقبال اما يسقع بس كل اللى فى العربية حيحسو بيه و بيقى زى الفل
6- من أكتر مايميز العربية الثبات بتاعها مع انها عالية بس يمكن اللى بيديها الثبات دة انها عريضة لان فيه مثلا عربيات عالية زى التيريوس أو الشيروكى الليبرتى الثبات بتاعها ضايع( ودة من كلام ملاكها يعنى مش بقول اى كلام من دماغى)
7- الموتور صوتوه هادى جدا يكاد ممكن متسمعوش لو انت واقف و العربية دايره
8-العفشة ممتازة ولاهى ناشفة ولا هى ناعمة
9- ممكن تتحكم فى وسع الصالون أو الشنطة لان الكراسي اللى ورا بتطلع لقدام و ترجع لورة وحتى اما بترجع الكراسي لورة خالص بتقى مساحة الشنطة واسعة برده
10-فيها أماكن تخزين كتير داخلية و برده فيها قضبان فوق السقف لوضع شنط أو اى احتياجات أخرى
ويعيبها الاتي
1-خامات التابلوة سيئة الى حدا ما
2- التقفيل متوسط الجو
دة (يعنى مثلا اللى بتنزل فى ايطاليا باسم dr5 تقفيلها شكلو ممتاز جدا أكيد مش تقفيل زى أبو الفتوح, أول ماجبتها اتلاقيت الجلدة اللى تحت المساحات مفكوكة و لزقتها بأمير)
3- استهلاك البنزين عالى شوية اما تمشي بيها جوة البلد يعنى 20 لتر ممكن يعملو حوالى 150/160 كيلو تقريبا و ساعات كمان 140 كيلو بس على السفر استهلاكها كويس
4- غطاء الاستبن اول حاجة بتتخبط من ورة مش الاكصدام لانه بارز عنه علشان كدة لازم تخلى بالك و وانت بتركن علشان ميتجرحش
منقول من مصر موتورز
ملحوظة عفشة التيجو المصري ال1.6 الدفع الثنائي هي هي عفشة التيجو ال2.0 الدفع الرباعي
و دة فيديو للتيجوو في مواجهة الباجيروو
https://www.youtube.com/watch?v=jsTVipmqY1s

المشاركة الأصلية كتبت بواسطة puttputt

البيرسونا افضلهم بلا منازع لانها فيها كماليات كتيره وحماله اسيه وسعرها مناسب مقارنه بالعربيات التانيه الغاليه على الفاضي
الهيونداي والبوما غاليه على امكانياتها لانها ثقافه شعب

بس قطع غيارها غالية اذا لقيتها برة التوكيل اصلا وصيانتها صعبة