طبعا انا كان نفسى اكتب التقرير ده فى نفس اليوم اللى هو يوم الجمعه 22/5 بس بسبب عطل فنى أجلت التقرير للنهارده
تقييمى هيكون من وجهة نظرى - وفعلا من غير مبالغه أو مجامله او تحامل
هابدأ تقييمى للمهندس هانى
استقبال ولا اروع خصوصا ان تقريبا كان عنده 3000 عميل وده طبعا أثر عليا جدا

وصلت سبيد سيرفيس الساعه 4.30 ومعايا عربيتين - النترا 2010 و نيو اكسنت 2011
بدأنا شغل فى النيو أكسنت الساعه 7.30 وبدأنا شغل فى النترا الساعه 10.00 تقريبا

وديه اول نقطه سلبيه أديتها للبشمهندس هانى - انه كان المفروض يأجل ميعادى لليوم تانى - خصوصا انه كان عنده 4 صنايعيه مش متواجدين

حجم المركز أصغر مما تخيلته - بدون مبالغه انا توقعت 3 أضعاف الحجم الحالى على الاقل


قطع الغيار كانت من المركز تقييمى لأسعارها وليس لجودتها انها رائعه وأقل من السوق بنسبة 30% وده انا قلته للمهندس هانى خوفا من انه يكون فيه غلط

المصناعيه أقل من بره بشكل كبير جدا جدا جدا

الناس كلها هنالك بتتعامل بشكل ودى وظريف بيخلى الواحد ينسى جو الصنايعيه المقرف

بعد الصيانه العربيه الالنترا زى ما هيه بالظبط - محستش بفارق ملحوظ - النيو أكسنت هي اللى فاقت شويه

صيانة النترا 2010
تغيير فلتر بنزين
سير مجموعه
بوجيهات
تغيير مارش (ونسبيا اتغير على الفاضى)
زيت وفلتر

صيانة نيو اكسنت
مجموعة سيور و بلى
سير كاتينه
بوجيهات
زيت وفلتر

ده تقييمى للمركز

تقييمى للمهندس هانى وده بعيدا عن الشغل
أتوقع لحضرتك بجد مستقبل ناجح جدا
اعتقد انك محتاج تعمل التالى
أولا - انت محتاج مكان تانى غير ده - نصيحتى لو ينفع تاخد قطعة أرض 200 متر وتعملها زى هنجر الدنيا هاتفرق معاك
ثانيا محتاج عدد العمال بتاعك يزيد - من اللى انا شوفته يوم الجمعه لو معاك 6 صنايعيه بس هاتفضل مضغوط على طول
ثالثا انت محتاج شاب صغير يقوم باللى انت بتعمله - اللى هو العلاقات العامه وده طبعا فى وجودك

فى النهايه بجد اتشرفت بمعرفة شخصيه محترمه زى المهندس هانى وربنا يوفقك وفى يوم من الايام سبيد سيرفيس هاتبقى اكبر من غبور نفسه

شكرا مركز سبيد سرفيس